Mattayo 21:26 - Bibliyeeda Ghaydit

²⁶ Ama siyeeshi, ‘Gwaleabu heeda buuneeda,’ earada geawali eemeeda; aba gideaba ghwanal buuneassean gideaba Yohana sibaneeda.”

NEAJEEDA EESH BEA BUUNEESSEAN

²⁶ Ama siyeeshshi. ‘Gwaleabu heeda buuneeda,’ earada geawwalli emeeda; aba gideaba ghwanal buuneassean gideaba Yohaana sibaneeda.”

Mattayo 21:26 Mawu Ofanana

ISAYA 57:11

Ak giiwali ng'eaha ea ghang'udaneey giyoonda, ea napa ng'uyeega ak ea mii apkaadan, nea mii iina suh jeeda gurooroadaang'u? Heapi aniini ghang'eada garayi mii dasiinda ak ea miiwali gheang'deanyu?

Mattayo 11:9

Abeeda ghwasaan anda gooriti? Gooweayi adaaha naaha? Sibaneeda? Ea, geayeeshiineegwa eara dea haweewa sibaneeda.

Mattayo 14:5

Gagasa gwanuus Yohana amadu ghoawal buuneeda aba gideaba ghwanal buuneesean gideaba Yohana sibaneeda.

Mattayo 21:11

Gwayi eemeetuw, “Nih sibaneeda was Yesuheeda leabu Nasareteeda Galilaya gil.”

Mattayo 21:25

Giibaatiisanda Yohana gwaleabu yeenu? Gwaleabu humng'eeda ghana leabu heeda buuneeda?” Hean goonyeari geat saawa gideaba, “Iisiyeeshi, ‘Gwaleabu humng'eeda,’ abeeda gaygwayeeshiineasa, ‘Abeeda ghwasaan anda moamwasi?’

Mattayo 21:27

Hean ghwasha ghuuta Yesu nea gwayeesha, “Meanali.” Gwayeesha niny saawa, “Eara aniini abeeda ea maydarukuneegwa heeda aanyasi gheambalmeani easini ng'asheesu seaniin.

Mattayo 21:46

Hean geebiisa eegasa gichea eang'waayda, amadu geawal buuneeda aba gideaba ghwadaah gideaba sibaneeda gil.

Marko 11:32

Ama siyeeshi, ‘Ghayi gwaleabu heeda buuneeda’.” (Ada geawali buuneeda aba gideaba ghamwas sean gideaba Yohana sibaneeda gil.)

Marko 12:12

Iidu Ashoohoodiga ea giinealshoodiga diineeda Yahudi ea gweargwa gagasa ghoang'waay Yesu aba gideaba saawa nijeeng'u ng'asheega ghwanyawa ruku beadi sigala saawa. Hean geegasa eang'waay, amadu ghoawal eemeeda. Ghang'eat ng'eat ak gwanung'usa heeda.

Marko 6:20

Herode niny ghoawal gheang'da Yohana. Aba gideaba ghwanal beadi Yohana siida doabiwaat biissa ea ghaydit gil. Inyeesa Herode gafur Yohana nea ghabwariiy gooleeysiit girgweageadaanyi ak iissa ghwanung' gwasawana jeadaanyi.

Lukka 20:19

Muchu gagasa ng'oorshoodiga ea ashoohoodiga hees gichea ghoang'waayda aba damandida, ak ghoawal buuneeda; aba gideaba saawa nijeeng'u gideaba ng'asheesu sigala geadiin geerukuna badahuuka nyaawa.

Lukka 20:6

Ama siyeeshi, ‘Gwaleabu heeda buuneeda,’ ada gaygafuteasa buuneesean aba lagheanga aba gideaba ghamwas sean gideaba Yohana sibaneeda.”

Lukka 22:2

Nea ashoohoodiga hees ea ng'oorshoodiga abeeda gwanda jeeda gasooda gichea ghoang'waayda ak gwanuus; ak iidu ghoawal buuneeda.

Yohaana 5:35

Niny ghayi gheaboong'nyeanda yeat ak ghoabwaay gil, amadu ghoabwariinyi agooga weeshindaanyi gil nuwaas.

Yohaana 9:22

Gwarukuteaydunu ghwaan ea ghaamwat aba gheawalmeeda fuga Yahudi aba gideaba fuga Yahudi niheeleesa gideaba siida wassean jea gwarugu aba ghuutaanyi gideaba Yesu niny Gristohi gajeeruuteawa jeeda ghooriida siinealshacheewa.

Gadiyeeda Giijasoodiga 5:26

Ghang'eat shirikarajeanda haw nea goodeay shirikareadaanyi ak gaweay ama hita geeyeadu saawa nea meang'wanyana uurda, aba gideaba ghoawal ea mafuteewana buuneeda lagheanga.