Mattayo 16:16 - Bibliyeeda Ghaydit

¹⁶ Ghwasha Simoneeda was Betaro nea gwayeesha, “Ang'iing'i guwoosi Gristo, Orjeeda ASEETA majeek.”

NEAJEEDA EESH BEA BUUNEESSEAN

¹⁶ Ghwasha Simoneeda was Betro nea gwayeeshsha, “Ang'iing'i guwosi Gristo, Balleanda Aseetta majeek.”

Mattayo 16:16 Mawu Ofanana

NYIIGHEEGA 2:7

Gaydarukwiida diigheanda NG'UTAMIIDA; ak gwayeeshiinean, “Ang'iing'i guwoosi orjeedeanyu, askweareani aniini neajiileey.

NYIIGHEEGA 42:2

Gurooroodeanyu gwayeesa muwoash ASEETA, was ASEETA majeek Gaydoan eeju ak geadaahan aba madeeda ASEETA?

DANIELI 6:26

Aniini ghaarachi diigheanda, bea gideaba aba jeeda gheambalmeedeanyu sean gagasa ghaboadan buuneeda nea ghabeal aba madeeda ASEETA Danieli, aba gideaba niny ASEETA mideawa eaweega, mida damanda manda muudeanooda; sugoocheanduumeadaanyi majeamu eenyarja, nea sugoocheanduumeadaanyi gaygwanda ea ghwahita huuydeanda.

Mattayo 1:16

Yakobo gwajiilu Yosefu siyeeda Mariya was gheamata Yesuheeda siguura Gristo.

Mattayo 14:33

Hean ghaghadoawan fugiga sean mida jeeda maleamboodean nea gwayeesha, “Aba huumwa ang'iing'i guwoosi Orjeeda ASEETA.”

Mattayo 16:15

Gwayeesha, “Ama agooga gooyeenayi aniini geewooschi ng'eaha?”

Mattayo 26:63

Ghwasiinda Yesu. Gwayeesha Ashoohoocheanda haw, “Eaniyean aksiina ASEETA majeek habeawooda rukuneasa ang'iing'i ea guwoosi Gristo, Orjeeda ASEETA.”

Mattayo 27:54

Hean dea shirikarajeanda haw ea fuga gwachi fur Yesu gidasimda geaw ng'eanyiida ea ng'asheegiga ghwanyawa bunuun, ghabeal muuchi nea gwayi, “Aba huumwa siisi Orjeeda ASEETA gil!”

Mattayo 4:3

Ghwahidu headaanyi gichea gwasimsim ak gwayeesha, “Iiwoosi Orjeeda ASEETA giyami lagheang'su ghoah mukaate.”

Marko 14:61

Ghwasiinda Yesu marukuta eara ng'asheanjagi. Gabiikta ashoohoocheandida ghoanyaash Yesu nea gwayeesha, “Heapi ang'iing'i guwoosi Gristoyda was Orjeeda ASEETA Ghaambiidaadi?”

Lukka 2:11

Aba gideaba eanean aba mujiineeda Dawdi siji aba badahuukeagwa, lealnoocheanda, niny Gristoyda was Ng'utamiida gil.

Yohaana 1:49

Ghwasha Natanaeli nea gwayeesha, “Rabi, ang'iing'i guwoosi Orjeeda ASEETA! Guwoosi Sugoocheanda Israeli!”

Yohaana 11:27

Gwayeesha niny, “Huumwa gil Ng'utamiida; aniini ghaamwaashchi gideaba ang'iing'i guwoosi Gristo, Orjeeda ASEETA, jea ghwahidu jeeda ng'eanyiida.”

Yohaana 20:31

suh geang'waar aba gideaba abeeda ghoamwaschi gideaba Yesu Gristo gil, Orjeeda ASEETA, amabeeda oamwaschi ghoanyaschi eaweega aba gheawungaaschi.

Yohaana 6:57

Gida ajeakteaydanean Bwaabeeda mideawa eaweega, eara aniini geandeawi eaweega aba badayda Bwaabwa, gwasunu eara siida ak saseedeanyu gayghwanyas eaweega aba badaydeanyu.

Yohaana 6:68

Ghwasha Simon Betaro ak gwayeesha, “Ng'utamiida, ak gajeeweaya heedeabeang'a? Ang'iing'i gindeawi ng'asheega eaweega manda muudeanooda;

Yohaana 6:69

aseasa simwaschi, ak geanali gideaba ang'iing'i guwoosi dea Ghaydit bea ASEETA.”

Gadiyeeda Giijasoodiga 14:15

Nea geeyi, “Buuneeda, ghwasaan anda goosinyi ng'asheesu? Aseasa geawooschi buuneeda mideawa searoojiga uurjeewaneegwa, ak geapkaanyi eerukuneegwa giijasta miy, ak ghoanung'waadi haleanjeeni bea mwadaaghaan, ak gooyamsi geat ASEETA majeek ghayi bwat humng'eeda ea ng'eanyiida ea basooda ea haleanjeeda sean mida jeeda.

Gadiyeeda Giijasoodiga 8:36

Iidu nea geeweay aba naweeda geeyi bwak ea eehita heeda mida beega, gwayeesha siidida was gulaneedean, “Hiji gwanda beega! Gwanda gichea ghoadealan ea meebaatiisani?”

