Mattayo 22:3 - Bibliyeeda Ghaydit

³ hean goojeakta soomjoagaaschi gaguursa fugiga sirariin ghapka nyeangiida, amadu fugiga sirariin ghaheawa ghapka.

NEAJEEDA EESH BEA BUUNEESSEAN

³ hean goojeakta soomjoogaaschi gaguursa fukka sirariin ghapka nyeangiida, amaduw fukka sirariin ghaheawa ghapka.

Mattayo 22:3 Mawu Ofanana

NYIIGHEEGA 68:11

Ng'utamiida gagu diigheanda; nea gadeemga ghoadayda iita saang'a.

ISAYA 30:15

Aba gideaba gwayi NG'UTAMIIDA was ASEETA, Ghaydit Asagi bea Israeli, “Inyas goobiigu heedeanyu ak goofuufchi gajaghuuha, inyas ghoasiindi ak ghooghuschaan abeeda gajanyasa uurda.” Ak ea moamwasi.

YEREMIYA 25:4

Ak agooga ea mooleeysiini iit nea ea mooduupi, earapeadi NG'UTAMIIDA ajeaku galeagasean giijasoodigaaschi was sibanga,

YEREMIYA 35:15

Ak geajeagu fugeasu sean bea gadiyeeda sibanga saawa geajeagu heedeang'wa ak gwayeeshiineegwa, ‘Daba siisi abuut naweadingaaschi munyas, nea ghwanung'waada sinaweagaaschi munyas, nea ghwanung'waada eata geeshta aseecheeka gadiyeesa. Ak gajoopiidana jeedeaba ng'eanyiini ghayi eagoonyeegwa ea ghweanigeagwa.’ Ak ea moayiinyi iiteanyu nea mooleeysean iit.

HOSEYA 11:2

Nea Iinyo daguuriisa saawa, hean ghang'amwa madeedeanyu aba uurda; ng'ata ghoadaw Baali haleanjeeda sisabwa geadi sigwariida, ak ghaghwarda lukghumajeega ghoadaw sanaamu.

HOSEYA 11:7

Nea fugeasu ea nihiiy geat aba nung'usiindeanyu bea heeda; ak ea sirasa yookajeega, nea ea manda siichea gootina gheatkweaka nyaawa.

SEFANIYA 1:7

Eena saw aba madeeda NG'UTAMIIDA was ASEETA! Aba gideaba eaweeda NG'UTAMIIDA nineekiit; aba gideaba NG'UTAMIIDA niidiing'diing'da lukghumeeda ak ghoaghaydit rabastaanyi.

Mattayo 21:34

Neekiit damanda haghweega goojeakta soomjoagaaschi heedeaba fugiga aragan madamnyeandean gaweay gweadu haghweagaaschi.

Mattayo 23:37

“Ea Yerusalemu, Yerusalemooda, inuusay sibanga nea gifuti lagheanga fuga siicheakseey! Neagasayi dabwada geat diibigaagu niba hada, gawuurji gidahiniida nghaghooda dayeagaaschi aba jeeda meang'eagaaschi ak ghoaheawi!

Mattayo 3:2

“Aduukuunana, aba gideaba sugoocheanduumeeda humng'eeda nineekiit.

Mattayo 9:15

Ghwasha Yesu nea gwayeesha, “Fuga siguursa nyeangiida ghoamu gagutu heareega nea gwandeawa siida geeshi? Gwanda askwearjoojiga jea ghwahidu jea eegeandeawa siida geeshi jeenyaawa, aba damani gaygooluulda geat.

Lukka 13:34

Ea Yerusalemu, Yerusalemu, gibarayi sibanga nea giftayi aba lagheanga fuga siicheagu headaang'u! Neagasayi niba hada damuughuushta diibigaagu gida amuguuriida nghaghooda dayeagaaschi aba jeesinga meang'eagaaschi, ak ghoaheawi!

Lukka 15:28

Ghwanyareas orjeedida hawiin, ak ghaheawa gawa ghoah. Iidu gwarita ghwaan jarooda ak gamearmearani niny ghwaan ghoah,

Lukka 19:27

Ak fugiga was weajoodigeasu magassa gideaba gaydaahaaghwa saawaan, ayeani hiji ak goonuuseadi aba madeedeanyu.’”

Yohaana 5:40

eara agooga ghanyea moogassi apkaani heedeanyu ak ghoanyaschi eaweega.

Gadiyeeda Giijasoodiga 13:45

Hean ghwadaah fuga Yahudi fuga saang'a, nea ghapka gwashissa ghaang', hean geeheawa ng'asheega gwachi ruku Bawlo, nea geebiisa eeng'eawi.

Ruumi 10:21

Nea aba heeda fuga Israeli gwayi, “Askwearda sean ghaamiindi geatingeasu aba heeda fuga manda mureeda ea fuga was muranga.”

Ebraniya 12:25

Asi ang'ula adiidu ghoaheawi ninyeeda balool. Aba gideaba inyeeda saawa ea mamng'awa damanda heaweawa ninyeeda reekusa saawa aba jeeda ng'eanyiida, abeeda gajeemng'awdaan iisiheawi ninyeeda reekuseasa aba humng'eeda.

Ebraniya 9:15

Asi niny dea aduuptooschi buuneeda aba neajeedeesh gil, ak abeeda fugiga siguursean ghwanyas heeleesiinda hearaniischooda manda muudeanooda, hean gapnu miyeeda jea gwalealna saawa jeeda ramaseanyeeka aba neajeeda ghayi bea madeeda.

Giidaheechta 22:17

Ak gwayi Guroorooda ea Sibeeda, “Beeni.” Nea siida iing'shi dayi “Beeni.” Ak doani siida bearji muwooshta, nea dea gasa ea dageanda beega eaweega nea manda sheayeeda.

1 SAMWELI 9:13

Damanda ihitaawi mujiini, gaynyasa niny, damanda miighabeawa agiischooda aba heetiyeada sibata ASEETA; aba gideaba maygweagiischi buuneeda ea ghwahidu, aba gideaba geaghus ghanyi ghamwaash ASEETA aba badayda lukghumeeda; ak abeeda gaygweagiischi fuga siguursa. Asi una siyeang'da, aba gideaba gaybay nyasa.”