Mattayo 10:22 - Bibliyeeda Ghaydit

²² Nea gayghwasteagwa buuneassean aba gheawungeasu. Nea siichea ghamilikghta ea gamuudean abeeda ea siichea eelealu.

NEAJEEDA EESH BEA BUUNEESSEAN

²² Nea gayghwasteagwa buuneassean aba gheawungeasu. Nea siichchea ghamilikghta ea gammudean abeeda ea siichea eelealu.

Mattayo 10:22 Mawu Ofanana

GHWASIILDEANGA 29:27

Dararoocheanda sicheeda gil aba heeda fuga doobiiweadi, nea siida doabiiwaat ea sicheeda gil aba heeda fuga munyas searooji.

Mattayo 10:39

Siida agaba eaweagaaschi gaygahuteawi, nea siida huteawi eaweagaaschi aba badaydeanyu gaygwalealu.

Mattayo 24:13

Abeeda siida jea ghamilikghta ea gamuudean ada ea siida jea ghwalaalaani.

Mattayo 24:9

“Iimuchu gheeda gajealaabeagwa bwadaw eesawaneegwa amadu geenuuseegwa; gayghwasteagwa Eemoojiga sean aba badaydeanyu aba gheawungeasu.

Mattayo 5:11

“Ghoang'wani agooga iyang'eaweegwa buuneeda nea geesawaneegwa nea geerukuna badahuukeagwa ng'asheega munyas sean aba ng'uyyeega aba badaydeanyu.

Marko 13:13

Ak agooga gayghwasteagwa buuneeda aba gheawungeasu. Nea siida jea ghamilikghta ea gagul damandida bea muudeanoodean, siisi gayghaghu.

Lukka 21:17

ak agooga gajeesteagwa aba gheawungeasu.

Lukka 21:19

Ak agooga aba milikghteaydeang'wa gajookghuuha eaweegeagwa.

Lukka 6:22

“Ghoang'wani agoogeeda sideagwa buuneeda, nea gwahistaneegwa nea goong'eaweegwa ak geemunyasiidi gheawungeagwa, aba badayda Orjeeda Siida!

Lukka 8:15

Nea giika abitpisa jeeda sigeeda miyaasiin, giika ama iiy ng'asheanda, gabay ghoang'waay muuchi aba guroorooda miyiin, ak gwaji haghweega aba milikghteayda.

Yohaana 17:14

Aniini naadawji ng'asheandaang'u; amahit ghwasit ng'eanyiida aba gideaba saawa maba ng'eanyiida, gawuurji gidameabeaheatani aniini ng'eanyiida.

Yohaana 7:7

Ng'eanyiida moamu ghwasteagwa, duuku aniini ghwastan aba gideaba geamuuwu gideaba gadiyoojigaaschi ea munyas.

Gadiyeeda Giijasoodiga 9:16

ak gaydaahiimsa ng'asheega saang'a jea ghwanyasa sawanadeeda aba gheawungeasu.”

Ruumi 2:7

aba heeda fuga milikghta aba sinooda gadiyoojiga miyaasiin gagaseadayi giigheambiita ea mureeda ea ng'asheega maygameewa, gayghoadaw eaweega manda muudeanooda;

2 Goriinto 4:11

Aba gideaba aseaseeni sindiin iissa geetaydaneasa eenuuseasa galeagasean aba badayda Yesu, ak abeeda geatahaach eaweega Yesu aba sasanuukaasa jea gameewa.

Galattiya 6:9

Ak ea adeeburji aba sinooda ng'asheega miyaasiin aba gideaba gajeelaja iihita damanda ii miyeepra.

Ebraniya 3:14

Aba gideaba geeguuyeesi Gristo, iisibeacheewi gideaba geang'waanyi muuchi gidida sisikteawi amwadiin ea gagul muudeanooda,

Ebraniya 6:11

Ak geegasayi giliwas sih aba jeedeang'wa dahiimna doobiiwnata uurji diita ak ghwanal huumeanda ea gida rar ea ghwahita huuydeanda,

Yakkobo 1:12

Ng'wanaweagaaschi siida riyeang'da iisimsim, aba gideaba iing'ata nea nijoar simsimda gayghwanyas shiipka eaweega mamuudeana ghayi bay gwaheeleesa ASEETA fugiga bwariiy ninyiin.

1 Yohaana 3:13

Orjoogiyya, adaghahameagwa ng'eanyi, aba gideaba ghwasteagwa ng'eanyiida.

Giidaheechta 2:10

Asi adiiwali ng'asheega jea nyasa was sawanadeeda. Ng'ula, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda geesimsimeegwa, ak aba jeemba askwearjooji damanamughuush gajanyasa sawanadeeda. Woosa doabiiwaat ea hita miyeeda, ak gaydagoonyi shiipka mideawa eaweega.

Giidaheechta 2:17

Gilinyoo googar iita, dayiinya ng'asheanji rukusa Guroorooda ganiisajeegean. Nea siida jooriischi gaydaadaw hamita siguura maana ghayi sifuy ak gaydaadaw lagheaneedeesh, ak badaydeaba lagheaneani geeng'oorsa gheawunga eashish, mwanala sih geaghus siidida ang'waayiin.’

Giidaheechta 2:26

Nea siida jooriischi ak ghoang'waay gadiyoojigeasu ea ghwahita huuydeanda, gaydanung' goombal fuga eemoojiga,

Giidaheechta 2:3

ak ghaanali giihaang'ooydaang'u nea gimilikghti nea giidiing'di gheawungeasu, ak ghanyea mii bura.

Giidaheechta 2:7

Gilinyoo googar iita, dayiinya ng'asheanji rukusa Guroorooda ganiisajeegean. Nea dea jooriischi gaydanung' ghwaak haghweega geeta eaweega, mida jeeda madamnyeanda mwanang' bea ASEETEAN.’

Giidaheechta 3:21

Siida jooriischi gaydanung' goopteada nea geendeayi aba uhuuda hoorgeedeanyu bea gheambalmeeda, gawuurji gideajooriischeati ak geapteadi sea Bwaabwa aba uhuuda hoorgeadaanyi bea gheambalmeeda.