Mattayo 12:34 - Bibliyeeda Ghaydit

³⁴ Ea dayeega udang'usheega! Gajoamuustaan rukunooda ng'asheega miyaasiin nea goowooschi munyas? Aba gideaba siida iissa gwarugu ng'asheega nyiit guroroadaanyiin.

NEAJEEDA EESH BEA BUUNEESSEAN

³⁴ Ea dayeega udang'usheega! Gajoammuustaan rukunooda ng'asheega miyaas nea goowoschi munyas? Aba gideaba siida iissa gwargu ng'asheega nyiit guroroadaannyiin.

Mattayo 12:34 Mawu Ofanana

NYIIGHEEGA 53:1

Siitasha gwayi aba jeeda gurooroadaanyi, “Manda ASEETA.” Nisin ng'asheega munyas, ak gwasin ng'asheega mwahida; mandana deasina ng'asheega miyaas.

NYIIGHEEGA 64:3

fuga shit ghuusiga nyaawa gawuurji ng'utkeaka, ak ghwanung' ghabeada geatka ng'asheega ng'weani,

NYIIGHEEGA 64:5

Iissa gwasin geat fuga meanyi aba ng'asheanda muy; ak gabaloola sinooda ghaseeda nyaawa aba makcheameeda, nea gwayeesha geat, “Gayghwadaaheasa ng'eaha?

GHWASIILDEANGA 16:23

Guroorooda weaghoocheanda gayghwanung' gabalool aba weaghuumeeda, ak ng'asheagaaschi gaygaksu buuneeda.

GHWASIILDEANGA 4:23

Fura gurooroadaang'u muuchi, ea ghang'al haleanjeeda sean ifurayi aba gideaba heeda rituuna gheang'deenda mideawa eaweega gil.

ISAYA 32:6

Aba gideaba fuga dasheahi gabaloola ng'asheega leendeeda, ak gurooroadaanyi gaygwasin gea munyas; gaygwasin milmilanda nea gwarugu ng'asheega mii huumwa gil, aba badayda NG'UTAMIIDA, ak gwanung'usa heeda fuga bearji jalooda nea mandeawana gil, ak ghaweada beega fuga ak muwoash.

ISAYA 59:14

Ak girgweageeda doabiiwaat ea sijaksa bwadaw, nea doobiiwnata easheagi muuchi; aba gideaba huumeanda niibisa ghuuta naweeda bareanda, ak doobiiwnata ea mayghwahidu jeeda.

ISAYA 59:4

Manda siida ak siileeda doabiiwaat, ghana siida argweaksa nuut aba huumeanda; inyeesa ghwarar gidamwadaagha nea gabaloola ng'uyeega, inyeesa gwasin milmilanda jih ng'asheega munyas.

ISAYA 9:17

Asi NG'UTAMIIDA maygahoosan aba badayda gheareemanga nyaawa, nea mayghabwayda bananga ea masinung'weega nyaawa; aba gideaba manda eara siyagi awal gheang'da ASEETA ak gaba ng'uya sean, nea eara aba badaydeaba suh seaniin ea mii goosha nyarastaanyi gudughamiinda geatindaanyi.

Mattayo 12:35

Siida miy aba jeeda gheaseadaanyi miy iissa gwarugu ng'asheega miyaas, nea siida muy aba jeeda gheaseadaanyi muy iissa gwarugu ng'asheega munyas.

Mattayo 15:18

Amaduuku ng'asheega rituuna ghuuta gwaleapu guroorooda, amadu ghang'uda siida ririnnyeanda.

Mattayo 23:33

Ea ichipkeega ea dayeega udang'usheega, gajoamuustaan amulsiina girgweageeda jea ghwaadeagwa heeda maloonghajeega?

Mattayo 3:7

Hean nea ghwadaah Farisaayajeega saang'a ea Sadukayajeega nea ghapka headaanyi goobaatiisan, ak gwayeesha, “Ea dayeega udang'usheega! Gwareekuseegwa ng'eaha ea amng'awana nyarasta jea ghwahidu?

Lukka 3:7

Gwarukusa fuga saang'a buwa headaanyi eebaatiisan, ak gwayeesha, “Ea dayeega udang'usheega! Gwareekuseegwa ng'eaha ea amng'awana nyarasta jea ghwahidu?

Lukka 6:45

Siida miy aba jeeda gheaseadaanyi miy bea gurooroadaanyi gooruutu gea miyaas, nea siida muy aba jeeda gheaseadaanyi muy iissa gooruutu gea munyas; aba gideaba ghuuta gabaloola gea nyiit jeeda gurooroadaanyi.

Yohaana 8:44

Agooga goobeayi ghweandeang'wa was meang'nyeandeenda ak iissa googasayi asina gidida bwariiy ghweandeang'wean. Niny gabay gwanuusa buuneeda ghang'eada mwadi, niny iissa ea madoobiiwsiina huumeanda aba gideaba manda jeadaanyi huumeanda. Iissa irugu ng'uyeega gwarugu aba gidida sirata ninyiin, aba gideaba niny gaba ng'uya, ak ea ghweanda ng'uyeega.

Efeeso 4:29

Adagwarina ghuusigeagwa ng'asheega munyas, inyeessa goobalooli gea miyaasiin jea ghaweat gilinyoo ea siida gil, ak ghoadaw dagheerjeanduumeeda fuga aleeyseegwa iit.

Efeeso 5:4

Ak ea adiidu geeyiing'sa heedeang'wa ng'asheega baspaseega ea gea leendeeda ghana nyoota mureeda.

Yakkobo 3:2

Aba gideaba aseasa eesa sean iissa gearamwaschi gea saang'a, ama deepa ea mwaramwasta siida wassean aba ng'asheega rugu abeeda siisi ea doabiiwaat, ak ghoamu ghwarat eara saseadaanyi sean.

1 Yohaana 3:10

Aba nih abeeda gajeadaah gideaba diibiga ASEETA akeega gil, ak ea akeega gil diibiga meang'nyeandeenda, aba gideaba dea masina ng'asheega doobiiweadi maba ASEETA, ghana dea mwabwariinya orjeeda ghaamwat.

1 SAMWELI 24:13

Gawuurji gidanyaashta ghwasiildeangeaba garayi gideaba, ‘Aba jeeda munyinda gaygwarina munyinda’; amaduuku geatindeanyu ea mayghoan badaydaang'u.