Mattayo 21:34 - Bibliyeeda Ghaydit

³⁴ Neekiit damanda haghweega goojeakta soomjoagaaschi heedeaba fugiga aragan madamnyeandean gaweay gweadu haghweagaaschi.

NEAJEEDA EESH BEA BUUNEESSEAN

³⁴ Neekiit damanda haghweega goojeakta soomjoogaaschi heedeaba fukka aragan madamnyeandean gaweay gweadu haghweegaaschi.

Mattayo 21:34 Mawu Ofanana

ISAYA 5:4

Neada gida miidasin ea naaha gil aba jeeda madamnyeandeanyu? gwachi geamuuku gideaba gaygwaji haghweega, ghwasaan anda gwaji sabiibooda ng'weani?

YEREMIYA 35:15

Ak geajeagu fugeasu sean bea gadiyeeda sibanga saawa geajeagu heedeang'wa ak gwayeeshiineegwa, ‘Daba siisi abuut naweadingaaschi munyas, nea ghwanung'waada sinaweagaaschi munyas, nea ghwanung'waada eata geeshta aseecheeka gadiyeesa. Ak gajoopiidana jeedeaba ng'eanyiini ghayi eagoonyeegwa ea ghweanigeagwa.’ Ak ea moayiinyi iiteanyu nea mooleeysean iit.

Mattayo 21:35

Gageanu fuga ghayi ragan madamnyeandean ak ghoang'waay soomjoogiga siicheaktean ak geabwar akaleala, nea niirja geenuus, nea niirja geefuta lagheanga.

Mattayo 21:38

Iidu nea ghwadaah fugiga ghayi aragan madamnyeandean orjeedida gabaloola saawa nea gaba geat gideaba, ‘Nih siichea gwahearaniischi gil, eabwara ghami ak geegeandi hearaniischoadaanyi.’

Mattayo 21:40

Abeeda iihidu siidida bea madamnyeanda misabiibuun gaygwahindaan fugiga ghayi aragan madamnyeandean?”

Mattayo 21:41

Geeyeesha niny, “Gayghwalas uhuudeaba fugiga munyasiin, ak ghoadaw madamnyeandida fih suuk jea gooragan ak geataw haghweega aba damandaanyi.”

Mattayo 22:3

hean goojeakta soomjoagaaschi gaguursa fugiga sirariin ghapka nyeangiida, amadu fugiga sirariin ghaheawa ghapka.

Marko 12:1

Ng'ata goobalool Yesu saawa nea gagala geat ng'asheega nea gwayeesha, “Ghayi sih ghabwar madamnyeanji itaanyi ak gang'eapsa sabiibu. Hit gooneaweesa madamnyeandaanyi hilooga, gageanu ak gwasin healadeeda jea eemuuriisa difaayeeda was mideega haghweega sabiibu, ak gwasin eara madalooda jea eefura madamnyeanda. Hean ghwanung' gooragan buuneeda madamnyeandaanyi. Ng'ata iidu gawa Siidida ea gawa darooraka sheagi.

Marko 12:7

Hean gwayeesha geat fugiga, ‘Nih siida jea numuji gwahearaniischi gil asi eenuusa, ak abeeda gaygabwaaheasa hearaniischooda!’

Marko 12:9

Asi gaygwasin naaha siida bea madamnyeanda? Gayghwahidu ak ghwalas uhuudeaba fugiga ghayi aragan madamnyeandean amang'ata gayghwanung' gooragan fih suuk madamnyeanda sabiibu.

Lukka 20:9

Hean ghoang'eat giibaloolda buuneeda nea gwarukusa galeesu, “Ghayi sih gang'eapsa sabiibu jeeda madamnyeandaanyi, hean gwanung'usa madamnyeandaanyi fuga jea gooragan, ak gawa darooraka sheagi, goobiida hoowa ea gageawiit.