Mattayo 26:39 - Bibliyeeda Ghaydit

³⁹ Hean gawa mwadi gilimwanang' ak gwatkuy ak gakula gheamamdaanyi ng'eanyi ak ghamwaash ASEETA nea, gwayi, “Ea Bwaabwa, iimuusi ginung' ghwasajaadawanaan bayoogi, ea adaghoah gida eagasiidi aniini, nung' ghoah gidigasiidi ang'iing'i.”

NEAJEEDA EESH BEA BUUNEESSEAN

³⁹ Hean gawa mwadi gilimwanang' ak gwatkuy ak gakkula gheamamdaannyi ng'eanyi ak ghamwaash Aseetta nea, gwayi Ea Bwaabwa, iimmuusi ginung' ghwasajaadawanaan bayoogi, ea adaghoaw gideagassiidi aniini, nung' ghoaw gidigassiidi ang'iing'i.”

Mattayo 26:39 Mawu Ofanana

GIING'EETA 17:3

Hean ghoabeada Abramu ak gwatkuy ak gwayeesha ASEETA Abramu;

2 SAMWELI 15:26

ama deepa gwayi, ‘Aniini meagasseey,’ ng'ula, aniini geandi hiji, nung'waada gwasinnean niny gidadaah gideaba ghwahit aba headaanyi.”

1 DAMANYOOJIGA 21:16

Gagatkat Dawdi gheanyangaaschi, ak ghwadaah malaykajeanda NG'UTAMIIDA nea ghamiinaada aba dageascheeda ng'eanyiida ea dea humng'eeda, nea gwandeawa ng'uta sifagu aba geatindaanyi, nea geekeal Yerusalemu. Hean ghoabeada Dawdi sea gweargwa ea ghabwada jeesinga ng'eanyi, nea niikwa hang'weaka guniyajeega aba giiseaneega.

ISAYA 50:5

NG'UTAMIIDA was ASEETA nijaat iiteanyu, ak was meawoosi hang'waay uuh, ak ea miidabiikta bwadaw.

ISAYA 53:12

Asi gaydayiin meatkweeda fuga hees, gaygwalaja easanga sea gea mideawa uurjeenga; aba gideaba niny gagu eaweagaaschi, nea gabwageaw gawa miyeeda, ak gawa jeeda meatkweeda fuga mideawa giidiinyeanyeeka; ak ghwasar riing'eega fuga saang'a, ak gamus eabwayda fuga mideawa giidiinyeanyeeka.

ESEKIELI 1:28

Nea iisidaa gawuurji gidaghuweang'da sheagiitka aba jeeda shamooghuutka damanda roopta. Ak ea giduurji weeshindida gil aba meadajeega sean nea giduurjeata giigheambiita NG'UTAMIIDA gil iisidaa. Hean nea ghaadaayi ghaabeadi nea ghaabwadi jih ng'eanyi, ak ghaayiinyi ghuuta siida nea gabalool.

IITOODA 14:5

Hean ghoabeada Musa ea Haruni ak ghabwada jih ng'eanyi aba madeeda fuga bwat geat bea Israeli.

IITOODA 16:22

Hean ghoabeada nea ghabwada jeesinga ng'eanyi, nea gwayi, “Ea ASEETA, ASEETA bea gurooruunatka gilinyoo gwandeawa saseeda, gaygwasin siyagi riing'eeda, ak gaynyareeksiina fuga sean bwatgeat?”

Mattayo 20:22

Ghwasha Yesu nea gwayeesha, “Moanali eara gidoomuschi. Heapi! Ghoamuuschi aleayda gikoombeeyda jea daleayda aniini?” Gwayeesha, “Geamuuschi.”

Mattayo 24:24

Aba gideaba gayghwahidu Gristohajeega ng'uyyeega ea sibanga ng'uyyeega. Ak gayghoahiimu gwadeagwajeega hees deamdeameadi jea ghoamu gahuteawi fuga ghayi bay ealoat.

Mattayo 26:42

Gabiikta deabiyeenya ak ghamwaash ASEETA nea gwayi, “Ea Bwaabwa, iimay ghwasajaadawanaan bayoogi ea eeghus daleayda nung'waada gwasa gidigasiidi ang'iing'i.”

Marko 13:22

Aba gideaba gayghwahidu fuga was Gristohajeega ng'uyyeega ea sibanga ng'uyeega, gayghoahiimu gwadeagooda ea ng'asheega deamdeameadi, aba huteawda fuga loat ASEETA.

Lukka 17:16

goobeedeaysa Siidida geeshanga Yesu ak gabadiischeesa. Nea siidida gaba eemeeda Samariya.

Yohaana 11:41

Hean geegeanda lagheaneedida. Ng'ata goong'weersa Yesu humng'eeda ak gwayi, “Geabadiischooweey Bwaabwa aba gideaba iissa giyiinyi gideargu.

Yohaana 14:31

ak geasindi gidagoondanean Bwaabwa, ak abeeda ghwanal ng'eanyiida gideaba ghaabwariinyi Bwaabwa. Ang'eada eeweaya heechea eeweaya.

Yohaana 18:11

Gwayeesha Yesu Betaro, “Adealda ng'utaang'u jeeda labaldaanyi; heapi, gajea mwaaleaydani gikoombeeyda ghayi goonan Bwaabwa?”

Yohaana 5:19

Gwayeesha Yesu saawa, “Aba huumwa, aba huumwa, geayeeshiineegwa, Orjeeda moamu gwasin gida nea gaba geaw ghoamu gwasin gidida dea nea gwasin Ghwaaniin; aba gideaba gidida sin Ghweandean, eara Orjeeda abeeda gaygwasin.

Yohaana 5:30

“Aniini mwammuusi dasin gil aba gheambalmeedeanyu nea geabwaageaw; aniini geargweakiisi buuneeda aba gidayiinyi, nea girgweageedeanyu ea doabiiwaat, aba gideaba meagassi dasin gideagasayi aniini geaghus dasin gidagasa siidida ghayi ajeakneaniin.

Yohaana 6:38

Aba gideaba mwaararang'aanani humng'eeda doan dasin gideagasayi aniini, ghaawunyi dasin gidagasa dea ghayi ajeaknean;

Gadiyeeda Giijasoodiga 10:25

Iidu nea ghwahita Betaro ghoah gwarita jarooda Gorneliyo ghwadeapta ak gwatkuy aba madeeda geeshangaaschi ak ghaghadoawan.

Filippi 2:8

Iidu nea geadaah nea gawuurji siida, ghwaat geaw ng'eanyi nea gwasin mureeda ea ghwahita miyeeda, eara miyeeda uhuuda beehiida.

Ebraniya 5:7

Aba askwearjoojigiga bea saseadaanyiin ghamwaash Yesu ASEETA nea gang'ula humng'eeda ak ghabwat ASEETA, nea gooyeawda aba ghuuta haw ea dabeaka, nea googeal heeda siida ammu ghoaghuuha niny miyeeda, ak geayiiy aba gidawalda gheang'da ASEETA.

Giidaheechta 19:10

Ak geabeedeaysi madeeda geeshangaaschi ak ghaaghadoawanyi niny hean gwayeeshiinean, “Adiidu gisini ng'asheesu! Aniini geawooschi soomjeanda sea ang'iing'i sea fuga iduupcheewi mideawa muuwuunooda Yesu. Ghadoawana ASEETA.” Aba gideaba muuwuunooda Yesu guroorooda sibaneanduumeeda.