Mattayo 19:9 - Bibliyeeda Ghaydit

⁹ Asi geayeeshiineegwa: siida wassean jea ghwanung' gatmoadaanyi iimwanung'wa aba ng'asheega hiseadayeanduumeeda, ak ghaghi nuut, gamealuuli.”

NEAJEEDA EESH BEA BUUNEESSEAN

⁹ Asi geayeeshshineegwa: siida wassean jea ghwanung' gatmoadaannyi imwanung'wa aba ng'asheega hiseadayeandumeeda, akghaghi nuut, gamealuuli.”

Mattayo 19:9 Mawu Ofanana

GIING'EETA 20:3

Hean ghwahidu ASEETA heeda Abimeleki eawa aba jeeda giirgweatka ak gwayeesha, “Ng'ula, ang'iing'i gaymeawa aba badayda gatmooda igeandi; aba gideaba niny gatmooda siida.”

2 DAMANYOOJIGA 21:11

Nea gicha gwasin heetiyeada aba ng'eanyiida heayeeniga bea Yuda, ak ghoadoabiiw fuga bea ng'eanyiida gwasin ng'asheega munyas, ak ghwanung' ghwaschoarda fuga Yuda.

YEREMIYA 3:1

“Inyas gang'ada gatmooda sea siyeadaanyi, ak ghang'amwa headaanyi, ak ghoah gatmoomba sih nuut, abeeda gayghoamu gabiiksa gatmoadaanyi? abeeda ng'eanyiita majeang'uda ririnnyeanda muuchi? gwayi NG'UTAMIIDA Ang'iing'i niyaagi hiseadayeanduumeeda sea ng'wasanga saang'a; abeeda ghamneawa gaygudu biikni heedeanyu?

YEREMIYA 3:8

Hean nea ghwadaah ng'asheega sean bea hiseadayeanduumeedeaba diita mandeawana masaweegean, Israeli neasiksi gawa sing'adayi; nea huda ghaamwat bea ng'uyeega ea mabeala, ak gawa ak gwahiseada eara niny.

ESEKIELI 16:15

“Abeeda gighusi leangaagu, ak gisini ng'asheega hiseadayeanduumeeda, aba gidasigwarsiindaneey. Ak gisini hiseadayeanduumeeda aba heeda giliwas sih nyooh ghang'ata.

ESEKIELI 16:29

Ak geabwada suh niihaadi ng'asheagaagu bea hiseadayeanduumeeda aba ng'eanyiida Ganaani, ea ghwahita ng'eanyiida fuga Galdayo ak ea miyeelang'uunyi aba suh.

ESEKIELI 16:8

“Hean iidu nea geasikchi gicha murdeadaang'u ak geang'uleey, ng'ula damandaang'u, abeeda damanda bariinyeega gil, ak geakwealeey aba weeleeda hang'deanyu, ak geadukuti dawiishnataang'u, asaha, geayeakseey habeawooda, ak geasinyi neajeeda sea ang'iing'i ak abeeda guwoosi gatmoodeanyu, gwarugu NG'UTAMIIDA was ASEETA.

Mattayo 19:10

Gwayeesha giinealangaaschi, “Ng'asheega siida ea gatmoadaanyi iisunu, ghang'wana ea meegeeshi.”

Mattayo 19:8

Gwayeesha, “Musa ghayi ghoadayda gheata jea eanung'wa gatmooda aba hang'ooynacheeka gurooruunatkeagwa, nea abeeda ghayi mwadi ea masunu.

Mattayo 5:32

Ak aniini geayeeshiineegwa siida wassean nung' gatmoadaanyi, nea mwanung'wa aba gideaba gamealuuli, gayghwanung' gamealuul; ak siida jea ghaghi gatmooda sinung' earada gamealuuli.

Lukka 16:18

“Siida wassean nung' gatmoadaanyi ak ghayi nuut siisi gamealuul, ak siida jea ghaghi gatmooda sinung' earada siisi gamealuul.

1 Goriinto 5:1

Gwanda iita huumwa nighayda bea gideaba jeedeang'wa gwanda fuga mideawa searoojiga munyas, ak gabiissa ea muy ea manda eara aba jeeda Eemoojiga; bea gideaba iissa siida gwaluudayi gatmooda ghwaan.

1 Goriinto 7:39

Gatmooda aaradaat iiduugwanda siyeadaanyi. Amadu nea nimi siyeadaanyi, ea niibal geaw ak ghoamu ghaghi siida gasa niny, ak geaghus fuga mida jeeda Ng'utamiida.

1 Goriinto 7:4

Asi gatmooda meabala saseadaanyi, goobal siyeadaanyi; ak gwasunu eara siyeeda meabala saseadaanyi, goobal gatmoadaanyi.