Mattayo 26:28 - Bibliyeeda Ghaydit

²⁸ Aba gideaba suh foojeandeanyu bea neajeeda gil, ak geahiida aba badahuuka fuga saang'a aba geandeayda riing'eeda.

NEAJEEDA EESH BEA BUUNEESSEAN

²⁸ Aba gideaba suu foojeandeanyu bea neajeeda gil, ak geahiida appadahuukka fuga saang'a aba geandeayda ring'eeda.

Mattayo 26:28 Mawu Ofanana

YEREMIYA 31:31

“Ng'ula, gayghwahidu eawoojiga, gwarugu NG'UTAMIIDA, ea dasina neajeedeesh sea fuga Israeli ea fuga Yuda.

NG'ASHEEGA LAWI 17:11

Aba gideaba eaweega saseeda gwanda jeeda foojeanda; ak geagoonyeegwa aba heeda wagiida ak geasinyi giiduupcheeda aba badahuuka gurooruunatkeagwa; aba gideaba foojeanda dea sina giiduupcheeda, aba badayda eaweega.

SAKARIYA 9:11

Aba badayda ng'asheagaagu, ea aba badayda foojeanda neajeadaang'u, nearuudu fugaagu mida ghealooniga aba jeeda shoomandida manda beegean.

Mattayo 20:28

aba sareani eara Orjeeda Siida moani eegadiyeesa niny ghoan gagadiiy, ak ghoadayda eaweagaaschi ghoah leadeeda fuga saang'a.”

Mattayo 26:27

Ng'ata gageanu gikoombe, ak gabadiischeesa, ak ghoadaw nea gwayeesha, “Aleayda bayoogi oogasean.

Mattayo 26:29

Gaydayeeshiineegwa maygudu dabiikta dali gicha difaayeeda sabiibu ea eaghus dabiikta dali gicha gea eashish sea agooga aba jeeda sugoocheanduumeeda Bwaabwa.”

Mattayo 6:12

Samseasa siileenigaasa, gawuurji gidasisamiisiindi fuga mideawa siileenigaasa.

Marko 1:4

Yohaneeda Abaatiisachi geedeaksa jeeda dareapcheeda nea gwarukwiisa buuneeda gideaba aduukuunana ng'asheega munyas ak geepaatiisan ak gwasamsa ASEETA riing'eega nyaawa.

Marko 14:24

Gwayeesha Yesu, “Suh foojeandeanyu neajeeda ghayi siihiida aba badahuuka fuga saang'a gil.

Lukka 22:19

Ak gageanu mukaate, ak gabadiischeesa ak ghabwanach ak ghoadawaada saawa nea gwayeesha, “Nih saseedeanyu gil siitayda aba badahuukeagwa. Ahindunu aba giipkeateanyu.”

Lukka 22:20

Ak gwahindunu eara gikoombe iing'ata agiischooda gwayi, “Bayoogi geahiida aba badahuukeagwa neajeeda eesh aba foojeandeanyu.

Ruumi 5:15

Nea gidasiitayda ea mawuurji sea giidiinyeanda. Aba gideaba ghayi iimeewa fuga saang'a aba giidiinyeamba siyagi, ak ghwaraanya muuchi dagheerjeanduumeeda ASEETA ea gidasugu aba dagheerjeanduumeeda siida asagi was Yesu Gristo naawda aba badahuuka fuga saang'aan.

Ruumi 5:19

Asi gwasunu iiheawa siyagi iidu ghwanyas buuneesean riing'eeda, gwasunu eara iisin siyagi mureeda iidu ghwanyas buuneesean doobiiwnata.

1 Goriinto 11:25

Gwasunu iing'ata agiischoodeaba shing'ada gageanu gikoombe ak gwayi, “Bayoogi neajeedeesh gil aba foojeandeanyu. Asindunu, iinyo aleesheena, aba giipkeateanyu.”

Efeeso 1:7

Aba niny geendeawi ghuhooda aba foojeandaanyi, was samsiinda riing'eeda, aba giteena dagheerjeanduumeadaanyi.

Golosaayi 1:14

nea aba niny geendeawi lealeanooda nea ea samsiinda riing'eeda.

Golosaayi 1:20

nea aba niny gooduupchi geaw haleanjeeda sean gea mida ng'eanyi ghana gea mida humng'eeda, ak gwasin hoyyoo aba foojeanda weay aba badayda beehiidaanyi.

Ebraniya 10:29

Abeeda iing'ulayi gajea muydaan girgweaksiinda jea ghwanyas fuga ghasghas Orjeeda ASEETA, nea ghabwara ririnnyeanda foojeanda neajeeda ghayi simiina, nea ghoanyareas Guroorooda dagheerjeanduumeeda?

Ebraniya 13:20

Asi ghamneawa ASEETA mideawa hoyyoo biikta gweadu gicha Ng'utamiideanya was Yesu aba jeeda miyeeda, jeagiischoocheanda haw bea gisilga, aba foojeanda neajeeda manda muudeanooda,

Ebraniya 9:28

gwasunu eara Gristo, niny ghayi geatayda nibwagi ak gageanda riing'eega fuga saang'a, gayghwahidu deaba iyeenya, ak ea mayghwahidu aba badayda riing'eeda niny gayghoan gwalealu fugiga amuuku niny muuchiin.

1 Yohaana 2:2

nea niny ea siida jea ghoadayda leadeeda riing'eegaasa, ak ea meakghusa gaasa ak ghwahit eara riing'eega muunda ng'eanyiisean.

Giidaheechta 7:14

Geayeeshi niny, “Siida mureeda, ginali ang'iing'i.” Hean gwayeeshean, “Suh fuga leabu jeedeaba sawanadeedida hawiini; ak ea niihuun hang'weaka nyaawa geawi ea ghwanung' gaweeriidi aba foojeanda Dayeenda Gisilleanda.

Giidaheechta 7:9

Iing'ata ng'asheesu ghaang'weardi, ak ging'ulayi, ghaadaayi, eemeeda saang'a manda siida ammu gwayiida, fuga leabu giliwas daroar ea eemoojiga sean ea buuneeda ea iita nea ghamiinaada aba madeedeaba hoorgeedida bea gheambalmeedean, ea madeeda Dayeenda Gisilleanda, nea gookwa hang'weaka eashish, nea ghoang'waay damealga miilayga aba geatinga nyaawa,