Mattayo 26:24 - Bibliyeeda Ghaydit

²⁴ Orjeeda siida gaygawa, gawuurji gidaghayi sing'oorsiinda, amadu ea dashageada siidida jea ghwala bwadaw Orjeeda Siidean! Siisi ghang'wana gwachi ea meeji.”

NEAJEEDA EESH BEA BUUNEESSEAN

²⁴ Balleanda siida gaygawa, gawuurji gidaghayi sing'oorsiinda, amaduw eadashageada siidida jea ghwala bwadaw Balleanda Siidean! Siisi ghang'wana gwachchi ea meeji.”

Mattayo 26:24 Mawu Ofanana

GIING'EETA 3:15

Ak gaydayiin furjeeda dageascheadaang'u ea dea gatmooda, ea dageascheeda jeataang'u ea jeataanyi; gayghwalas uhuudaang'u; ak gayghanyaada diding'daanyi.”

NYIIGHEEGA 55:15

Ak ea dashama miyeeda saawa ak ea daweayi jeeda gheeda maloonghajeega nea majeekcheewi aba gideaba ghwanyiit munyinda gealga nyaawa ea gurooruunatka nyaawa.

NYIIGHEEGA 55:23

Nea ang'iing'i Ea NG'UTAMIIDA, gayhisana saawa jeeda shoomanda sheagi jih; fuga ahiideayi foojeanda ea fuga munyas eaweega nyaawa maygoogween iyeenya. Nea aniini gaydaghusnyi ang'iing'i.

DANIELI 9:26

Iing'ata wiikaji laadam ea iyeenya, abeeda gajeabwar siida simwaar, ak ea manda siida jea ghoaghiis hoorgeadaanyi; nea fuga siida haw jea ghwahidu gaygwanyarja mujiini ea heeda ghaydit. Nea huuydeandaanyi gayghwaanda guldeayda, ak aba huuydeanda gaygwanda ng'ucheeda; nea nyariida ea diigheanda sin ASEETA.

SAKARIYA 12:10

“Gaydaadaw fuga gheeh Dawdi, ea fuga mida Yerusalemu guroorooda dagheerjeanduumeeda ea dea mooshta ASEETA. Ak saawa inyeesa ghwadaah deaghayi bwar abeeda gaygoonyahuushi aba badayda jeaptaanyi ghus, ak gajeadaah sawanadeeda aba badaydaanyi. Gawuurji siida daah sawanadeeda aba badayda duweacheadaanyi.

SAKARIYA 13:7

gwayi NG'UTAMIIDA bea lugweega. “Ea ng'uta ng'eada, aba badayda jeagiischoocheandeanyu, ea siida was deanyu.” “Bwara jeagiischoocheanda ak gayghwadarda gisilga. Ak abeeda gaydeageal geatindeanyu heeda dayeega gisilga

Mattayo 18:7

“Eamuy daang'u ng'eanyiida aba simsimda eatu riing'eeda! Aba gideaba simsimda gammiisa hinnooda, abeeda eamuy dea siida jea ghwanung' ghwahidu simsimda!

Mattayo 26:31

Gwayeesha Yesu saawa, “Eaweani bea ghamneawean gajastaan oogasean aba gideaba geang'waar, ‘Gaydabwar jeagiischoocheanda, ak gayghwadarda hawanda gisilga.’

Mattayo 26:54

Abeeda gaygwasamwataan Ng'ooruutka ayi nih gidamiisa ghoawda baloolda gil?”

Mattayo 26:56

Ghamneawa ea nisa ng'asheesu seaniin gwasa Ng'ooruutka ghayi bea sibaneeda.” Iidu gwanung'usa heeda giinealanga ak gwasalda.

Marko 14:21

Asi Orjeeda siida gaygawa heechea gawa gawuurji ginyaashta Ng'ooruutka Ghaydit. Nea ea dashageada siidida jea ghwala bwadaw Orjeeda Siidean. Siisi ghayi ghang'wana ea meeji.”

Marko 9:12

Gwayeesha, ada huumwa, “Eliya gayghanyi gooshoohu ghoan gwasisin haleanjeeda sean; eara gwasa, ghwasaan anda geang'waar aba jeeda Ng'ooruutka Ghaydit gideaba, Orjeeda Siida gayghwanyas hang'weanidooda muuchi nea geefool?

Lukka 22:22

Asi Orjeeda Siida gayghabeada gidaghayi sibean eerarsiinda ak ea dashageada siidida jea ghwalaabwan bwadaw!”

Lukka 24:46

Ak gwayeesha saawa, “Nih gidaghayi sing'waarda gil gideaba Gristo gayghwanyas hang'weanidooda ak gwaduuna miyeeda eaweeteaba samwagu,

Yohaana 17:12

Ghayi nea gutandeawa saawa iissa ghaahaaghwi aba gheawungaagu ghayi igooni; aniini naahaaghwi saawa ak ghanyea manda nih niroat eara akaleala geaghus orjeeda ghayi was roodaneeda, gwasa ng'asheega rugu ng'ooruutka.

Yohaana 19:24

hean gabaloola saawa gideaba, “Adoabwaashchi ghang'wana geeng'alealeesi ak geadaayi siichea gageanda.” Ng'asheanji geesin ak gwasa gida ghayi nyaah Ng'ooruutka bea gideaba, “Ghoadabwaarda hang'weakeasu aba jeenyaawa, Ak gang'alealeesa hang'deanyu.”

Yohaana 19:28

Iing'ata nea ninal Yesu gideaba niisha ng'asheega sean, gwayi, (iijeagwasa ng'ooruutka), “Ghwaagan muwoash.”

Gadiyeeda Giijasoodiga 2:23

Yesuheeni siyaat humng'eeda aba gidabay ghwanalda ASEETA, ak goongoorji ak goonuuschi aba geatinga fuga munyas.

Gadiyeeda Giijasoodiga 28:23

Iing'ata nea niheeleesa eaweeda jea gwaroonyeewa, gaweesa fuga saang'a eanyasa gheeda abiita. Gwarukusa nea gweasa geaw ghang'eada sakteayda ea ghoah shing'ada muuwuunooda ng'asheega sugoocheanduumeeda ASEETA, nea ghaghurghur aba ng'asheega Yesu, aba deaweedeeda ghayi bea Musa ea dea sibanga.

Gadiyeeda Giijasoodiga 4:28

ak gwasin gida wassean ghayi bean gagasa geatindaang'u ea fughareadaang'u gideaba gaygwasa.

1 Goriinto 15:3

Aba gideaba geagonyeegwa giijasta majeek bea huumwa ghayi sigoonan, bea gideaba Gristo ghami aba riing'eegaasa gawuurji ginyaashta ng'ooruutka,