Mattayo 20:1 - Bibliyeeda Ghaydit

¹ “Aba gideaba sugoocheanduumeeda humng'eeda gawuurji siida bea gheeda riteawa sakteayda duw ak gagasa fuga jea ghabwar ng'eanyi aba jeeda madamnyeandaanyi bea sabiibu.

NEAJEEDA EESH BEA BUUNEESSEAN

¹ “Aba gideaba sugoochcheandumeeda humng'eeda gawuurji siida bea gheeda ritteawa sakteayda duw ak gagasa fuga jea ghabwar ng'eanyi aba jeeda madamnyeandaannyi bea misabiibu.

Mattayo 20:1 Mawu Ofanana

Mattayo 13:24

Gwarukuta gicha galeega nea gwayeesha, “Sugoocheanduumeeda humng'eeda gawuurji siida weah gwahista histeanga miyaasiin aba jeeda madamnyeandaanyi.

Mattayo 13:31

Gwarukuta gicha galeega nea gwayeesha, “Sugoocheanduumeeda humng'eeda gawuurji sea ghajiileanda geeta siguura haradaali ghayi geanu siida ak gwahisa jeeda madamnyeandaanyi;

Mattayo 13:33

Gwarukusa saawa gicha galeega, “Sugoocheanduumeeda humng'eeda geegala sea hamiirayda geanu gatmooda, ak googuuyi sea dearang'spa gweeraji samwagu ak geeyi bwak ea ghaghuut geaw sean.”

Mattayo 13:47

“Gicha sugoocheanduumeeda humng'eeda gawuurji sea gheareedanga siipuuta jeeda basooda, ak ghoang'waay heeluutka sean bea ghweayeega;

Mattayo 20:2

Iing'ata nea nineajeesa buuneeda gideaba gayghoadaw lapiyeeda siguura dinaari aba gadiyeeda jeeda askwearda, ghwaat jeeda madamnyeandaanyi bea sabiibu.

Mattayo 21:28

“Heapi ghoadaaktiin? Gwandeawa siyagi orju iyeenya; gaweesa dea madeeda ak gwayeesha, ‘Orjeeda, askweareani una ak gisini gadiyeeda aba jeeda madamnyeanda sabiibu.’

Mattayo 22:2

“Sugoocheanduumeeda humng'eeda gawuurji sea sugoocheanda gasa gageesheesa orjeedaanyi,

Mattayo 23:37

“Ea Yerusalemu, Yerusalemooda, inuusay sibanga nea gifuti lagheanga fuga siicheakseey! Neagasayi dabwada geat diibigaagu niba hada, gawuurji gidahiniida nghaghooda dayeagaaschi aba jeeda meang'eagaaschi ak ghoaheawi!

Mattayo 25:1

“Abeeda sugoocheanduumeeda humng'eeda gaygawuurji sea haw damanamughuush geanu gheaboonyanga nyaawa ak gaweay ghwadeapta siida geeshi.

Mattayo 25:14

“Damandida gaygawuurji sea siida gasa gawa bareanyeeka, gaguursa soomjoagaaschi ak goodeaga haleanjeadaanyi;

Mattayo 3:2

“Aduukuunana, aba gideaba sugoocheanduumeeda humng'eeda nineekiit.

Marko 13:34

Gawuurji Siisi ghayi weah bareanyeeka ak gwaruuda nea ghwanung'wa gheeda fuga gadiyeeda. Nea nigeanu ak gaba siisi adaw gichea gwasin ak gageanu ghwayiin furiischoocheanda jea gafur dooshta nea gwayeesha milmiliida.

Yohaana 15:1

“Aniini geawooschi sabiibooda huumwa, nea Bwaabwa ea siida bea madamnyeanda.

1 Goriinto 15:58

Asi fuga eaduupcheewi aabwariinyi, andeawana alooheeda, ak ea adoabealbeali, ak goosinyi galeagasean gadiyeeda Ng'utamiida, ak ghoanali gideaba gadiyeedeang'wa mii mwadaagha gil aba heeda Ng'utamiida.

Ebraniya 13:21

gagasa gagooneegwa haleanjeeda sean miyaasiin ak abeeda goosinyi gidagasa, nea gagadiiy aba jeedeang'wa gidagasa niny aba gheanyangaaschi aba naweeda Yesu Gristo; nea giigheambiita ea daanyi damanda manda muudeanooda. Amin.