Mattayo 24:30 - Bibliyeeda Ghaydit

³⁰ ng'ata gajeadaah gwadeagooda Orjeeda Siida aba humng'eeda, abeeda eemoojiga sean bea muunda ng'eanyiida gaygagutu heareega iidaah Orjeeda Siida nea ghwaan aba badayda shamooghuutka humng'eeda nea gwandeawa uurda ea giigheambiita haw;

NEAJEEDA EESH BEA BUUNEESSEAN

³⁰ ng'atta gajeadaah gwadeagooda Balleanda Siida aba humng'eeda, abeeda emoojiga sean bea muunda ng'eanyiida gayguuttu heareega idaah Balleanda Siida nea ghwaan aba badayda shamooghuutka humng'eeda nea gwandeawa uurda ea gigheambiitta haw;

Mattayo 24:30 Mawu Ofanana

DANIELI 7:13

Ak ghaadaayi aba jeeda giirgweatka eaweeda, asi ng'ula, aba jeeda shamooghuutka humng'eeda ghwaan siida uurji orjeeda siida ak gawa heeda siida ghayi mideawa eaweega damanda manda muudeanooda ak geeyeadu ea ghwahidu madeadaanyi.

SAKARIYA 12:10

“Gaydaadaw fuga gheeh Dawdi, ea fuga mida Yerusalemu guroorooda dagheerjeanduumeeda ea dea mooshta ASEETA. Ak saawa inyeesa ghwadaah deaghayi bwar abeeda gaygoonyahuushi aba badayda jeaptaanyi ghus, ak gajeadaah sawanadeeda aba badaydaanyi. Gawuurji siida daah sawanadeeda aba badayda duweacheadaanyi.

SAKARIYA 12:11

Eaweecheanji abeeda gaygwanda giinyahuushooda haw aba Yerusalemu. Gawuurji giinyahuushooda ghayi bea Hadad-rimoni aba mooheeda Megido.

Mattayo 24:3

Iidu nea goopteada Yesu aba uhuuda Giijeeda Saytuunajeega, gaweesa giinealangaaschi aba heeda funyaat ak geanyasa hichpa geaw ak geanyaash gideaba, “Rukuni ng'asheesu gayghoah eeju? Amadu hinoadaang'u gwanda gwadeagooda jea eadaaha ghana dea muudeanooda damanda?”

Mattayo 24:37

Aba gideaba gaygawuurji gidaghayi bea damanda Nuhu, nih gichea gawuurji hinnooda Orjeeda Siida gil.

Mattayo 24:39

nea majeeng'na ea ghwahidu roopta duw ak gwaduulu buuneesean, nih abeeda gichea gawuurji hinnooda Orjeeda Siida gil.

Mattayo 26:64

Gwayeesha Yesu niny, “Girgu ang'iing'i. Asi gaydayeeshiineegwa, ghang'eada ghamneawa gajadaaha Orjeeda Siida nea goopteada aba meatkweeda geatinda dugwa hoauur, nea ghoana badayda shamooghuutka humng'eeda.”

Marko 13:26

Ak gajeadaah Orjeeda Siida nea gwashuubeanda jeeda shamooghuutka nea gaygwandeawa uurda haw ea giigheambiita.

Marko 13:4

“Eaniyean rukuneasa ng'asheesu gayghoah eeju? Ak gajeeroorda naaha aba hinnoodeaba ng'asheesu.”

Lukka 21:27

Ak gajeadaah Orjeeda Siida nea ghoana jeeda shamooghooda nea gwandeawa uurda ea giigheambiita haw.

Lukka 22:69

Nea gidang'eada ghamneawa Orjeeda Siida gaygoopteada aba meatkweeda geatinda dugwa bea ASEETA hoauur.”

Gadiyeeda Giijasoodiga 1:11

ak gwayi, “Fuga Galilaya ghwasaan anda ghoamiinaadi nea goong'ulayi humng'eeda? Yesuheeni beawa heedeang'wa ak gawa humng'eedean, gaygabiikteaydunu gawuurji gidaghamneawa oadaakti nea gawa humng'eedean.”

2 Desaloniikke 1:7

ak gagooneegwa fuufta sea aseasa agoogeeda sisawan, damanda jea eatahaaja Ng'utamiida was Yesu jea gwaleabu humng'eeda sea malaykajeagaaschi mideawa uurjeenga beasta yeat,

Giidaheechta 1:7

Ng'ula, ghwaan nea goodeana shamooghuutka, ak gayghwadaah niny giliwas gheang'da, ea giliwas sih ghayi ng'ut niny; ea eemoojiga sean bea ng'eanyiida gaygagutu heareagaaschi. Asaha. Amin.

Giidaheechta 12:1

Ng'ata geadaah gwadeagooda haw aba humng'eeda was gatmooda siikwealsa aseeta, nea gwanda jeeda baneaguuka geeshangaaschi sheeda, nea uhuudaanyi gwanda shiipka miinga atamaniyeenya;