Mattayo 26:29 - Bibliyeeda Ghaydit

²⁹ Gaydayeeshiineegwa maygudu dabiikta dali gicha difaayeeda sabiibu ea eaghus dabiikta dali gicha gea eashish sea agooga aba jeeda sugoocheanduumeeda Bwaabwa.”

NEAJEEDA EESH BEA BUUNEESSEAN

²⁹ Gaydayeeshshineegwa maygudu dabiikta dali gichcha difaayeeda sabiibu ea eaghus dabiikta dali gichcha gea eashish sea agooga aba jeeda sugoochcheandumeeda Bwaabwa.”

Mattayo 26:29 Mawu Ofanana

NYIIGHEEGA 104:15

ea difaayeeda jea goohoosan guroorooda siida, ea nagheeda jea ghwanung' gaweeshiit gheamamdaanyi, ea mukaateeyda jea ghwanung' gamajeegiit guroorooda siida.

NYIIGHEEGA 4:7

Ninyiin hooseaneega jeeda gurooroodeanyu, ea ghwanaawa damanda siitawa booga saang'a ea difaayi.

NYIIGHEEGA 40:3

Hean ghwayiin ghuuteanyu duumdeesh, was duumda giigheambiita ASEETEANYA. Gayghwadaah fuga saang'a ak ghabeal, ak ghwayiin ghusooda nyaawa heeda NG'UTAMIIDA.

SARMEEDA SULEMANI 5:1

Geawi jeeda boostaaneedeanyu, ng'wasaneedeanyu, ea huda eanyearayi, geaptu geedigeasu ng'andidi, ghaayaaji bearga maleedeanyu ea maleedeanyu, ghaaleayi difaayeedeanyu ea eanoogeasu. Ayeagiischeena, ea fugeasu eaduupcheewi, ak gooleeshi aleaha muuchi fugeasu aabwariinyi.

ISAYA 25:6

Ak aba uhuudeaba giijeeni NG'UTAMIIDA bea lugweega gaygwasissa buuneesean ghweelmeeda, haleanjeeda riisheadi, ea ghweelmeeda difaayeeda miy, ea banyeega miyaas, ea nagheeda, ea difaayeeda miyaas.

ISAYA 53:11

ak gayghwadaah haghweega sawanadeeda saseadaanyi, ak ghamwas; aba fughareeda siideanyu bea gadiyeeda doabiiwaat, gayghwanung' ghoah gea saang'a gea doobiiweadi, nea ghwasar giidiinyeanyeeka nyaawa.

SEFANIYA 3:17

NG'UTAMIIDA was ASEATAANG'U gwanda jeedeang'wa, niny aamwaay nea ghoamu gwalealneegwa; gaygahoosasseey aba ng'weelooda haw, gayghwasiinda aba bariinyeagaaschi; gaygang'weela aba badaydaang'u nea gwasarman aba ghuuta haw

SAKARIYA 9:17

Aba gideaba alooheadaanyi aahaw! Nea eara miyindaanyi aahaw! Booga gayghoarear gheareemanga, nea difaayeeda eashish gayghoarear haweega.

Mattayo 13:43

Abeeda gea doobiiweadi gayghoameang'daayda ASEETA aba jeeda sugoocheanduumeeda Bwaabeeda nyaawa. Siida mideawa iidiga ea dayiinya.

Mattayo 16:28

Aba huumwa geayeeshiineegwa, gwanda hiji bea jeedeang'wean fuga maygameewa, ea eaghus ea nidaah Orjeeda Siida nea ghoana jeeda sugoocheanduumeadaanyi.”

Mattayo 18:20

Aba gideaba heeda wassean roonyeesa fih iyeenya ghana samwagu aba gheawungeasu, abeeda eara aniini gaydanda jeenyaawa.”

Mattayo 25:34

Ng'ata gaygwayeesha sugoocheanda fugiga mida meatkweadaanyi bea geatinda dugwean, ‘Abeeni agoogeeda ghayi nigooneegwa Bwaabwa ghawooda ahearana sugoocheanduumeeda ghayi sibay eerarseegwa ghang'eada dea ghayi sibwada ng'eanyiida;

Mattayo 26:28

Aba gideaba suh foojeandeanyu bea neajeeda gil, ak geahiida aba badahuuka fuga saang'a aba geandeayda riing'eeda.

Mattayo 26:30

Iing'ata sarmeeda duumda, ghang'eatng'eat gaweay uhuuda giijeeda saytuunajeega.

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

Marko 14:25

Aba huumwa, Maygutali difaayeeni was mideega haghweega sabiibuun, ea eaghus galanya dawa dali gea eashish aba jeeda Gheambalmeeda ASEETA.”

Lukka 12:32

“Adoabeali agoogeeda ng'ay, aba gideaba gagasa Ghweandeang'wa gideaba gahaguuw gagooneegwa sugoocheanduumeeda.

Lukka 15:32

Ak gicha iisihoosan ghwahit geeng'weela aba gideaba orjeeni bea geamaduun ghayi nimi, ak ghamneawa ea niduudu, ghayi niroat, ak ea sinyas.’”

Yohaana 15:11

Asi nearukuneegwa ng'asheesu ak abeeda goobiida hooseaneegeasu jeesingeagwa, ak abeeda ghwahit hooseaneegeagwa.

Yohaana 16:22

Ghamneawa goondeawi giiseaneega ak gaydabiikta dadaheagwa ak abeeda gaygahoosan gurooruunatkeagwa, nea hooseaneegeagwa ea manda siida jea gageandeawa heedeang'wa.

Yohaana 17:13

Asi ghamneawa ghaawunyi headaang'u; ak ea nearukuti ng'asheesu aba jeeda ng'eanyiida, ak abeeda ghwanyas hooseaneegeasu muuchi aba jeesinga nyaawa.

Gadiyeeda Giijasoodiga 10:41

ak ea mii heeda buuneesean gil, geaghus heedeanya ghayi loadeasa ASEETA eahuuwa muushoodiga, ghayi siyeagiischi nea geeleeshi sea niny iing'ata duunooda duuna miyeedean.

Ebraniya 12:2

nea geeng'ulayi Yesuheeda asheeda was dea amajeek masaweagaasa, was dea aba hooseaneega siyiin madeadaanyi ghoahang'waay aba beehiida, ak gafool baspaseega, ak goopteada aba meatkweeda geatinda dugwa bea hoorgeeda gheambalmeeda ASEETA.

Giidaheechta 14:3

nea gwasarman duumdeesh aba madeeda hoorgeeda gheambalmeeda ea madeedeaba diyeangiga asang'wan majeekcheewiin ea madeeda gweargwa. Ak ea manda siida ammu ghoanaal geaw duumdida, geaghus fugiga as sagalama ea haradam ea ang'wan ghayi siikghu aba badayda ng'eanyiidean.

Giidaheechta 7:17

Aba gideaba Dayeeneanji bea Gisilleanda mida bugusta hoorgeeda gheambalmeedean gayghoah jeagiischoocheanda nyaawa, ak gaygoodoobiiwseegwa gheang'deenda mida beega mideawa eaweega; ak ASEETA gaygoobuus dabeaka sean mida gheanyanga nyaawa.”