Mattayo 2:12 - Bibliyeeda Ghaydit

¹² Iidu nea sireekusa aba jeeda giirgweatka ea mabiiksiina Herode, ghwala nawa nuut ak gaweay ng'eang'da nyaawa.

NEAJEEDA EESH BEA BUUNEESSEAN

¹² Iiduw nea sireekusa aba jeeda girgweatka eamabiiksiina Heroode, ghwala nawa nuut ak gaweay ng'eang'da nyaawa.

Mattayo 2:12 Mawu Ofanana

GIING'EETA 31:24

Ng'ata gabussa ASEETA Labaneeda eemeeda Arami eawa aba jeeda giirgweatka gwayeesha, “Shageada adiidu girukusi Yakobo ng'asheanda miy ghana dea muy.”

RITEAYDA 1:17

Hean ghoawal deepshoodiga gheang'da ASEETA, ak ea mutgwasinda gidarukusiinda sugoocheanda Misri saawa, ak ea meenuusa diibiga was orjooga.

DANIELI 2:19

Ak geehiimsa ng'asheanda Danieli aba jeeda giirgweatka eawa. Ak gabadiischeesa Danieli ASEETA humng'eeda.

Mattayo 1:20

Iidu nea gudugooteemsheesa ng'asheanji ghwahidu headaanyi malaykajeanda Ng'utamiida aba jeeda giirgweatka ak gwayeesha, “Yosefu, orjeeda Dawdi, adibeali ea nung'waada gheenda Mariya ghoah gatmoadaang'u, aba gideaba gweayuumeani itaanyiin ghwanyas aba uurda Guroorooda Ghaydit.

Mattayo 2:13

Iing'ata nea niweay fugiga, ng'ula ghwahidu heeda Yosefu Malaykajeanda Ng'utamiida aba jeeda giirgweatka ak gwayeesha, “Ng'eada ak giyaadi baleanda ea ghaamwat, amng'awsiina Misri, ak goopiidi hoowa ea darukuneey, aba gideaba gagasa Herode gwanuus baleanda.”

Mattayo 2:19

Iing'ata miyeeda Herode, hean gabussa Yosefu Malaykajeanda Ng'utamiida aba jeeda giirgweatka aba Misri,

Mattayo 2:22

Iimuchu nea ghwayiiy gideaba Arkelao niimbal ng'eanyiida Yudeya ghoang'waay hoorgeeda ghwaan was Herode, hean ghoawal gawa hoowa, amadu nea sireekusa aba jeeda giirgweatka hean ghwayam geaw ak gawa ng'eanyiida Galilaya.

Mattayo 27:19

Damanda mideawa Bilato uhuuda hoorgeeda argweacha goojeakta gatmoadaanyi siida weah gwayeesha, “Adiidu gighasi geaw siisi doabiiwaadiin, aba gideaba geesawanan muuchi aba jeeda giirgweatka aba badaydaanyi.”

Lukka 2:26

Nea ea nigeawiit goohiimsa Guroorooda Ghaydit gideaba mayghami nea miighwadaah Gristoyda Ng'utamiida.

Gadiyeeda Giijasoodiga 10:22

Ghwalamda ak gwayeesha, “Goojeakneasa shirikarajeanda haw ambaliischi siguura Gorneliyo, was siida awali ASEETA, ak gwasissa eemeeda sean bea Yahudi mureeda, ak siisi gwayeesha malaykajeanda ghaydit gideaba una gheedeaba siisi, ak gooleeyseey iit gida jea rukuni.”

Gadiyeeda Giijasoodiga 4:19

Ghwalamda Betaro ea Yohana ak gwayeesha saawa, “Heapi nih huumeandea gideaba gajeeleeyseegwa iit ak ea mealeeysiini iit ASEETA asi girgweageeni alaja agooga;

Gadiyeeda Giijasoodiga 5:29

Ghwalamda Betaro sea giijasoodiga ak gwayeesha, “Gamiiseasa gideaba gajeawala gheang'da ASEETA mwasamwa siida.

1 Goriinto 3:19

Aba gideaba weaghuumeedeaba ng'eanyiini leendeeda gil aba heeda ASEETA. Aba gideaba geang'waar, “Siida ang'oonyi siida weaghoot aba jeeda milmilanda nyaawa,”

Ebraniya 11:7

Nea aba masaweega Nuhu damanda reekusiina ASEETA aba iita ng'asheega meadaaha, ghwayiiy ak gwasin maleambooda haw jea ghaweada fugeaba gheanyi; ak aba nih goorgweaksa ng'eanyiida ak ghoah siida jea gwahearan doobiiwnata sinyasa masaweega.

Ebraniya 8:5

Gwasin gida uurji diita was jirooneeda haleanjeeda ghaydidi mida humng'eedean; aba gideaba damanda ramagu gwasin Musa maheemajeanda, ghoadoabiiw ASEETA, nea gwayeesha, “Sikteawana gideaba gisini haleanjeeda sean gawuurji gidaghayi siihiimdaayda aba uhuuda giijeeda.”