Mattayo 11:22 - Bibliyeeda Ghaydit

²² Asi geayeeshiineegwa, gajeawusus gideaba gayghamilikghta ghoorjooda nyaawa Diro ea Sidoni ea ghwalaabwaneegwa hoowa.

NEAJEEDA EESH BEA BUUNEESSEAN

²² Asi geayeeshshineagwa, gajeawussus gideaba gayghamilikghta ghoorjooda nyaawa Diro ea Sidooni ea ghwalaabwaneegwa hoowa.

Mattayo 11:22 Mawu Ofanana

YEREMIYA 25:22

ea sugoodiga sean bea Diro, ea sugoodiga sean bea Sidoni, ea sugoodiga ghuuta basooda, mida giigheawda basooda;

YEREMIYA 27:3

Ajeaksiina giijasta sugoocheanda Edomu, ea dea Moabu, ea sugoocheanda orjooga Amoni, ea sugoocheanda Diro, ea dea Sidoni aba geatinga giijasoodiga fuga Yerusalemu heeda Sedekiya was sugoocheanda Yuda.

ESEKIELI 29:18

“Ea orjeeda siida, Nebukadinesa was sugoocheanda Babeli, ghoadaw lugoadaanyi gadiyeeda hang'waay bea ng'eesiinda Diro. Iheenga sean bea lugoadaanyi ghwanyas mearuumeeda nea ghafurinyaada haluuleeka sean. Nea niny ea lugoadaanyi ea mwanyasa gil aba ng'eanyiida Diro.

YOELI 3:4

“Asaha, ama agooga goowooschi naaha aba heedeanyu, ea Diro ea Sidoni, sea ng'eanyoojiga sean bea Filisti? Heapi gajawalneani ghana jea asimanean ng'asheanda wassean? Gaydalamwach nea ghaarabwaaschi ak gaydaaghuumneegwa waliideang'wa gayghoan badahuukeagwa agooga.

Mattayo 10:15

Aba huumwa geayeesheegwa eaweeda girgweaksiinda gajeawusus ng'eanyiida Sodoma ea Gomora gamilikghteaysa ghoorjooda eaweeda girgweaksiinda ea ghang'al mujiineedida.

Mattayo 11:21

“Ashageada geat Gurasini! Ashageada geat Betsayda! Aba gideaba ng'asheegiga ghayi deamdeameadi sisissa jeedeang'wean, inyeeda ghayi geesissa mujiineeda Diro ea Sidoni, gajea nigeawiit gwaduukuuna ng'asheega munyas ak ghwayeashta deareeda nea gookwa guniyajeega.

Mattayo 11:24

Ak gaydayeeshiineegwa, eaweeda girgweaksinda gaynyasa ang'iing'i ghoorjooda haw adaraam dea Sodoma.”

Mattayo 12:36

Asi geayeeshiineegwa, eaweeda girgweaksiinda gaygaba siisi rugu ng'asheanda marachi gil ghayi nyooh ea nirugu;

Lukka 10:14

Nea abeeda gayghoamu ghamilikghta girgweaksiinda Diro ea Sidoni ea ghang'aleagwa.

Ebraniya 2:3

aseasa gajeamuusa eemuldaan iimeeduupi lealeanooda haw deenu? Aba gideaba ghayi nibay gwayi Ng'utamiida aba mwadi, ak gagoaneasa fuga ghayi iiy niny,

2 Betro 2:9

Asi Ng'utamiida ghwanal gichea gwalealdeayda fuga awali gheang'da ASEETA aba jeeda simsimda, nea ghwayiin fuga mii doobiiweadi ghoamuughu ghealooda ea ghwahita eaweeda girgweaksiinda,

2 Betro 3:7

Nea aba ng'asheandida ea sinung' ghoamuughu humng'eeda ghamneawa mida ea ng'eanyiida beasta, geetiiw ea ghwahita eaweeda girgweaksiinda ea dea nyariida fuga munyas.

1 Yohaana 4:17

Aba jeedeaba bariinyeesu simajeegiichi aba heedeanya, ak geamwaschi aba eaweeda girgweageeda, aba gideaba giduurji niny ea gisiwuurjeewi gil aba badaydeaba ng'eanyiini.

Giidaheechta 20:11

Hean ghaadaayi hoorgeeda haw eesh bea gheambalmeeda ea siida apteadawa uhuuda; nea madeadaanyi gamng'aw ng'eanyiida ea humng'eeda, ak ea meadaaha heeda jea goobiida.

Giidaheechta 20:12

Hean ghaadaayi fuga nimeewa, gea hees ea gea manang'i, nea ghamiinaada aba madeeda hoorgeeda gheambalmeeda, hean geetin gitaabwajeega. Ak geetin gitaabwajeanda nuut, nea gitaabooda eaweega gil. Ak geergweaksa fugiga nimeewean aba ng'asheega sing'oorsa jeedeaba gitaabwajeegiga, giduurji gidaghayi nisin.