Mattayo 26:56 - Bibliyeeda Ghaydit

⁵⁶ Ghamneawa ea nisa ng'asheesu seaniin gwasa Ng'ooruutka ghayi bea sibaneeda.” Iidu gwanung'usa heeda giinealanga ak gwasalda.

NEAJEEDA EESH BEA BUUNEESSEAN

⁵⁶ Ghamneawa eanisa ng'asheesu seaniin gwasa Ng'ooruutka ghayi bea sibaneeda.” Iiduw gwanung'usa heeda giinealanga ak gwasalda.

Mattayo 26:56 Mawu Ofanana

GIING'EETA 3:15

Ak gaydayiin furjeeda dageascheadaang'u ea dea gatmooda, ea dageascheeda jeataang'u ea jeataanyi; gayghwalas uhuudaang'u; ak gayghanyaada diding'daanyi.”

ISAYA 44:26

dea amajeek ng'asheanda siidaanyi bea gadiyeeda, nea ghwanung' ghoah huumwa ng'asheega giijasoodigaaschi; ak geayeeniisi Yerusalemu, ‘Gaygoobiida buuneeda,’ ak mujiineeda Yuda, ‘Gajeadeas, nea gaydanung' ghamiinaada gicha eemeegeagwa ghayi sinyarja’;

HEAREEGA 4:20

Jeameeda sareenuukaasa nimwaar NG'UTAMIIDA, ak geeyeana jeesinga shoomeanga nyaawa, ninyeeda was dea ayi, “Aba jirooneadaanyi gaygoobiida bugusta eemoojiga.”

DANIELI 9:24

“Wiikaji laadam ea damanamughuush niba gweanyeew laadam ea damanamughuush gajea damanda jea eetina fugaagu ea mujiineadaang'u ghaydidi, ak goosha munyinda, ak nea gwaduulean riing'eeda, ak gwasin giiduupcheeda, ak gweadu eaweega manda muudeanooda doabiiwaat, ak gooroor giirgweatka ea sibaneeda, ak ghwayeash heeda ghaydit muuchi.

DANIELI 9:26

Iing'ata wiikaji laadam ea iyeenya, abeeda gajeabwar siida simwaar, ak ea manda siida jea ghoaghiis hoorgeadaanyi; nea fuga siida haw jea ghwahidu gaygwanyarja mujiini ea heeda ghaydit. Nea huuydeandaanyi gayghwaanda guldeayda, ak aba huuydeanda gaygwanda ng'ucheeda; nea nyariida ea diigheanda sin ASEETA.

SAKARIYA 13:7

gwayi NG'UTAMIIDA bea lugweega. “Ea ng'uta ng'eada, aba badayda jeagiischoocheandeanyu, ea siida was deanyu.” “Bwara jeagiischoocheanda ak gayghwadarda gisilga. Ak abeeda gaydeageal geatindeanyu heeda dayeega gisilga

Mattayo 21:42

Gwayeesha Yesu, “Heapi miyoasoamwana iiteaba ng'asheanji aba jeeda Ng'ooruutka? ‘Lagheaneeda ghayi anaawa ghaang' deekshoodiga niiw lagheaneeda haw bea sindeeta; ng'asheanji gwaleabu heeda Ng'utamiida, ak ea daamdaamwaat aba gheanyangaasa’?

Mattayo 26:24

Orjeeda siida gaygawa, gawuurji gidaghayi sing'oorsiinda, amadu ea dashageada siidida jea ghwala bwadaw Orjeeda Siidean! Siisi ghang'wana gwachi ea meeji.”

Mattayo 26:31

Gwayeesha Yesu saawa, “Eaweani bea ghamneawean gajastaan oogasean aba gideaba geang'waar, ‘Gaydabwar jeagiischoocheanda, ak gayghwadarda hawanda gisilga.’

Mattayo 26:54

Abeeda gaygwasamwataan Ng'ooruutka ayi nih gidamiisa ghoawda baloolda gil?”

Yohaana 16:32

Ghwaan damanda, aba huumwa ea nihidu, dea jea adarda oogasean ak gaba siisi weah gheanyi, ak gajanung'usean heeda nea gabwageaw; nea ghana aniini ea meabea geaw, aba gideaba geendeayi sea Bwaabwa.

Gadiyeeda Giijasoodiga 1:16

“Fuga siduupcheewi, gaygwasa ng'ooruutka, ghayi rugu Guroorooda Ghaydit aba mwadi aba ghuuta Dawdi, aba badayda Yudayda was siida asheedeawa fuga ang'waay Yesu.

Gadiyeeda Giijasoodiga 2:23

Yesuheeni siyaat humng'eeda aba gidabay ghwanalda ASEETA, ak goongoorji ak goonuuschi aba geatinga fuga munyas.

2 Dimoteo 4:16

Damanda ghayi siirgweaksiinanean bea madeedean manda eara siyagi weah meatkweedeanyu ghaweadan, hean gwanung'usean heeda sean ak geamuschi gideaba giidiinyeanji adeeyiin badahuuka nyaawa!