Mattayo 1:12 - Bibliyeeda Ghaydit

¹² Iing'ata giibaleakta buuneeda weay Babeli gwajiilu Yekoniya Shealtieli, Shealtieli gwajiilu Serubabeli,

NEAJEEDA EESH BEA BUUNEESSEAN

¹² Ing'atta gibaleakta buuneeda weay Baabiloon gwajiilu Yekoniya Shaltieli, Shaltieli gwajiilu Serubabeeli,

Mattayo 1:12 Mawu Ofanana

2 SUGOODIGA 24:14

Ak ghwaat fuga sean bea Yerusalemu, fuga hees sean, ea fuga meanyi sean, fih sagalamnyooji damanamughuush, ea gearnoodiga sean, ea gidang'oodiga sean, manda siida siipuut, geaghus fuga ng'arng'ari bea ng'eanyiita.

2 SUGOODIGA 25:27

Ak gweaydeaba diktam ea damanispwa siipaleaga Yehoyakini was sugoocheanda Yuda, bea sheedeaba damaniyeenya, eaweedeaba diktam ea ispwa bea sheeda. Efil-merodaki was sugoocheanda Babeli, hean gweayda madeeda bea sugoocheanduumeadaanyi hean gwasiksa Yehoyakini was sugoocheanda Yuda aba ghealooniga.

1 DAMANYOOJIGA 3:17

Ak suh ea orjooga Yekoniya ghayi was giing'oonyaneeda: Orjeedaanyi geeguura Shealtieli,

ESRA 3:2

Hean ghang'eat Yoshuwa was orjeeda Yosadaki, sea bareandaanyi was ashoohoodiga ea Serubabeli orjeeda Shealtieli sea orjooga ghaamwat, ak ghwadeas heeda wagiida bea ASEETA Israeli, was heeda haleanjeeda ghadooweeda sighwarda, gawuurji gida ghayi sing'waarda aba jeeda deaweedeeda Musa was siida ASEETA

ESRA 5:2

Hean ghang'eat Serubabeli was orjeeda Shealtieli ea Yoshuwa orjeeda Yosadaki ak ghoang'eat ghuuta deesta gheeda ASEETA mida Yerusalemu; nea saawa ghaweat sibanga ASEETA.

NEHEMIYA 12:1

Suh ashoohoodiga gil ea fuga Lawi ghayi siyeeng'u sea Serubabeli was orjeeda Shealtieli, ea Yeshuwa: ea Seraya, ea Yeremiya ea Esra,

YEREMIYA 22:24

Asi gwayi NG'UTAMIIDA, “Aba gideabiideati, earapeadi Goniya orjeeda Yehoyakimu, was sugoocheanda Yuda, guwuurjeewi ghuniida geatindeanyu bea dugwa hean gaydang'awnyi

YEREMIYA 22:28

Neada siisi was Goniya mii niwuurji dahuuda nyaraat was dea sifool ak geejakta? Ghwasaan niny ea diibigaaschi siitearsa jeeda ng'eanyiida mwanala?

YEREMIYA 22:30

Aba gideaba gwayi NG'UTAMIIDA: “Ng'oara gheawungeaba siisi ghoah gideaba mii gwaji, Siida mayghwanyagaada aba eaweagaaschi; Aba gideaba eara aba jeeda jeacheangaaschi manda dea jea ghwanyagaada aba giipteadayda uhuuda hoorgeeda gheambalmeeda bea Dawdi, ak goombaliischi gicha aba Yuda.”

YEREMIYA 27:20

nea gea mwaada Nebukadinesa sugoocheanda Babeli, damanda aat ghealooniga Yekoniya orjeeda Yehoyakimu was sugoocheanda Yuda nea ghwanung' ghabeawa Yerusalemu niny sea fuga hees bea Yuda ea Yerusalemu–

HAGAYI 1:1

Aba gweaydeaba iyeenya bea sugoocheanduumeeda Dariyo, ak aba sheedeaba lah, eaweeda madeeda bea sheeda, ghwahidu ng'asheanda NG'UTAMIIDA heeda Hagayi was sibaneeda eassa Serubabeli was orjeeda Shealtieli, was sugoocheanda haw bea ng'eanyiida Yuda, ea heeda Yoshuwaheeda was orjeeda Yehosadaki, was ashoohoocheanda haw,

HAGAYI 1:12

Iimuchu Serubabeli was orjeeda Shealtieli, ea Yoshuwa was orjeeda Yehosadaki was ashoohoocheanda haw sea fuga sean abit, gwasissa mureeda ng'asheanda NG'UTAMIIDA was ASEETA nyaawa, sea ng'asheega Hagayeeda was ashoohoocheanda, was dea ghayi ajeagu NG'UTAMIIDA was ASEETA nyaawa; ak ghabeal buuneeda aba madeeda NG'UTAMIIDA.

HAGAYI 1:14

Ng'ata ghwayiin NG'UTAMIIDA ng'asheanda jeeda guroorooda Serubabeli was orjeeda Shealtieli, was sugoocheanda haw bea ng'eanyiida Yuda, ea guroorooda Yoshuwa orjeeda Yehosadaki, was ashoohoocheanda haw, ea gurooruunatka fuga was boosteanga; ghapka ak ghwadeas gheeda NG'UTAMIIDA bea lugweega, was ASEETA nyaawa,

HAGAYI 2:2

“Asi ghamneawa abaloola Serubabeli orjeeda Shealtieli, was sugoocheanda haw bea ng'eanyiida Yuda, ea Yoshuwa orjeeda Yehosadaki, was ashoohoocheanda haw sea buuneesean was boosteanga, ak giyeeshi,

HAGAYI 2:23

Nea aba eaweedida, aba gidarugu NG'UTAMIIDA bea lugweega, gaydageandaneey Ea Serubabeli siideanyu bea gadiyeeda, was orjeeda Shealtieli, gwarugu NG'UTAMIIDA, ak geasinyeey uurjeewana ghuniida mideawa giirooraneeda; aba gideaba naaloacheey, gwarugu NG'UTAMIIDA bea lugweega.”

Mattayo 1:11

Yosiya gwajiilu Yekoniya ea orjooga ghaamwat, nih damanda ghayi abeeda siipaleaga buuneeda gaweay Babeli.

Mattayo 1:13

Serubabeli gwajiilu Abihudi, Abihudi gwajiilu Eliyakimu, Eliyakimu gwajiilu Asori,

Mattayo 1:17

Asi jeacheenga sean ng'eada Abrahamu ea ghwahita Dawdi ea damanang'wan, ghang'eada Dawdi ea ghwahita giibaleaktida bea Babeliin jeacheenga ea damanang'wan, nea gidang'eada giibaleaktida bea Babeliin ea ghwahita Gristo jeacheenga ea damanang'wan.

Lukka 3:27

Yuda gaba Yoana, Yoana gaba Resa, Resa gaba Serubabeli, Serubabeli gaba Shealtieli, Shealtieli gaba Neri,