Mattayo 1:1 - Bibliyeeda Ghaydit

¹ Gitaabooda rooproobanga Yesu Gristo, orjeeda Dawdi, orjeeda Abrahamu.

NEAJEEDA EESH BEA BUUNEESSEAN

¹ Gittaabooda rooproobanga Yeesu Gristo, balleanda Dawdi, balleanda Abrahaamu.

Mattayo 1:1 Mawu Ofanana

GIING'EETA 12:3

Gaydaadaw ghawooda fuga goonyi ghawooda, nea siida mwaashtaneey gaydamwaashta; nea aba badaydaang'u gayghoadaw ghawooda eemoojiga sean bea muunda ng'eanyiida.”

GIING'EETA 2:4

Nih gida sibwata humng'eeda ea ng'eanyiida gil. Aba eaweeda sina NG'UTAMIIDA was ASEETA ng'eanyiida ea humng'eeda,

GIING'EETA 22:18

nea aba jeacheangaagu gajeataw eemoojiga sean bea muunda ng'eanyiida ghawooda, aba gideaba nisisi mureeda ng'asheega ghuuteanyu.”

GIING'EETA 5:1

Nih gitaabooda jeacheenga Adamu gil. Damanda sina ASEETA siida, gwasin siida aba ratooda ASEETA.

NYIIGHEEGA 132:11

NG'UTAMIIDA niyeaksa habeawooda Dawdi aba ng'asheanda huumwa was dea mayghwayamwa geaw: “Baleanjagi aba jeeda orjooga saseadaang'u gaydayiin uhuuda hoorgeadaang'u bea gheambalmeeda.

NYIIGHEEGA 89:3

Ak giyeeni, “Aniini neasinyi neajeeda sea siideanyu aaloachi, ak ea neayeaksi habeawooda Dawdi was siideanyu bea gadiyeeda.

NYIIGHEEGA 89:36

Jeataanyi gayghwashng'u damanda manda muudeanooda, nea hoorgeadaanyi gaygawuurji aseeta aba madeedeanyu.

ISAYA 11:1

Asi gaygwarina damealeanda gumdooda Yese, ak gaygwarina damealeanda hawungaaschi.

ISAYA 53:8

Geaghabwas, ak geergweaksa ak geayaat eenuus ak ea manda siida duupa gil ng'asheega nyas ak geahoana ng'eanyiida fuga majeekcheew, aba giidiinyeanyeeka fugeasu.

YEREMIYA 23:5

“Ak hean gwayi NG'UTAMIIDA, “Ng'ula gayghapka eawoojiga jea danung' gafirfirsa Dawdi damealeanda doabiiwaat, ak gaygoombaliischi gawuurji sugoocheanda aba weaghuumeeda, ea huumeanda ea aba doobiiwnata aba ng'eanyiida.

YEREMIYA 33:26

abeeda gaydajakta jeata Yakobo ea Dawdi was siideanyu bea gadiyeeda, ak ea maydaloat siyagi aba jeataanyi goombal jeata Abrahamu, Isaka, ea Yakobo. Aba gideaba gaydeadeelu fuga nyaawa mida ghealooniga ak gaydabwayda saawa.”

AMOSI 9:11

“Ak eaweedida gaydasin gicha heeda giibinda Dawdi ghayi abeada ak geadukuti seawuutka ghayi nyara, nea geagatkachi gealga nyaawa nyara, ak geabiikti dadeas ea gabiiksiinda heeda gidaghayi bea mwadi;

SAKARIYA 12:8

Ak eaweedida gayghwayiin NG'UTAMIIDA igeambooda iheenga fuga mida Yerusalemu. Nea dea ng'arng'ari aba bugusta nyaawa, gaygawuurji Dawdi eaweecheanji, nea gheeh Dawdi eaweecheanji gaygawuurji ASEETA. Nea gawuurji malaykajeanda NG'UTAMIIDA aba madeanyaawa. Abeeda eaweecheanji gaydanung' goosha eemoojiga sean, jea ghapka gang'uchi sea fuga Yerusalemu.

Mattayo 1:18

Jeata siji Yesu Gristo ghayi gwasunu. Mariyayda was ghaamwat damanda duu goonyeara Yosefu, damanda mii ghabeawa heedean geadaah nea gweayiideat aba uurda Guroorooda Ghaydit;

Mattayo 1:2

Abrahamu gwajiilu Isaka, Isaka gwajiilu Yakobo, Yakobo gwajiilu Yuda ea orjooga ghaamwat.

Mattayo 15:22

Hean ghwahidu headaanyi gatmoomba fuga Gananayo bea ng'eanyiita goojuur muuchi, nea gwayeesha, “Bwaydanaan, Ng'utamiida, Orjeeda Dawdi, gabearji hudeanyu meangeenda.”

Mattayo 3:16

Ng'ata giibaatiisanda Yesu, nea gwascheeng'na jeeda beega; hean ng'ula ghwajaada bugusta humng'eeda ak ghwadaah Guroorooda ASEETA nea gwashuubeanda ghariibajeanda, ak goobissa uhuudaanyi;

Mattayo 9:27

Ghabeawa Yesu hoowa nea damandida beawaan, ghwaat geeshta fih iyeenya ng'oowi, nea goojuur nea gwayeesha, “Orjeeda Dawdi eaniyean bwaydaneasa.”

Lukka 1:33

nea gayghoahaaghwa gheeh Yakobo ea ghoah gweanyeeka manda muudeanooda; nea sugoocheanduumeadaanyi ea maygwanda muudeanooda.”

Yohaana 7:42

Neada ng'ooruutka ea mayi, Gristo gaygwaleabu dooshta Dawdi, ak gwaleabu Betlehemu gharang'da abiita Dawdi?”

Gadiyeeda Giijasoodiga 2:30

Amadu nea ghoah sibaneeda, ghwanal gideaba ASEETA niyaak habeawooda aba badaydeaba niny gideaba gayghwayiin hoorgeadaanyi siida jea gwaleabu jeataanyi,

Ruumi 1:3

giijasi miy bea badayda Orjeedaanyiin, leabu jeeda jeata Dawdiin aba gissijiilda aba saseeda

Ruumi 4:13

Aba gideaba heeleesiindida bea Abrahamu ea jeataanyiin, bea gideaba gaygwahearan ng'eanyiida mwaani aba deaweeda geataw aba doobiiwnata siitaw aba masaweegean.

Ruumi 9:5

aba geanyaawa gwanda gheamba ghweaniga, bea eemeenyaawa, aba saseeda, aba heanyaawa Gristohi. ASEETA haweewa haleanjeeda sean gagasa eebadiischeesa ea ghoah damanda manda muudeanooda. Amin.

Galattiya 3:16

Asi heeleesiinda ghoadaw ASEETA Abrahamu ea jeataanyi. Ak ea mayi, “Ea jeacheenga,” nea gwarugu buuneesean; nea ghana gwarugu akaleala, “Ea jeataang'u,” nea Gristohi.

1 Dimotteo 2:5

Aba gideaba ASEETA ea agi, ak eara dea aduupchi buuneeda ea ASEETA ea agi, niny siida was Gristo Yesu;

2 Dimoteo 2:8

Apkaada Yesu Gristo, dea ghayi duuna miyeeda, bea dooshta Dawdi, gawuurji gidanyaashta Giijasteanyu.

Giidaheechta 22:16

“Aniini Yesu, neajeagu malaykajeandeanyu headaang'u nea gweadu muwuunooni heeda ganiisajeega. Aniini geawooschi hawunyeanda ea jeata Dawdi, was miing'weandida aboong'u bea muchuunoodean.”