Mattayo 21:23 - Bibliyeeda Ghaydit

²³ Iidu nea gawa Yesu jeeda gheeda sibata ASEETA goonealshi, damani anealsheewean gaweay heeda ashoohoodiga hees ea gweargwa ak geannyaash, “Ng'asheesu deenuun gisini aba gheambalmeedeabeang'a, gagoonyi ng'eaha gheambalmeani?”

NEAJEEDA EESH BEA BUUNEESSEAN

²³ Iiduw nea gawa Yeesu jeeda gheeda sibatta Aseetta goonealshi, damani anealsheewean gaweay heeda ashoohoodiga hees ea gweargwa ak geannyaash, “Ng'asheesu deenuun gisni aba gheambalmeedeabeang'a, gagoonnyi ng'eaha gheambalmeani?”

Mattayo 21:23 Mawu Ofanana

RITEAYDA 2:14

Ghwasha nea gwayeesha, “Gagoonyi ng'eaha hawunda jea ambalaneasa ea argweakiiseasa? Gigasayi nuustanean gida inuusti siida Misrihi?” Hean ghabeal Musa ak gwayi, “Aba huumwa ng'asheanji sinal.”

Mattayo 20:4

gwayeesha fugiga, ‘Aweayeena eara agooga ak goosinyi gadiyeeda aba jeeda madamnyeanda sabiibu, ak abeeda gaydagooneegwa gitoobiiwseegwa.’ Ak gaweay.

Mattayo 21:24

Ghwasha Yesu nea gwayeesha, “Eara aniini gaydaanyaasheagwa ng'asheanjagi; ama oashaayi abeeda eara aniini gaydarukuneegwa gheambalmeani easini ng'asheesuun headaanyasi.

Mattayo 24:1

Gwariteawa Yesu jeeda gheeda sibata ASEETA ak ghang'eat gawa, ak gaweay heeda giinealangaaschi ak geehiimsa gissideasta gheedida sibata ASEETEAN.

Mattayo 26:55

Damandida gwayeesha Yesu eemeeda, “Asi agooga ghoapkaanyi oang'waanyaan nea gooyeadu ng'utkeaka ea gulupkeaka ghoanung' dawuurji mareanghweanda? Eawoojisu geabiiti gheeda sibata ASEETA nea geanealshi ak ea moong'oanyean!

Lukka 19:47

Inyeesa goonealshi galeagasean aba jeeda gheeda sibata ASEETA. Nea ashoohoodiga hees ea ng'oorshoodiga ea fuga hees was ashoohoodiga buuneeda ghamwaal gichea gwanuusta niny;

Lukka 20:1

Eaweecha nea ghoanaal buuneeda aba jeeda gheeda sibata ASEETEAN, nea gwarukwiida giijaasta miy, gaweay headaanyi ashoohoodiga hees ea ng'oorshoodiga ea gweargwa

Gadiyeeda Giijasoodiga 4:7

Iidu nea niyiin bugusta nyaawa geanyaash gideaba, “Ng'asheesu goosinyi aba ana uur ghana aba gheawungeabeang'a?”

Gadiyeeda Giijasoodiga 7:27

Ng'ata ghang'eat orjeeda gwachi bwar giischeewoocheandaanyi ak gwajakta nea gwayeesha, ‘Ghwayiinyi ng'eaha gadiyeani bea giimbaliischoodean ea gideaba guwoosi siida jea gooheeldooscheesa.