Mattayo 26:41 - Bibliyeeda Ghaydit

⁴¹ Oang'wearni nea ghoamwaashchi ASEETA ea moapiitani jeeda simsimda; guroorooda ghwanyawa gagasa, amadu ea ng'arng'ar saseeda.”

NEAJEEDA EESH BEA BUUNEESSEAN

⁴¹ Oang'ng'wearni nea ghoamwaashchi Aseetta ea mwoappittani jeeda simsimda; gurorooda ghwanyawa gagasa, amaduw ang'arng'ar saseeda.

Mattayo 26:41 Mawu Ofanana

NYIIGHEEGA 119:1

Ghang'wana fuga meeyeateena ghuut naweadinga nyaawa gea badiina jeeda deaweedeeda NG'UTAMIIDA!

NYIIGHEEGA 119:115

Ea fuga sina ng'asheega munyas, ang'amwana heedeanyu, ak abeeda ghaang'waanyi diigheanyeeka ASEETEANYU.

NYIIGHEEGA 119:117

Weadaan, ak gaydaba seayu ak gaydang'ula deaweedajeagaagu galeaga sean!

NYIIGHEEGA 119:32

Gaydafwach dahalsa geaw naweeda diigheanyeakaagu aba gideaba gigoonean fughareeda!

Mattayo 24:42

Asi oang'wearni aba gideaba moanali eaweeda jea ghwahina Ng'utamiideang'wa.

Mattayo 25:13

Hean gwayeesha, asi oang'wearni, aba gideaba moanali eaweeda jea gawaseewa ghana damanda.

Mattayo 26:38

Miighoah gil gwayeesha, “Guroroodeanyu ea giisaneat muuchi ea ghwariikghta dami, Oopiitpiida aba hiji nea ghoang'wearu sea aniini.”

Mattayo 6:13

Adiigealeasa jeeda simsimda, ak giighuuhaneasa gidida muyiin.

Marko 14:38

Ng'ata gwayeesha ginealangaaschi, Oang'wearni nea ghoamwaashchi ASEETA ea meesimeegwa. Guroorooda gagasa amadu saseeda ea manda uurda.”

Lukka 11:4

samseasa riing'eegaasa, gawuurji gidasisamiisiindi siida mideawa siileedeanya; ak ea Adiigealeasa jeeda simsimda.”

Lukka 21:36

Asi agooga afura geat galeagasean, nea ghoamwaashchi ASEETA gagooneegwa uurda jea oataraamwa ng'asheesu sean jea gapnuun, ea aminaada aba madeeda Orjeeda Siida.”

Lukka 22:40

Hita hooweani gwayeesha saawa, “Amwaasha ASEETA adiidu geesimeegwa ak ghoapiti jeeda simsimda.”

Lukka 22:46

ak gwayeesha, “Ghwasaan anda goolili? Ang'eatng'eada amwaasha ASEETA adiidu ghoapiti jeeda simsimda.”

Lukka 8:13

Nea giika abitpisa badayda harearacheandean, giika ama iiy ng'asheanda ghoang'waay nea gahoosaniini; ak ea mandeawana hawungeani, iissa ghamwas gilinuwaas ama duw nea geesimsim gabay gabiikta bwadaw.

Ruumi 8:3

Aba gideaba ng'asheegiga mwoamu aba deaweedean, aba gideaba manda uurjeenga aba ng'asheega saseedean, iidu aba giijeaknooda ajeagu ASEETA Orjeedaanyi nea ghwanung' gawuurji siida mideawa riing'eeda, amadu aba badayda riing'eeda iidu goorgweaksa riing'eeda mida saseeda;

1 Goriinto 10:13

Manda simsimda ninyaseagwa agooga mawoosa dea gealaan aba heeda siida. ASEETA doabiiwaat, nea niny ea mayghwanung'waada eesimeegwa ea ghwanaawa uurjeengeagwa, earapeadi jea eesimeegwean gaygwasin naweeda jea ariteawana ak abeeda ghoamuuschi arjeang'da.

1 Goriinto 16:13

Oang'wearni, nea ghoamiinaadi muuchi aba jeeda masaweegeagwa, adaruusiita nea ghoanyaschi uurda.

1 Goriinto 9:27

aba sareani geasawanyi saseedeanyu nea geagadiiyi, ak ea mwaahuuwi siida rukwiisa giijasta buuneeda suurja, amadu ghaahuuyi aniini siida jea eaheawa.

Galattiya 5:24

Fugiga was gea Yesu Gristohiin niingoorda saseeda ea ng'asheagaaschi munyas bwariiy nea gagasa.

Efeeso 6:18

Amwaasha ASEETA damanyoojiga sean aba jeeda Guroorooda aba mooshta sean bea ASEETA ea badita. Ak ghoang'wearu nea ghoashng'u aba badita ASEETA aba badahuuka fuga ghaydidi sean,

1 Betro 4:7

Ak muudeanooda haleanjeeda sean ea nineekiit, asi amilmiliita ak ghoang'wearu aba badita ASEETA.

1 Betro 5:8

Andeawana gheadeenda nea ghoang'wearu. Aba gideaba weajoocheandeang'wa was meang'nyeandeenda gawuurji ng'adiida ak gwanyeara daghata, nea gwaneay gagasa siida jea ghwanukghuta.

2 Betro 2:9

Asi Ng'utamiida ghwanal gichea gwalealdeayda fuga awali gheang'da ASEETA aba jeeda simsimda, nea ghwayiin fuga mii doobiiweadi ghoamuughu ghealooda ea ghwahita eaweeda girgweaksiinda,

Giidaheechta 16:15

“Asi, gaydoanda mareanghweanda! Ghang'wana siida majeek, nea ghaghamwat hang'weakaaschi ak ea mawa nea dawiish ak geadaah baspaseegaaschi!”

Giidaheechta 3:10

Aba gideaba niing'waanyi ng'asheandeanyu bea milikghteayda nea giihang'waanyi, ak aniini gaydafurnyi, nea giriti aba damanda simsimda jea gwahissa ng'eanyiissean, ak gwasimsim fuga mida badayda ng'eanyiida.