Mattayo 1:20 - Bibliyeeda Ghaydit

²⁰ Iidu nea gudugooteemsheesa ng'asheanji ghwahidu headaanyi malaykajeanda Ng'utamiida aba jeeda giirgweatka ak gwayeesha, “Yosefu, orjeeda Dawdi, adibeali ea nung'waada gheenda Mariya ghoah gatmoadaang'u, aba gideaba gweayuumeani itaanyiin ghwanyas aba uurda Guroorooda Ghaydit.

NEAJEEDA EESH BEA BUUNEESSEAN

²⁰ Iiduw nea gudugoottemsheesa ng'asheanji ghwahidu headaannyi Malaykajeanda Ng'uttamiida aba jeeda girgweatka ak gwayeeshsha, “Yoseefu, balleanda Dawdi, adibeali ea nung'waada gheenda Mariya ghoaw gatmoadang'u, aba gideaba gweayumeani iittaannyiin ghwanyas aba uurda Gurorooda Ghaydit.

Mattayo 1:20 Mawu Ofanana

GIING'EETA 31:11

Hean gwayeeshean malaykajeanda ASEETA aba jeeda giirgweatka, ‘Yakobo,’ ak geayeeshi, ‘Geandi hiji!’

GIING'EETA 46:3

Ak gwayeesha, “Aniini geawooschi ASEETA, ASEETA ghweandaang'u; adiidu giiwali beata ng'eanyiida Misri; aba gideaba gaydanung' gwaheedu jeataang'u.

1 SUGOODIGA 17:13

Ng'ata gwayeesha Eliya niny, “Adiidu gibeali una ak gisindi gidearukuteaydi, nea ginyooh sinnean banakcheanjagi bea mukaate ak giyeanean, ak iidu gisin daang'u ea dea orjeedang'u.

1 SUGOODIGA 3:5

Ak aba Gibeoni, ghwahidu NG'UTAMIIDA heeda Sulemani eawa aba jeeda giirgweatka; ak gwayeesha ASEETA, “Musa gidigasayi ak gaydagoonyi.”

NYIIGHEEGA 119:125

Aniini geawooschi siidaang'u bea gadiyeeda, goonean fughareeda, ak abeeda ghaanali ng'asheagaagu imuuwu!

NYIIGHEEGA 143:8

Nung' dayiiy bariinyeagaagu sakteayda, aba gideaba aniini ghaaghuscheeyi ang'iing'i. Anaalaan naweeda jea dasik, aba gideaba geagatkachi gurooroodeanyu gagalu headaang'u.

NYIIGHEEGA 94:19

Nea aba seang'ayda ng'asheega mida jeeda gurooroodeanyu, ghwanung' baydeaydaang'u gahoosan gurooroodeanyu.

GHWASIILDEANGA 12:5

Ng'asheega siida doabiiwaat ea doobiiweadi, nea ng'asheega siida muy ea ng'uyeega gil.

ISAYA 26:3

Gayfura siidida ghusnyi gurooroadaanyiin, aba hoyyooyda doabiiwaat, aba gideaba ghaghusnyi.

ISAYA 30:21

Inyas ghoayaachi naweeda gal geatinda dugwa ghana geatinda ghaadaam, gajayiinya ghuuta siida aba badaydeang'wa nea gwayi, “Naweeda nih gil ayaada.”

ISAYA 51:7

“Ooleeysean iit agoogeeda oanali doobiiwnata, fuga jeesinga nyaawa mida deaweedeedeanyu; adaghang'udeagwa muuwda aba giing'weaka ang'eaweegwa buuneeda, nea adoohirbabanyi aba gideaba geemachidaneegwa.

ISAYA 7:13

Hean ghwalamda Isaya gicha ak gwayeesha, “Oaleaydiit, Ea fuga gheeda Dawdi! Aba heedeang'wa ng'asheanda mwanang' gideaba gajanung' gabur buuneeda ak googasayi oopuura eara ASEETEANYU?

ISAYA 7:2

Hean nea geerukusa fuga gheeh Dawdi gideaba “Shaamu nineaji sea Efraimu,” ghang'ut muuwda gurooroadaanyi sea dea fugaaschi ea gawuurji geediga dimda ayuuk jeameeda.

YEREMIYA 31:22

Ak gayneaydooscheena ea ghoah eeju, Ea huda miidoabiiwaat? aba gideaba NG'UTAMIIDA nisin ng'asheanda eesh aba badayda ng'eanyiida gatmooda gaygafur ng'eedeeda.”