Gadiyeeda Giijasoodiga 8:37

[Ng'ooruutka suuk bea garayi ghoahaat, Ng'ata gwayeesha Filipo, “Iimwasi aba gurooroadaang'u sean, gay sina.” Ghwasha nea gwayeesha, “Ghaamwaschi gideaba Yesu Gristo Orjeeda ASEETA.”]

Gadiyeeda Giijasoodiga 9:20

Ak deagheata ghoang'eat ghuuta rukwiideayda iita Yesu, nea gwayi, aba jeeda ghoorajeega siinealshacheewa gideaba “Niny Orjeeda ASEETA.”

Ruumi 1:4

Orjeeda ASEETA siihiimu gideaba gwandeawa uurda aba Guroorooda ea ghaydidanda aba duunoadaanyi aba jeeda miyeeda, Yesu Gristoyda was Ng'utamiideanya,

2 Goriinto 1:19

Aba gideaba Orjeeda ASEETA, was Gristo Yesuun ghayi siruku iitaanyi aba jeedeang'wa, Silwano ea Dimoteo ea aniini, mii Eahi ghana Manda; nea aba jeedeaba niny galeagasean iissa ea Ea gil.

2 Goriinto 3:3

ak ghoahiimu gideaba goowooschi barawajeanda leabu heeda Gristo sigooneasa aseasa, meang'waarana galaamu geang'waara Guroorooda ASEETA majeek, ak ea mii badahuuka lagheanga gil geeng'oorsa badahuuka gurooruunatka hang'oonyi bea buuneeda.

2 Goriinto 6:16

Neada gwanda neajeemba naaha dageascheeda gheeda sibata ASEETA sea sanaamu? Aba gideaba aseasa geewooschi gheeda sibata ASEETA majeek; ak gawuurji ginyaashta ASEETA nea gwayi, “Gaydeabiida jeenyaawa, nea gaydaneayeewa jeenyaawa, ak gaydoaw aniini ASEETA nyaawa, nea ghoah saawa fugeasu.

GIIPKEATA DIIGHEANDA 5:26

Aba jeeda buuneeda sean, iiy ghuuta ASEETA mida nea gabalool aba bugusta beasta, uurjeeweasa ak ea mwami?

1 Desaloniikke 1:9

Aba gideaba saawa nea gaba geat gwarukwiida iiteanya gida oadeaptaaydaneasa aba jeedeang'wa, ea gidooyamsiindi geat ASEETA nea ghoanung'waadi sanaamu ak googadiyeesi dea mideawa eaweega ea ASEETA huumwa,

1 Dimotteo 3:15

Ama deepa dashing'da ginali gidamiisa giibinda fuga gheeda ASEETA was Ganiiseeda ASEETA majeek, was sindeeta ea Lagheaneeda akar gheeda bea huumwa.

1 Dimotteo 4:10

Aba gideaba ghoah gidaghamneawa adeawiideasa ea gidasigadiyeati muuchi aba badaydeaba gili, aba gideaba aseasa geeghuschi ASEETA majeek was lealnoocheanda buuneesean, ghwaraanya gea mwas niny.

Ebraniya 10:31

Nih gidahaloat gil gideaba gajabeedeaysiina geatinga ASEETA mideawa eaweega.

Ebraniya 12:22

Ak ea noapkaanyi Giijeeda Sayuni ea mujiineeda ASEETA majeek, Yerusalemooda humng'eeda, ea heeda malaykajeega saang'a, bwat geat aba ghweelmeeda,

Ebraniya 3:12

Ang'ula, fuga eaduupcheewi, adiidu goobiida jeedeang'wa munyinda ea guroorooda mandeawana masaweega, jea ghwanung' oopeada ea asheagiidana ASEETA mideawa eaweega.

Ebraniya 9:14

abeeda gayghwaraanyaataan muuchi foojeanda Gristo, dea aba Guroorooda manda muudeanooda ghoadaw geaw ASEETA nea meerukunana badaydaanyi gidamuy, gayghoamiidu fughareengeagwa aba gadiyoojiga nimeewa ak gagadiiyeesa ASEETA majeek.

1 Yohaana 4:15

Giliwas sih mwas gideaba Yesu Orjeeda ASEETA gil, abeeda ASEETA goobiida jeadaanyi nea goobiida niny jeeda ASEETA.

1 Yohaana 5:20

Ak aseasa geanali gideaba Orjeeda ASEETA goola ghwahidu, ak gagoaneasa fughareeda eanala ninyeeda was huumwa; ak aseasa geendi jeadaanyi ninyeeda was huumwa, aba jeeda Orjeedaanyi was Yesu Gristo. Nih dea was ASEETA huumwa gil, ea eaweega manda muudeanooda.

1 Yohaana 5:5

Aneeda dea joar ng'eanyiida ea ng'eaha meakghusa dea mwas gideaba Yesu Orjeeda ASEETA?

Giidaheechta 7:2

Ghaadaayi malaykajeanda nuut nea gwascheeng'na heeda arearuuna aseeta, nea gwandeawa giirooraneeda ASEETA majeek, hean gaguurda aba ghuuta haw ak gaguursa malaykajeegiga asang'wan ghayi siitaw uurda jea gwasawana ng'eanyiida ea basoodean,