Mattayo 26:52 - Bibliyeeda Ghaydit

⁵² Gwayeesha Yesu niny, “Adealda ng'utaang'u jeeda labaldaanyi, aba gideaba siida bwarda ng'uta, eara niny gajeabwara ng'uta.

NEAJEEDA EESH BEA BUUNEESSEAN

⁵² Gwayeeshsha Yeesu niny, “Adealda bwaangeadang'u jeeda labaldaannyi, aba gideaba siida bwarda bwaanga, eara niny gajeabwara bwaanga.

Mattayo 26:52 Mawu Ofanana

GIING'EETA 9:6

Siida ahiida foojeanda siida, gayghoahiida siinuut foojeandaanyi; aba gideaba ASEETA ghayi gwasin siida aba ratoadaanyi.

NYIIGHEEGA 55:23

Nea ang'iing'i Ea NG'UTAMIIDA, gayhisana saawa jeeda shoomanda sheagi jih; fuga ahiideayi foojeanda ea fuga munyas eaweega nyaawa maygoogween iyeenya. Nea aniini gaydaghusnyi ang'iing'i.

RITEAYDA 21:12

“Siida inyas ghabwar siida ea ghami, eara niny gajeenuus.

Mattayo 5:39

Ak aniini geayeeshiineegwa, adigali geaw siida muy. Siida iilas madeang'daang'u bea geatinda dugwa, giidawi eara meatkweeda niirja.

Ruumi 12:19

Fuga aabwariinyi, adoowaliidi mureandooda aba heedeang'wa, ghang'wana ghoanung'waadi ghawalda nyarasta ASEETA; aba gideaba geang'waar, “Waldeayda mureandooda deanyu, gay dawalda aniini gwarugu Ng'utamiida.”

1 Desaloniikke 5:15

Ang'ula siida wassean adaghawaldaawa ng'asheanda muy dea muy, iissa ghoayaachi geeshta ng'asheanda miy galeagasean, agooga nea goobeayi geat ea biissa aba heeda buuneesean.

1 Betro 3:9

Adoowaliideawi ng'asheanda muy dea muy ghana giing'weaka ea giing'weaka; ghang'wana giidawi ghawooda, aba gideaba geeguurneey aba badaydeaba ng'asheanji, ak abeeda ginyasi ghawooda.

Giidaheechta 13:10

Siida wassean iijea gawa ghealooniga, gaygawa ghealooniga; siida wassean iilach gheateaba niirja aba ng'uta, eara niny gajealach gheata aba ng'uta. Nih heeda mida giihang'ooyda ea doobiiwnata fuga ghaydidi.

Giidaheechta 16:6

Aba gideaba buuneeda niihiida foojeanda fuga ghaydidi ea gea Sibanga, ak ea niidawi saawa foojeanda ghwali. Ak ea gidamiisa!”