Mattayo 10:16 - Bibliyeeda Ghaydit

¹⁶ “Asi Aniini geajeakteaydaneegwa gisilga jeeda suuyeeka; asi andeawana weaghuumeeda ea awuurjeewana ichibooda, nea goong'eeniiti ghariibajeanda.

NEAJEEDA EESH BEA BUUNEESSEAN

¹⁶ “Asi Aniini geajeakteaydaneegwa gisilga jeeda suyeekka; asi andeawana weaghumeeda ea awuurjeewana ichchibooda, nea goong'eeniitti ghariibajeanda.

Mattayo 10:16 Mawu Ofanana

GIING'EETA 3:1

Asi abeeda ichibooda ea milmil ea ghang'al diyeanga sean mida dareabeeta ghayi sin NG'UTAMIIDA was ASEETA. Gwayeesha gatmooda, “Heapi ASEETA gwayi, ‘Adoayaaji geeta wassean mida jeeda boostaani’?”

GIING'EETA 3:13

Ng'ata gwayeesha NG'UTAMIIDA was ASEETA gatmooda, “Ang'iing'i nisini naaha?” Gwayeesha gatmooda, “Gwareenganean ichibooda ak ghaayaaji.”

NEHEMIYA 4:13

Hean ghaayiinyi buuneeda heeda hiing'aada bea seawadeeda murdeeda ghamarda, was heeda daachi ak ghaanung' goobiitpiit buuneeda nea gaba nih mideayi dea gheanyaawa, sea ng'utkeaka nyaawa, ea ng'utkeaka nyaawa, ea ghuweanga nyaawa.

YEREMIYA 40:16

Ng'ata ghwalamda Gedaliya orjeeda Ahikamu ak gwayeesha Yohanani, orjeeda Gareya, “Adiidu gisini ng'asheanji aba gideaba ginapsi ng'uyeega Shumwaheeli.”

HOSEYA 7:11

Efraimu gawuurji ghariibajeanda, dasha nea manda fughareeda, inyeesa gaguuriisa Misri, ak gawa Ashuru.

Mattayo 24:25

Ang'ula nigeawiit dareekuseegwa aba mwadi.

Mattayo 24:45

“Nih gajea anasihi was soomjeanda doabiiwaat mideawa weaghuumeeda, iin siidaanyi haw uhuudeaba gheanyi ak ghoadaw buuneeda daghwarda aba damandaanyi?

Mattayo 25:2

Aba jeenyaawa ea dasheahi haw muut nea suurja gea amuut ea weaghoodi.

Mattayo 25:4

duuku haweegiga mideawa weaghuumeedean gageanu nagheeda ak ghwayiin jeeda haleanjeeda sea gheaboonyanga nyaawa.

Mattayo 25:9

Gwayeesha giika mideawa weaghuumeedean, ‘Manda mayghoahiideasa aseasa ea agooga! Ghang'wana ghoang'waanyi naweeda ak gooweesi fuga sheahiida nagheeda ak ghoashaayi.’

Lukka 10:3

Asi aweayeena; nea goong'ulayi aba gideaba geajeakteaydaneegwa dayeega gisilga jeeda suuyeeka.

Lukka 21:15

aba gideaba gaydagooneegwa ng'asheega ea weaghuumeeda jea inyeesa eara weajoodigeagwa ghwaraay ng'alealeeda ghana gichea ghwashaang'da.

Gadiyeeda Giijasoodiga 20:29

Ak ghaanali iimuchu nea neawi gayghwahidu jeedeang'wa suuyeeka ng'weani, jea ea mayghwalach hawanda;

1 Goriinto 14:20

Fuga eaduupcheewi, adoahuuyi diibiga aba fughareengeagwa; ahuwa diibiga aba ng'asheega munyas, nea aba fughareengeagwa ghoahuuyi fuga hees.

2 Goriinto 1:12

Aba gideaba aseasa geaghwari geat ng'asheanji, nea gidida muuwu fughareengaasaan gil ak ghoah gissibeadi aba jeeda ng'eanyiida, ak gabiissa ghwaraanya muuchi aba heedeang'wa, aba ghaydidanda ea badita ASEETA bea huumwa, nea mii aba weaghuumeeda ng'eanyiida gil geaghus aba dagheerjeanduumeeda ASEETA.

2 Goriinto 11:14

Ak ea mayghaham fih ng'eanyi, aba gideaba eara Shataani iissa ghwayamyam geaw gawuurji malaykajeanda weeshinda.

2 Goriinto 11:3

Iidu ghaabeali, gawuurji gidaghayi reenganiida ichibooda Hawa aba milmilandaanyi, gajeehuteawi fughareengeagwa ak ghoanung'waadi doobiiwnata ea alooheeda Gristo.

2 Goriinto 8:20

Ak ea meagassi gideaba gaygwarukuna sih badahuukaasa ng'asheega munyas aba badayda giimuusta sigu ak gang'ula gisilachiida haleanjeeda,

Filippi 2:15

ak ea meerukunana badahuukeagwa ng'asheega munyas nea ghoahuuyi fuga manda giidiinyeanda, diibiga ASEETA meerukunana badahuuka ng'asheega munyas mida bugusta seaygeeda gwaneadi bea ng'ooweata, ak ghoayeati weeshinda, aba jeenyaawa aba jeeda ng'eanyiida,

Golosaayi 1:9

Ak aba sareani dea ghayi siyiinyi ng'asheesu ea miyeenung'waada mooshta ghawooda aba badahuukeagwa, gideaba gagooneegwa ASEETA fughareeda huumwa bea gidagasiida niny ak gagooneegwa weaghuumeeda ea nalooda aba jeesingeagwa,

Golosaayi 4:5

Abeawana weaghuumeeda aba madeeda fuga mamwasa, nea googadiyeati muuchi damanda sigooneegwa.

1 Desaloniikke 2:10

Agooga goowooschi muushoodiga, ak gwasunu eara ASEETA, ea gidaghaydita ea gidadoabiiwaata ak gabiissa ea meeyeateena ghuut searoojigaasa aba heeda fugeagwa mideawa masaweega;

1 Desaloniikke 5:22

ooheeleewana geat munyinda wassean.