Mattayo 11:29 - Bibliyeeda Ghaydit

²⁹ Aghasana geat yookeedeanyu, ak ghoanaalanaan ng'asheega; aba gideaba aniini geewooschi ng'eeni nea geayeadayi geaw ng'eanyi aba guroroodeanyu, ak abeeda gajanyasa hooseaneega aba jeesingeagwa.

NEAJEEDA EESH BEA BUUNEESSEAN

²⁹ Aghasana geat jookkeedeanyu, ak ghoanalanaan ng'asheega; aba gideaba aniini geewoschi ng'eeni nea geayeadayi geaw ng'eanyi aba guroroodeanyu, ak abeeda gajanyasa hoseaneega aba jeesingeagwa.”

Mattayo 11:29 Mawu Ofanana

2 DAMANYOOJIGA 10:11

Ak ghamneawa, ghweandeanyu inung' asareana yookajeega durumwana, abeeda aniini gaydeaheaneegwa yookeedeang'wa. Ghweandeanyu ghayi ghabwaraneegwa mughoowooda, ak aniini gaydabwaraneegwa udagilbajeega.’”

NYIIGHEEGA 116:7

Ea gurooroodeanyu, biikni heeda iibiiti; aba gideaba nisineey NG'UTAMIIDA ng'asheega miyaas.

NYIIGHEEGA 131:1

Ea NG'UTAMIIDA, gurooroodeanyu manda ghwarjeeda, ak meawoosi ng'ada ghaang'; ak ea meadeawiidi geaw aba haleanjeeda hees ghana ng'asheega beanyean aba uurda.

GHWASIILDEANGA 3:17

Naweadingaaschi aamiyaas muuchi, nea naweadingaaschi sean gaba hoyyoo.

ISAYA 28:12

Abeeda gwayeesha, “Nih heechea afuufana gil; anung' gafuuf dea nibur; nih heechea eefuufa gil”; ak ea manda dea aleeysiit.

ISAYA 29:19

Fuga eadageat ng'eanyi gayghoahaada hooseaneega nyaawa aba badayda NG'UTAMIIDA, nea fuga barbari mida bugusta buuneeda gaygahoosan aba badayda dea Ghaydit asagi bea Israeli.

YEREMIYA 6:16

Gwayi NG'UTAMIIDA, “Amiinaada aba bugusta naweeda, ak ghoang'weardi, ak ghoapwaardi naweadingeaba garayi, heeda mida naweadinga miyas, ak ghoaduupchi, ak gayghwanyas gurooruunatkeagwa fuufeanda. Nea saawa gwayi, ‘Aseasa majeeska jeeda.’

SAKARIYA 9:9

Ang'weela muuchi ea fuga Sayuni, Ajuura muuchi ea fuga Yerusalemu, Ng'ula sugoocheandaang'u ghwahidu headaang'u Ea doabiiwaat, nea gwandeawa lealeanooda Gweada geaw ng'eanyi nea gwading'da badayda digeeda, gureenda digeeda dayeenda digeeda

IITOODA 12:3

Nea abeeda siisi was Musahiin ea siida garbabu muuchi gil ea ghang'al buuneesean mida badayda ng'eanyiida.

Mattayo 17:5

Damani duu gabaloolean deagheata ghwahidu shamooghooda eesh ak gwadukuta, ak ghwanyaasha ghuuta jeeda shamooghooda nea gwayi, “Nih Orjeedeanyu aabwariinyi ahoosanani, ooleeysiina iit niny.”

Mattayo 21:5

“Ayeeshiina hudeaba Sayuni, Ang'wearda, sugoocheandaang'u ghwaan headaang'u, ea ng'eeni nea gwading'da digeeda, gureenda digeeda, dayeenda digeeda.”

Mattayo 28:20

Oanaala ghoang'waay ng'asheega sean eagoonyeegwa. Ang'ula aniini geendeayi sea agooga galeega sean ea gagul muudeanooda ng'eanyiida.”

Mattayo 7:24

“Asi siida wassean nyooh ghwayiiy ng'asheegeasu ak gwasin, gajeegala weaghoocheanda fughareeda, deeksa gheanyi uhuuda harearacheanda;

Lukka 8:35

Iidu gaweay buuneeda ghwadaah gidabun, gaweay heeda Yesu, ak ghwadaah siidida siihaabwa meangeendean, nea goopteada aba murdeeda geeshanga Yesu, nea gookwa hang'daanyi, nea nibiiksa fughareadaanyi; ak geabeal.

Yohaana 13:15

Asi neagoonyeegwa gichea agalana iissa abeeda eara agooga goosindi gidaghamneawa easindi aba heedeang'wa.

Yohaana 13:17

Asi iyoanali ng'asheesu abeeda ghang'wana iyoosinyi.

Gadiyeeda Giijasoodiga 7:37

Nih Musa dea ghayi eesha fuga Israeli, ‘ASEETA gaygoojeakseegwa sibaneeda jea gawuurjeewean ak siisi gaygwaleabu jeeda fuga ooduupcheewi.’

1 Goriinto 9:21

Nea fugiga manda jeeda deaweedean geasinyi geaw gil meandani jeeda deaweeda, nea mii gideaba meandeawani deaweeda aba heeda ASEETA gil, nea geawooschi siida mideawa deaweeda aba heeda Gristo, ak abeeda ghaanyaschi fugiga mandeawana deaweedean.

2 Goriinto 10:1

Aniini Bawlo, geamuscheegwa nea gabwageaw, aba garbabanda ea ng'eeninda Gristo, nea iissa geawooschi ng'eeni aba gheanyangeagwa, nea iyeawooschi sheageewaneegwa geawooschi daruus!–

2 Goriinto 10:5

Ak geenyarji fughareenga sean gasa goodiing'u geat aba badayda fughareeda ASEETA, ak geaghaschi giliwas fughara ak abeeda gwasissa mureeda Gristo,

Filippi 2:5

Andeawana ng'asheesu aba jeesingeagwa, ghayi oondeawi aba jeeda Gristo Yesu,

1 Desaloniikke 4:2

Nea ghoanali gideaba ana ng'asha gil ghayi sigoonyeegwa leabu heeda Ng'utamiida was Yesu.

2 Desaloniikke 1:8

nea ghawalda mureandooda masisiina mureeda giijasta miy bea Ng'utamiideanya was Yesu.

Ebraniya 5:9

amadu nea siimajeek ghoah giing'eeta lealeanooda mamuudeana aba heeda buuneesean sissa niny mureeda,

1 Yohaana 2:6

siida eena gwanda jeedeaba niny gammiisa gideaba gayghabeada gidabeada niny.