Mattayo 14:9 - Bibliyeeda Ghaydit

⁹ Gagiisan Sugoocheanda; amadu nea ghoapkaat habeawooda ghwanyawa ak ea gheanyanga rabasta ghwanung' eataw;

NEAJEEDA EESH BEA BUUNEESSEAN

⁹ Gagiisan Sugoochcheanda; amaduw nea ghoapkaat habeawooda ghwanyawa akk ea gheanyanga rabasta ghwanung' eattaw;

Mattayo 14:9 Mawu Ofanana

REEKUSIINDA 5:2

Adirugu ng'asheega leendeeda aba ghuutaang'u, nea gurooroadaang'u ea adaghwalamwach gabalool aba madeeda ASEETA; aba gideaba, ASEETA gwanda humng'eeda, ak gindi ang'iing'i ng'eanyi, asi nung' gang'ayiit ng'asheagaagu.

YEREMIYA 44:25

Asi gwayi NG'UTAMIIDA bea lugweega, was ASEETA Israeli: Agooga ea gadeemgeagwa goorugu aba ghuusigeagwa, ak ea noahiichi aba geatingeagwa nea gooyeenyi, ‘Aba huumwa gajeatayda haleanjeeda sirachi, nea geejooysi aroosta ng'andit gatmooda was sugoocheanda abiita humng'eeda nea geetalealsi niny haleanjeeda sileeha bea ghadooweeda,’ asi oomajeega haleanjeeda oarachi ak ghoataydi haleanjeeda oarachi.

Mattayo 14:1

Aba damandida ghwayiiy sugoocheanda siguura Herode geawunda iita Yesu;

Mattayo 14:10

goojeakta siida gawa ghealooni ak ghwalach gheata Yohana.

Mattayo 14:5

Gagasa gwanuus Yohana amadu ghoawal buuneeda aba gideaba ghwanal buuneesean gideaba Yohana sibaneeda.

Mattayo 14:8

Aba damandida gagwarsa ghaamwat ak gwayeesha, “Goonean uhuuda Yohaneeda Abaatiisachi iina jeeda harakta.”

Marko 6:14

Hean iimuchu eara sugoocheanda siyi Herode ea ninyas iita ng'asheega sina. Abeeda Yesu nigeawiit iita muuchi. Gwanda fugeena, “Nih gwaduudu Yohaneeda ghayi abaatiisachi, ak ghoah uuri ghamneawa sina ng'asheesuun.”

Marko 6:20

Herode niny ghoawal gheang'da Yohana. Aba gideaba ghwanal beadi Yohana siida doabiwaat biissa ea ghaydit gil. Inyeesa Herode gafur Yohana nea ghabwariiy gooleeysiit girgweageadaanyi ak iissa ghwanung' gwasawana jeadaanyi.

Marko 6:26

Iiy Sugoocheanda ng'asheanji gagiisan muuchi. Apkaat habeawajeega ghwanyawa ak aba madeeda rabasta ghwaraay gichea ghaheawaata ng'asheanji.

Lukka 13:32

Ng'ata gwayeesha saawa, “Aweayeena ak gooyeeshi fureayoodida, ‘Ng'ula askweareani ea numuji gaydearuuta meangeenda nea ghaahaapchi fuga miyeani, eaweedeaba samwagu gaydaahiit gadiyeedeanyu.

FUGA LAJA GIRGWEAGUUTKA 11:39

Iing'ata huuydeanda sheedeaba iyeenya, gabiikta heeda ghwaan, ak gwasima gidaghayi akta habeawooda. Nea abeeda ea mii gwaroonyi ng'eedeeda. Ak ghoah deaweeda aba Israeli,

FUGA LAJA GIRGWEAGUUTKA 21:1

Abeeda fuga Israeli ea niyaak habeawooda aba Mispa, nea gwayeena, “Aba jeedeanya manda siisi jea ghwayeasha hudaanyi Benjamini.”

1 SAMWELI 14:24

Abeeda fuga Israeli gwadeawiit aba eaweedida; aba gideaba gweaksa Sawli habeawooda buuneeda, nea gwayeesha, “Gagasa eemwaashta siida agiischi nea miighwahita shing'ada nea miidawalda mureandooda aba heeda weajoodigeasu.” Ak ea manda siida ak gil askweardida.

1 SAMWELI 14:28

Ng'ata gwayeesha siyagi aba jeeda buuneeda, “Gweanu gwarukusa buuneeda ng'asheanda nea ghoang'waaniit aba habeawooda, ak gwayeesha, ‘Gajeamwaashta siida agiischi askweareani.’” Nea abeeda ea ning'arng'ariidi buuneeda.

1 SAMWELI 25:22

ASEETA sisiina ng'asheesu ea suuk gea saang'a, fuga was weajoodiga Dawdi iyaabuuchi siida wassean aba jeeda fugaaschi eara ea jeabwagi gil was baleanda, iimuchu sakteayda.”

1 SAMWELI 28:10

Ak gweaksa Sawli niny habeawooda aba badayda NG'UTAMIIDA, “Aba gidabiideata NG'UTAMIIDA, manda bileangida jea ghwahineey aba badaydeaba ng'asheanji.”