Mattayo 23:34 - Bibliyeeda Ghaydit

³⁴ Ak gaydeajeagu sibanga ea weaghoodiga ea ng'oorshoodiga, mwaatkwa gajanuuseada nea goongoorsi iheenga beehajeega, nea suurja gajabwara aba jeesinga ghoorajeegeagwa siinealshacheewa nea ghoahoanyi aba gilinyoo ea mujiini,

NEAJEEDA EESH BEA BUUNEESSEAN

³⁴ Ak gaydeajeagu sibanga ea weaghoodiga ea ng'oorshoodiga, mwaatkwa gajanuuseada nea goongoorsi iheenga beehajeega, nea suurja gajabwara aba jeesinga ghoorajeegeagwa siinnealshachcheewa nea ghoahoannyi aba gilinyoo ea mujiini,

Mattayo 23:34 Mawu Ofanana

2 SUGOODIGA 21:10

Ak gabalool NG'UTAMIIDA aba naweeda fugaaschi bea gadiyeeda was sibanga.

2 DAMANYOOJIGA 24:21

Ng'ata gabada ng'asheega munyas aba badaydaanyi, ak hean aba diigheanda sugoocheanda geefuta lagheanga aba seamooda gheeda NG'UTAMIIDA.

GHWASIILDEANGA 11:30

Haghweega siida doabiiwaat geeta eaweega gil, nea siida mideawa weaghuumeeda gaygaksu gurooruunatka buuneeda.

YEREMIYA 26:8

Hean ahiit Yeremiya rukunooda ng'asheega sean ghayi adaw NG'UTAMIIDA jea gwarukwiisa buuneeda, hean ghwaang'waayi ashoohoodiga, sea sibanga ea fuga sean ak geeyeesha, “Ang'iing'i gaymeawa!

YEREMIYA 36:26

Hean goojeakta sugoocheanda Yerameli orjeeda sugoocheanda, ea Seraya orjeeda Asrieli ea Shelemiya, orjeeda Abdeeli eang'waay Baruku was ng'oorshoocheanda ea Yeremiya was sibaneeda, ak ghafuy NG'UTAMIIDA saawa.

Mattayo 10:23

Iighabwaaseagwa buuneeda aba mujiineani, goomng'awsi mujiineanuut. Aba huumwa geayeeshiineegwa majaduulni mujiinajeega ng'eanyiida Israeli nea miighwahidu Orjeeda Siida.

Mattayo 13:52

Ng'ata gwayeesha saawa, “Asi gilinyoo ea ng'oorshoocheanda gil was giinealaneeda sugoocheanduumeeda humng'eeda, gawuurji sea siida mideawa gheeda geanu aba jeeda gheaseadaanyi haleanjeeda eashish ea gea woosi.”

Mattayo 23:31

Aba sareani goomuuwu gideaba goowooschi orjooga fuga ghayi nuus sibanga.

Lukka 24:47

ea gideaba duukuunooda ea samsiinda riing'eega gajeerukwiida aba gheawungaaschi, aba jeeda eemoojiga sean, ghang'eada Yerusalemu.

Yohaana 16:2

Gaygooheeleeweegwa buuneeda ghoorajeega siinealshacheewa; aba huumwa, aba gideaba ghwaan damanda ama siida nuuseegwa jea ghaghay gili bwat ASEETA.

Yohaana 20:21

Gabiikta Yesu ak gwayeesha gicha, “Abeaha Hoyyoo. Gawuurji gidaghayi ajeakteaydanean Bwaabwa, asi eara aniini geajeaktaneegwa agooga.”

Gadiyeeda Giijasoodiga 1:8

Ak gajanyasa uurda iiwuh heedeang'wa Guroorooda Ghaydit; ak gajahuuwa muushoodigeasu aba Yerusalemu ea Yudeyeesean ea Samariya ea ghoah muudeanooda ng'eanyiida.”

Gadiyeeda Giijasoodiga 11:27

Aba eawoojigiga ghapka sibanga leabu Yerusalemu ea ghwahidu Antiyokiya.

Gadiyeeda Giijasoodiga 12:2

Ghoang'waay Yakobo orjeeda geenyaawa Yohana, ak gwanuus aba ng'uta;

Gadiyeeda Giijasoodiga 13:1

Asi jeeda ganiiseeda Antiyokiya abeeda gwanda sibanga, ea giinealshoodiga, nea geaba Barnaba gil, ea Simoneeda siguura siituw, ea Lukiyoyda ng'eanyiida Girene, ea Manaeni dea ghayi hissa heeda aba gheeda sugoocheanda siguura Herode ea Sawli.

Gadiyeeda Giijasoodiga 14:19

Iidu ghapka fuga Yahudi leabu ng'eanyiida Antiyokiya ea Ikoniyo; ak gafoolan buuneeda, ak geefuta Bawlo lagheanga ak geengiir ea eeruuteawa jeeda mujiini, nea geaghayi gili nimi.

Gadiyeeda Giijasoodiga 15:32

Nea Yuda ea Sila, abeeda saawa ea sibanga gil, hean goomajeek fuga siduupcheewi aba ng'asheega saang'a ak ghwanung' gamajeekcheewiidi.

Gadiyeeda Giijasoodiga 5:40

Ng'ata geesin gidagasa, iidu nea geeguursa giijasoodiga, geabwar amahit geerukusa gideaba adagudoanali buuneeda aba gheawunga Yesu, iidu geesiksa gaweay.

1 Goriinto 2:6

Nea jeeda fuga nihitiisa heeda aba masaweega giinaali weaghuumeeda, earapeadi mii weaghuumeedeaba damani ghana dea fuga ambaliischi aba damani, was gea jea gamuudean gil.

1 Goriinto 3:10

Aba giteena dagheerjeanduumeeda goonan ASEETA, ak geawuurjeewi siida geariir haweewa fuga deekshi geasinyi sindeeta, ak gwadeeksheewa siinuut uhuuda. Ak ea daba siisi ng'ula giteeksheata aba uhuudeaba sindeedi.

Golosaayi 1:28

Niny geerugu aseasa, nea geereekusi giliwas sih nea geanaalji giliwas sih aba weaghuumeeda sean, ak geeyeadu giliwas sih nihissa heeda aba jeeda Gristo.

1 Desaloniikke 2:16

nea ghoadealeasa aseasa ea meerukusiini fuga Eemoojiga gideaba gajeelealu ak gawuurji gili siinyiit giideenda riing'eega nyaawa. Iidu ea nihidu nyarasta ASEETA badahuuka nyaawa aba huuydeanda.

Ebraniya 11:37

Geefuta lagheanga, ak geabwaash nibiyeenya, ak geenuuseada aba ng'uta; ak gwaneayi nea gookwa eagweega gisilga ea gea nooga, ak ea barbari, nea geesawan, nea geesima ng'asheega munyas–

Giidaheechta 11:10

Nea fuga mida badayda ng'eanyiida gaygahoosan aba badahuuka nyaawa nea gang'weela ak saawa gweatiisa geat haleanjeeda siipareanyi, aba gideaba sibang'su asiyeenyean gwasawan fugiga mida badayda ng'eanyiidean.