Mattayo 13:44 - Bibliyeeda Ghaydit

⁴⁴ “Gicha sugoocheanduumeeda humng'eeda gawuurji gheaseeda funyaat aba jeeda madamnyeanda, ama dea siida ghafuy; aba ng'weeloadaanyi gawa ak ghwashaayda haleanjeadaanyi sean mideawa ak ghwasha madamnyeandida.

NEAJEEDA EESH BEA BUUNEESSEAN

⁴⁴ “Gichcha sugoochcheandumeeda humng'eeda gawuurji gheaseeda funyaat aba jeeda madamnyeanda, ama daa siida ghafuy; aba ng'weeloadaannyi gawa ak ghwashaayda haleanjeedaannyi sean mideawa ak ghwasha madamnyeandida.

Mattayo 13:44 Mawu Ofanana

AYUBU 28:13

Nea buuneeda ea mwanala alooheeda weaghuumeeda, nea meanyasa aba jeeda ng'eanyiida fuga majeekcheewi.

GHWASIILDEANGA 16:16

Nyasooda weaghuumeeda ghang'wana mwasamwa dahaabu, siida loat fughareeda ghang'wana mwasamwa lapiya.

GHWASIILDEANGA 17:16

Gaygaba naaha lapiyeeda siida dasha jea gwandeawa aba geatingaaschi ak ghwashaaha weaghuumeeda nea niny ea mandeawana fughareeda?

GHWASIILDEANGA 18:1

Siida aheeli geaw buuneeda gagasa ng'asheagaaschi nea gabwageaw, iissa ghwanyareas iisirukusa ng'asheanda miy.

GHWASIILDEANGA 23:23

Shaaha huumeanda ak ea adishaaydi, shaaha weaghuumeeda, giinealda ea nalooda.

ISAYA 55:1

“Asi giliwas sih bearji muwooshta, apkaana heeda mida beega; nea dea mandeawana lapiya, apkaana, ashaaha ak ghoayaaji! asaha apkaana ashaaha difaayi ea eanooga nea majootayda lapiya ghana gida sheayeeda haw.

Mattayo 13:24

Gwarukuta gicha galeega nea gwayeesha, “Sugoocheanduumeeda humng'eeda gawuurji siida weah gwahista histeanga miyaasiin aba jeeda madamnyeandaanyi.

Mattayo 13:46

geeyi bwak ama dea booshcheanjagi mideawa sheayeeda haw, gawa ak ghwashaayda haleanjeadaanyi sean ak ghwasha.

Mattayo 13:47

“Gicha sugoocheanduumeeda humng'eeda gawuurji sea gheareedanga siipuuta jeeda basooda, ak ghoang'waay heeluutka sean bea ghweayeega;

Mattayo 19:21

Gwayeesha Yesu niny, “Iigasayi huwa siida hidaat, guwi ak gishaaydi haleanjeadaang'u indeawi, ak giidawi fuga barbari, ak abeeda gaymideawana gheaseeda aba humng'eeda, ama ng'ata guwuni eani geeshteanyu.”

Mattayo 19:27

Deagheata ghwasha Betaro nea gwayeesha, “Ang'wearda, aseasa sinung'wi heeda haleanjeeda sean ak geeyeadu geashtaang'u. Abeeda gajeanyasa naaha?”

Mattayo 19:29

Nea giliwas sih nung'usa heeda gheeda ghana orjeeda ghaamwat ghana haweega ghaamwat ghana ghwaan ghana ghaamwat ghana diibiga ghana madameega, aba badayda gheawungeasu, gayghwanyas niba bughala ak gwahearan eaweega manda muudeanooda.

Mattayo 6:21

Aba gideaba heeda mida gheaseadaang'u heeda jea gwanda gurooroadaang'u.

Lukka 14:33

Asi gwasunu eara aba agooga, siida manung'usiina heeda haleanjeadaanyi sean mideawa moamu ghoah giinealaneedeanyu.

Yohaana 6:35

Gwayeesha Yesu saawa, “Aniini geawooschi mukaateeyda eaweega; siida wuh heedeanyu mayghwayeachih, nea siida mwasan ea mayghwaak muwoash earahay.

Ruumi 15:4

Aba gideaba ng'asheega sean ghayi sing'waar aba askwearjoojigeaba mwadiin geang'waar ak abeeda ghoadoabiiweasa, ak aba alooheeda ea gidamajeektaneasa ng'ooruutka abeeda geanyaschi gidasirarji.

Golosaayi 2:3

nea jeadaanyi ea sifuysa gheaseeda bareaynata uhuuda ea fughareenga.

Golosaayi 3:16

Anung' goobiida ng'asheanda Gristo jeedeang'wa nea gwaheedu, anaala nea gaba siisi reekusa nuut aba weaghuumeeda sean, nea goosarmanyi nyiigheega ea sarmoojiga guroorooda nea goobadiischeesi ASEETA aba gurooruunatkeagwa.

Ebraniya 10:34

Aba gideaba noondeawi baydeayda aba badahuuka fuga mida ghealooniga, ak ghoamwaschi nea goohoosanyi aba giireeta haleanjeedeang'wa, nea ghoanali gideaba agooga goondeawi haleanjeeda miyaasiin jea ghwashng'u.

Giidaheechta 3:18

Ak gaydayeeshiineey, shaaha aba heedeanyu dahaabu siihuuna beasta, ak abeeda gaywoosa meanang'oocheanda, nea giikweali hang'weaka eashish, ak ea meadaaha baspaseega dawiishnataang'u, ak gaynyasa meajooda jea eashana gheanyangaagu ak abeeda giing'weardi.