Mattayo 11:23 - Bibliyeeda Ghaydit

²³ Eara ang'iing'i Gapernaumu, gajeetiing'neey ea gula humng'eeda? Gajeahiing'neeyi ea una jeeda maloonghajeega. Aba gideaba inyeeda ghayi ng'asheega deamdeameadi sisin aba ng'eang'deang'wa geesissa mujiineeda Sodoma, gwachi mujiineedida gajea gudugwanda ea gagul ghamneawa.

NEAJEEDA EESH BEA BUUNEESSEAN

²³ Eara angiing'i Gapernaumu, gajeettiing'neey ea gula humng'eeda? Gajeahing'neayi ea una jeeda maloonghajeega. Aba gideaba inyeada ghayi ng'asheaga deamdeameadi sisin aba ng'eang'deang'wa geesissa mujiineeda Sodooma, gwachchi mujiineetta gajeagudugwanda ea gagul ghamneawa.

Mattayo 11:23 Mawu Ofanana

GIING'EETA 13:13

Abeeda fuga Sodoma ea munyas, ak gaba riing'a muuchi aba madeeda NG'UTAMIIDA.

HEAREEGA 2:1

Gawuurjiin Ng'utamiida aba jeeda nyarastaanyi niyiin mujiineeda Sayuni hing'eadayda shamooghooda! Ak gwajakna alooheeda Israeli humng'eeda ea ghwahidu ng'eanyiida ak ea miighoapkaat gheanyi sibata ASEETA aba eaweeda nyarastaanyi.

ESEKIELI 26:20

Gaydearareang'seey jeeda shoomanda una mideawana fuga mida hoowa, ghayi mida muunda ng'eanyiida. Ak gaydanung' abiidana hoowa bea eemeegean damanda manda muudeanooda, nea manda fuga jea goobiida damanda manda muudeanooda, nea maygwanda gheata aba jeeda fuga majeekcheewi.

ESEKIELI 31:14

Aba gideaba geeta was sean mida ghuuta beega, adaghaghwar geaw aba geawundaanyi, nea adagagul geawundaanyi shamooghuutka ak eara geediga nyas beega ea mageawiida ea ghwasuut suurja. Aba gideaba gaygameewa sean, ak gaweay uuta ng'eanyiida bugusta buuneeda, sea geaweay jeeda shoomanda.

ESEKIELI 32:18

“Ea orjeeda siida, Ayeawusiina fuga saang'a bea Misri. Nung' ghwahiing'aada gaweay ng'eanyiida fuga nimeewa, sea eemoojiga suurja mideawa uurda, ak gaweay hoowa sea gea rarang'eesa heeda fuga nimeewa.

ESEKIELI 32:24

“Elamu gwanda hoowa, ea fugaaschi sean gwanda meadajeega sean bea bung'eadaanyi, ak earada ea sibwar sean niibeada aba ng'uta, gea rarang'aada nea miyeeyiil ea ghwahita uuta ng'eanyiida heeda fuga nimeewa, ghayi nung' ghabeal buuneeda aba ng'eanyiida fuga majeekcheewi. Ak ea nigeanda baspaseega nyaawa sea giika rarang'eesa jeeda shoomandean.

OBADIYA 1:4

Earapeadi idiyeadi ea uurjeewana rabearda, earapeadi mida ghooriidaang'u bugusta miinga, asi gaydaahiing'neey ng'eanyi, gwarugu NG'UTAMIIDA.

Mattayo 10:15

Aba huumwa geayeesheegwa eaweeda girgweaksiinda gajeawusus ng'eanyiida Sodoma ea Gomora gamilikghteaysa ghoorjooda eaweeda girgweaksiinda ea ghang'al mujiineedida.

Mattayo 16:18

Ak geayeeshiineey, ang'iing'i guwoosi Betaro, ak badaydeaba lagheaneani gaydadeeksa ganiiseedeanyu, ak eara uurda miyeeda ea mayghoamu ghwajoar.

Mattayo 17:24

Hita Gapernaumu, gaweay heeda Betaro fuga ang'oonyi gwaadeeda mwahita shekeeli ak gwayeesha, “Heapi! Giinealshoocheandeang'wa goodayiida gwaadi?”

Mattayo 4:13

ghabeawa Nasareti ak gawa goobiida Gapernaumu mida ghuuta basooda, mida ng'eanyiida Sabuloni ea Naftali,

Mattayo 8:5

Iimuchu nea gawa Yesu jeeda mujiineeda Gapernaumu, gawa headaanyi shirikarajeanda haw bea Rumi,

Lukka 10:15

Nea ang'iing'i Gapernaumu, gigasayi adiing'da geaw ea hita humng'eeda? Gajeahiing'daneey ea hita uuta ng'eanyiida.

Lukka 14:11

Aba gideaba siisi nyooh goodiing'u geaw gajeahiing'u nea dea hiing'u geaw gajeetiing'u.”

Lukka 16:23

gatgat gheanyangaaschi meanang'ocheanda nea gwanda heeda abiita fuga nimeewa nea gwanda jeeda hang'weanidooda, ghwadaah Abrahamu nea sheagi nea Lasaro gwanda madeadaanyi.

Lukka 4:23

Gwayeesha saawa, “Geasikteawi gideaba gajoorukuneani ghwasiildeanga gideaba, ‘Meang'nyeanda, ahaabwa geaw’; ng'asheega siyiinyi ghayi iisini aba Gapernaumu, sina eara aba ng'eanyiidaang'u.’”

Gadiyeeda Giijasoodiga 2:27

Aba gideaba maynung'usiina guroroodeanyu heeda maloonghajeega, ghana nung' ghaghaarshan Siidaang'u Ghaydit.

Gadiyeeda Giijasoodiga 2:31

gabean ghwadaah ak gabaloola duunooda Gristo, ea gideaba niny miyeenung'usa Gheeda Maloonghajeega, nea saseadaanyi ea mii goomealu.

Yuuda 1:7

gawuurji Sodoma ea Gomora ea mujiinajeega neekeewa, fugiga abeeda gwasina ng'asheega munyas gawuurji gidaghayi sin fugiga nea geayaat geeshta ng'asheega saseeda nea geegala ak ghwanyas girgweaksiinda beasta manda muudeanooda.

Giidaheechta 1:18

ghayi ghaameayi, ak ging'ulayi geawooschi majeek; ghayi ghaameayi, asi ng'ula geawooschi majeek damanda manda muudeanooda, ak geandeawi gisiitina gidaghuuta Miyeeda ea Gheeda maloonghajeega.

Giidaheechta 11:8

nea muscheeka nyaawa gaygwalil aba ghuuta naweeda mujiineedida hawiin, nea geegala Sodoma ghana Misri, was heeda ghayi singoorsa Ng'utamiida nyaawa.

Giidaheechta 20:13

Gooruudu basooda fuga nimeewa mida jeadaanyi, ak gooruudu miyeeda ea Gheeda maloonghajeega fuga nimeewa mida jeadaanyi, ak geergweaksiina sean gidaghayi nisin.

Giidaheechta 6:8

Hean ghaadaayi, ak geang'ulayi, faraaseeda mur, nea siida mida badayda ea Miyeeda gil, nea goodeayi Gheeda maloonghajeega; ak geataw uurda aba badayda ng'eanyiida hiji mwanang', ak gwanuus aba ng'uta ea geejeeda ea dawni ea diyeanga ng'weani bea ng'eanyiida.