Mattayo 15:36 - Bibliyeeda Ghaydit

³⁶ gageanu mukaatajeegiga as ispwaan ea ghweayeegiga, ak ghamwaash ghawooda ak ghabwanajaada ak ghoadaw giinealanga, ak ghoadaw giinealanga eemeeda.

NEAJEEDA EESH BEA BUUNEESSEAN

³⁶ gageanu mukkattajeekka as ispwaan ea ghweayeekka, ak ghamwaash ghawooda ak ghabwanajaada ak ghoadaw giinealanga, ak ghoadaw giinealanga emeeda.

Mattayo 15:36 Mawu Ofanana

Mattayo 14:19

Gwayeesha anung' goobiitpiit eemeeda aba heeda mida nyeega; ng'ata gageanu mukaatajeegiga amuudiin ea ghweayeegiga asiyeenyean ak gang'ula humng'eeda, ak gang'usha, ng'ata ghabwanajaada mukaatajeegiga ak ghoadaw giinealangaaschi, amahit ghoadaw giinealanga eemeeda.

Mattayo 15:35

Ng'ata ghwanung' goobiitpiit eemeeda aba ng'eanyi,

Lukka 22:17

Hean gageanu gikoombe, ak gabadiischeesa ak gwayeesha, “Oang'waanya gili, ak goolakiisiina geat;

Lukka 22:19

Ak gageanu mukaate, ak gabadiischeesa ak ghabwanach ak ghoadawaada saawa nea gwayeesha, “Nih saseedeanyu gil siitayda aba badahuukeagwa. Ahindunu aba giipkeateanyu.”

Lukka 24:30

Damandida mideayeewa aba agiischoodean gageanu mukaate ak gang'usha ak ghabwanach ak ghoadaw saawa.

Yohaana 6:11

Gageanu Yesu mukaatajeegiga ama ng'ata gabadiischeesa ASEETA ak gwalakiisa fuga abiitpiit; gwahindunu eara ghweayeegiga, ak gaba siisi siitaw gidagasiida.

Yohaana 6:23

Nea abeeda ea nihidu maleambajeega leabu ng'eanyiida Diberiya ea ghwahita heeda neekeewa heeda aksa buuneeda mukaate, heeda ghayi moasha Ng'utamiida ghawooda.

Gadiyeeda Giijasoodiga 27:35

Iidu nea ghoahiit balooli, hean gageanu mukaate ak gabadiischeesa ASEETA aba madeenyaawa hean ghabwanach ak ghwaak.

Ruumi 14:6

Siida ng'ula askwearjeanda, iissa gang'ula aba sinooda mureeda aba heeda Ng'utamiida. Gwasunu eara siida iiyak gida, ghwaak aba sinooda mureeda aba heeda Ng'utamiida, nea gabadiischeesa ASEETA; nea siida nung'waada, ghwanung'waadawa mureeda aba heeda Ng'utamiida ak gabadiischeesa ASEETA.

1 Goriinto 10:31

Asi iyooyeagiischi ghana iyooleeshi, ghana iyoosinyi ng'asheanda wassean, asina sean aba giigheambiita ASEETA.

1 Goriinto 14:16

Eara gwasa, ang'iing'i iibadiischeesi aba guroorooda, siidida uurji gilimida jaroodean gaygwayeendaan “Amina” iing'ata badiischeesiindaang'u iimwanala gidirgu?

1 SAMWELI 9:13

Damanda ihitaawi mujiini, gaynyasa niny, damanda miighabeawa agiischooda aba heetiyeada sibata ASEETA; aba gideaba maygweagiischi buuneeda ea ghwahidu, aba gideaba geaghus ghanyi ghamwaash ASEETA aba badayda lukghumeeda; ak abeeda gaygweagiischi fuga siguursa. Asi una siyeang'da, aba gideaba gaybay nyasa.”