Mattayo 10:4 - Bibliyeeda Ghaydit

⁴ Simoneeda Ganaani ea Yudayda Iskariyote ghayi laabwadaw Yesu.

NEAJEEDA EESH BEA BUUNEESSEAN

⁴ Simoneeda Ganaani ea Yudaayda Iskariyootte ghayi laabwadaw Yeesu.

Mattayo 10:4 Mawu Ofanana

Mattayo 26:14

Muchu gawa Yudayda Iskariyote nea gaba jeedeaba giinealangiga atamaniyeenyean heeda ashoohoodiga hees.

Mattayo 26:15

Hita gwayeesha, “Gajagoonean naaha iyaalaapchi bwadaw niny ak geagoonyeegwa?” Geeyiitiisa geatinga shiliingaji diktam ea damanamughuush.

Mattayo 26:2

“Moanali gideaba iing'ata eawooji iyeenya abeeda gajea ghweelmeeda Basaaka gil, ak gajeatayda Orjeeda Siida eengoor.”

Mattayo 26:47

Damanda duu gwandeawa hoowa nea gabalool ghwahidu Yuda nea gaba jeedeaba giinealangiga atamaniyeenyean, nea goodeanyi sea eemeeda mideawa ng'utkeaka ea gulupkeaka nea goojeagu ashoohoodiga hees ea gweargwa.

Mattayo 27:3

Iidu nea ghwadaah Yudayda heeta lah bwadaw Yesu gideaba sirgweaksa, ghang'ut giiseaneega ak googuumsa ashoohoodiga hees ea gweargwa shiliingajeegiga atiktam ea damanamughuushiin.

Marko 14:10

Hean gawa Yudayda Iskariyoti bea jeedeaba giinealangiga atamaniyeenyean, ea gawa heeda ashoohoodiga hees nea gagasa ghwala bwadaw Yesu.

Marko 14:43

Damanda duu gabaloola Yesu, ghwahidu Yuda nea gaba jeedeaba giinealangiga atamaniyeenyean, ghwahidu nea goodeana eemeetuw mideawa ng'utkeaka ea gulupkeaka. Fiisu abeeda goojeagu ashoohoodiga hees, ea giinealshoodiga diineeda Yahudi ea gweargwa.

Lukka 22:3

Hean ghoabita Shataani jeeda Yudayda siguura Iskariyote, nea gaba jeedeaba fugiga atamaniyeenyean;

Lukka 22:47

Miighoabit ghuuta aba baloolda ghwahidu eemeeda nea goodeana siisi siguura Yuda, bea jeeda giinealanga atamaniyeenya, nea gooshooyna saawa. Gwaneekiisa Yesu ak ghwasam gheata;

Yohaana 13:2

Damanda agiischooda bea shing'ada, nea abeeda ea niyiin meang'nyeandeenda jeeda Yudayda Iskariyote, was orjeeda Simon gichea ghwalaapta bwadaw niny,

Yohaana 6:64

Eara ghamneawa gwanda jeedeang'wa fuga mamwasa.” Ghang'eada mwadi Yesu ghayi gwarugu ng'asheesu nea gabean ghwanal gideaba geabeang'a gil fugiga mamwasaan, ak ea ng'eaha siida jea ghwala bwadaw niny.

Yohaana 6:71

Nea abeeda gabaloola badayda Yuda, orjeeda Simon Iskariyote, aba gideaba niny gaba jeedeaba giinealangiga atamaniyeenyean, ak ea dea jea ghwala bwadawi.

Gadiyeeda Giijasoodiga 1:13

iidu nea geehita, gaweay jeemba ghooriini sideeksa uhuumba nuut, ak goobiitpiit geaba Betaro, Yohana, Yakobo, Andreya, Filipo, ea Domaso, Bartolomayo, ea Matayo, Yakobo orjeeda Alfayo, Simoneeda Selote, ea Yuda orjeeda Yakobo.

Gadiyeeda Giijasoodiga 1:25

ak gwasin gadiyeeni bea giijasoocheanduumeedean, gawa hoorgeeda ghayi bea Yuda nung'usa heeda niny ak gawa hich nuut.”