YEREMIYA 33:26

abeeda gaydajakta jeata Yakobo ea Dawdi was siideanyu bea gadiyeeda, ak ea maydaloat siyagi aba jeataanyi goombal jeata Abrahamu, Isaka, ea Yakobo. Aba gideaba gaydeadeelu fuga nyaawa mida ghealooniga ak gaydabwayda saawa.”

YEREMIYA 40:9

Gedaliya was orjeeda Ahikamu orjeeda Shafani, hean gweaksa habeawooda saawa ea fuga nyaawa nea gwayeesha, “Adoabeali gideaba gajagadiyeesiina fuga Galdayo. Oopiidana jeeda ng'eanyiida, nea googadiyeesi sugoocheanda Babeli, ak ghwahit aba heedeang'wa.

YOELI 2:28

“Iimuchu nea ning'ata ng'asheesu, abeeda gaydeadalealsa gurooroodeanyu badahuuka buuneesean; nea diibigeagwa was orjooga ea haweega, gayghwaramwaar, gweargweagwa gaygoorgweadi, gheareemangeagwa gayghwadaah gisiihiimsa;

IITOODA 12:6

Ng'ata gwayeesha, “Asi ayiinya ng'asheegeasu; iimida sibaneeda jeedeang'wa, abeeda, aniineeda was NG'UTAMIIDA, gaydeahiimsa geaw niny aba jeeda giirgweatka, ak gaydeabalool niny aba jeeda giirgweatka.

Mattayo 1:18

Jeata siji Yesu Gristo ghayi gwasunu. Mariyayda was ghaamwat damanda duu goonyeara Yosefu, damanda mii ghabeawa heedean geadaah nea gweayiideat aba uurda Guroorooda Ghaydit;

Mattayo 2:12

Iidu nea sireekusa aba jeeda giirgweatka ea mabiiksiina Herode, ghwala nawa nuut ak gaweay ng'eang'da nyaawa.

Mattayo 2:13

Iing'ata nea niweay fugiga, ng'ula ghwahidu heeda Yosefu Malaykajeanda Ng'utamiida aba jeeda giirgweatka ak gwayeesha, “Ng'eada ak giyaadi baleanda ea ghaamwat, amng'awsiina Misri, ak goopiidi hoowa ea darukuneey, aba gideaba gagasa Herode gwanuus baleanda.”

Mattayo 2:19

Iing'ata miyeeda Herode, hean gabussa Yosefu Malaykajeanda Ng'utamiida aba jeeda giirgweatka aba Misri,

Mattayo 2:22

Iimuchu nea ghwayiiy gideaba Arkelao niimbal ng'eanyiida Yudeya ghoang'waay hoorgeeda ghwaan was Herode, hean ghoawal gawa hoowa, amadu nea sireekusa aba jeeda giirgweatka hean ghwayam geaw ak gawa ng'eanyiida Galilaya.

Mattayo 27:19

Damanda mideawa Bilato uhuuda hoorgeeda argweacha goojeakta gatmoadaanyi siida weah gwayeesha, “Adiidu gighasi geaw siisi doabiiwaadiin, aba gideaba geesawanan muuchi aba jeeda giirgweatka aba badaydaanyi.”

Mattayo 28:5

Ghwalamda malaykajeanda humng'eeda ak gwayeesha gadeemgiga, “Agooga adoabeali; ghaanali gideaba googasayi Yesuheeda heeta singoor.

Lukka 1:19

Ghwasha Malaykajeanda nea gwayeesha, “Aniini geawooschi Gabrieleeda miinaada aba madeeda ASEETA, ak geecheaknean headaang'u deaneey Giijasi miyiin.

Lukka 2:4

Hean ghwascheang'da Yosefu ghabeawa Galilaya, nea ghabeawa mujiineeda Nasareti, ak gawa Yudeya, ea ghwahita mujiineeda Dawdi, siguura Betlehemu, aba gideaba gaba dooshta Dawdi,

Gadiyeeda Giijasoodiga 5:19

Iidu eawa ghwahidu malaykajeanda Ng'utamiida ak gootin gidaghuuta gheeda ghealooniga; ak gooruuta jarooda ak gwayeesha,

Giidaheechta 19:7

Asi eehoosana nea geeng'weelayi nea geatawji giigheambiita, aba gideaba geeshooda Dayeenda Gisilleanda nihidu, ak eara gatmoadaanyi ea nisisin geaw ea ghwahit;

FUGA LAJA GIRGWEAGUUTKA 13:3

Hean ghwahidu malaykajeanda NG'UTAMIIDA heeda gatmooda ak gwayeesha, “Ng'ula ang'iing'i mijiili ak ghamneawa gaynyasa durumanata ak gayjiila baleanda.