Mattayo 24:11 - Bibliyeeda Ghaydit

¹¹ Amadu gayghwahidu sibanga saang'a bea ng'uyyeega ak gaygwareengani fuga saang'a.

NEAJEEDA EESH BEA BUUNEESSEAN

¹¹ Amaduw gayghwahidu sibanga saang'a bea ng'uyyeega ak gaygwareengani fuga saang'a.

Mattayo 24:11 Mawu Ofanana

Mattayo 24:12

Iidu nea ghoahaada deambiilaneanduumeeda buuneeda, hean gaygabiisa ghamwanang'iidaada bariinyeega aba jeesinga nyaawa.

Mattayo 24:24

Aba gideaba gayghwahidu Gristohajeega ng'uyyeega ea sibanga ng'uyyeega. Ak gayghoahiimu gwadeagwajeega hees deamdeameadi jea ghoamu gahuteawi fuga ghayi bay ealoat.

Mattayo 24:5

Aba gideaba gayghwahidu fuga saang'a nea gaygaba nih ayi, ‘Aniini geewooschi Gristo,’ ak gaygwareengani fuga saang'a.

Mattayo 7:15

“Ashageada sibanga ng'uyyeega fuga iissa ghapka heedeang'wa nea niikwa eagweega gisilga, nea aba jih ea suuyeeka ng'weani.

Marko 13:22

Aba gideaba gayghwahidu fuga was Gristohajeega ng'uyyeega ea sibanga ng'uyeega, gayghoahiimu gwadeagooda ea ng'asheega deamdeameadi, aba huteawda fuga loat ASEETA.

Gadiyeeda Giijasoodiga 20:30

nea aba jeedeang'wa agooga gaygwarina fuga jea gwarugu ng'asheega ng'ooweata, jea ghwanung' ghwaat giinealanga geeshta nyaawa.

1 Dimotteo 4:1

Asi ng'asheanji gabean gwarugu Guroorooda Ghaydit nea ghwadaajiit bea gideaba damanda huuydean gwanda fuga jea gooheeli geat masaweega, ak gooleeysiit fuga ng'uyeega ea giinealshooda Shataani.

2 Betro 2:1

Ng'ata gwarina jeeda buuneeda sibanga ng'uyeega earapeadi jea gwanda giinealshoodiga ng'uyeega aba jeedeang'wa, fuga jea gweadu giinealshooda nyariida aba makcheameeda, ak ghwashaang' Siida haw ghayi shaang' saawa, ak gweasa geat nyariida.

1 Yohaana 2:18

Diibiga, nih damanda huuydean; gawuurji gidaghayi oayiing'di bea gideaba gayghwahidu weajoocheanda Gristo, ak eara ghamneawa ea goola ghapka gea saang'a was weajoodiga Gristo; hean ghoah gidasinali gideaba damanda huuydean.

1 Yohaana 2:26

Geang'oorneegwa ng'asheesu aba badayda fugiga gasa gwareenganeegwa;

1 Yohaana 4:1

Fuga aabwariinyi, adoamwaschi giliwas guroorooda, iissa ghoonyo asima gurooruunatsu ak ghoadaayi ea gaba ASEETA; aba gideaba nihidu jeeda ng'eanyiida sibanga saang'a bea ng'uyeega.

Yuuda 1:4

Aba gideaba gheata ninyas fuga mwaatkwa gaseadayi aba makcheameeda ghang'eada garayi ak geegwalu aba girgweaksiinda, fuga maba ASEETA huteawi dagheerjeanduumeeda ASEETEANYA ak ghoabuuta jeeda hiseadayeanduumeeda nea ghwashaang' Siideanya haw asakaleala was Ng'utamiida, Yesu Gristo.

Giidaheechta 19:20

Hean geang'waay diyeaydida, sea sibaneeda ng'uyeega ghayi sina gwadeagwajeega aba madeadaanyi, ak gwareengani fugiga ghayi niing'waay giirooraneedeaba diyeaydida ea fugiga ghadoawan gidasiratiida ninyiin. Hean geejaksa suh asiyeenyean jeeda basooda beasta nea majeekcheewi ak ghwaak beasta ea giikayda.