Mattayo 10:25 - Bibliyeeda Ghaydit

²⁵ Ghwahit iiwuurji giinealaneeda sea giinealshoocheandaanyi, ak gawuurji soomjeanda sea siidaanyi haw bea gadiyeeda. Abeeda iisiguura siida bea gheeda Beelsebuli, heapi abeeda ea maygwasissa ng'asheega munyas muuchi fuga mida jeedeaba gheanyi.

NEAJEEDA EESH BEA BUUNEESSEAN

²⁵ Ghwahit iwuurji giinealaneeda sea giinealshoochcheandaannyi, ak gawuurji somjeanda sea siidaannyi haw bea gadiyeeda. Abeeda iisuguura siida bea gheeda Beelsebuuli, heappi abeeda ea maygwasissa ng'asheega munyas muuchchi fuga mida jeedeaba gheannyi.”

Mattayo 10:25 Mawu Ofanana

2 SUGOODIGA 1:2

Ak ghang'adaan Ahasiya aba seawadeeda mida jeeda ghooriidaanyi sideeksa uhuumba nuut, ea gwasawana muuchi, nea abeeda gwanda ng'eanyiida Samariya. Ng'ata goojeakta buuneeda nea gwayeesha, “Aweayeena oanyaasha Baal-sebubu was aseeta Ekroni, gideaba geeyooni gayghoabuudani?”

Mattayo 12:24

Iiy Farisaayajeega ng'asheesu gwayi, “Siisi ghahoan meangeenda aba gideaba gwandeawa uurda Beelsebuli, meang'nyeandida bea eenda hawiin.”

Mattayo 12:27

Aniini iyearuuteawi meangeenda uurda Beelsebuli, heapi! Abeeda orjoogeagwa saawa gooruutiideawa naaha? Aba gideaba saawa fuga jea goorgweakseegwa agooga.

Mattayo 9:34

Nea Farisaayajeega saawa gwayeena, “Gooruuta meangeenda aba uurda dea haweewa meangeenda.”

Marko 10:39

Gwayeesha Saawa Yesu, “Ea geamuuschi.” Gwayeesha Yesu, “Huumwa gil gikoombeeyda jea daleayda eara agooga ghoamuuschi gideaba gajaleayda Eara giibaatiisandida jea eebaatiisananiin gajeepaatiisananeegwa eara agooga.

Marko 3:22

Nea Giinealshoodiga diineeda Yahudi leabu Yerusalemu, saawa gwayi Yesu, “Gwandeawa Beelsebuli! Ak ghahoan meangeenda aba uurda meang'nyeandeenda haw.”

Lukka 11:15

Hean gwayi buuneeda mwaatkwa, “Gooruuta meangeenda aba uurda Beelsebuli, meangeenda diita hawiin;”

Lukka 11:18

Ak eara Shataani iibalaksa ak gang'uchi geaw, abeeda sugoocheanduumeadaanyi gaygamajeegiitaan? Ak goorukutaaydiin gideaba aniini gearuuti meangeenda aba uurda Beelsebuli?

Lukka 11:19

Ama iyearuuti meangeenda aba uurda Beelsebuli, diibigeagwa gooruutiideawa ng'eaha? Aba sareani gaygoorgweakseegwa fugeagwa.

Yohaana 10:20

Gwayi fuga saang'a aba jeenyaawa, “Siisi gabearji meangeenda, ak ghabwada nih gaba geas; ghwasaan anda gooleeysiit?”

Yohaana 7:20

Hean ghwasha buuneeda nea gwayeesha, “Gindeawi meangeenda! Gagaseadayi ng'eaha gwanuusnyi?”

Yohaana 8:48

Ghwasha fuga Yahudi nea gwayeesha, “Neada ea meatoabiiwi rukunooda gideaba guwoosi siida Samariya, ak gibwadi gideaba gindeawi meangeenda?”

Yohaana 8:52

Hean gwayeesha fuga Yahudi niny, “Asi ghamneawa sinali gideaba ang'iing'i gindeawi meangeenda. Abrahamu ghami ak eara sibanga, ak ghamneawa giyeeni, ‘Siida ang'waay ng'asheandeanyu maygwasamu miyeeda earahay.’