Marko 11:1 - Bibliyeeda Ghaydit

¹ Iidu nea gwaneekiisa Yerusalemu, ghwahita mujiinajeega Betfage ea Betaniya neekeewa Giijeeda Saytuunajeega. Gageanu Yesu giinealan iyeenya aba jeeda ginealangaaschi ak goojeakta goosheeda.

NEAJEEDA EESH BEA BUUNEESSEAN

¹ Iiduw nea gwanekkiissa Yerusaleemu, ghwahitta mujiinajeega Betfaage ea Beettaniya nekkeewa gijeeda mida geediga suguura Masaytunajeega. Gageanu Yeesu ginealan iyyeenya aba jeeda ginealangaaschi ak gojeakta gosheeda.

Marko 11:1 Mawu Ofanana

2 SAMWELI 15:30

Iidu gawa Dawdi nea gwasik naweeda diyeesa Giijeeda Saytuunajeega, nea gooyeawdeada nea gawa, nea ghaghus baneaguuka nea gwadukuta uhuudaanyi; nea fuga sean mideawa gwadukuta iheenga nyaawa, ak ghwascheang'da, ak gooyeawdeada nea gaweay.

SAKARIYA 14:4

Eaweedida abeeda geeshangaaschi gayghamiinaada aba uhuuda giijeeda saytuunajeega. Mida madeeda Yerusalemu bea meatkweeda ghayeawa, ak giijeeda saytuunajeega gayghabwaasha bugusta nibiyeenya. Ghang'eada heeda ghayeawa ea gagul heeda biyeara, ak gaygwanda hoowa moangoachiyda haw muuchi. Ak meatkweenagi bea giijeeda gayghang'eat gagal wiilooda ng'eanyiida ghayeawa, nea meatkweeda niirja gagal wiilooda ng'eanyiida biyeara.

Mattayo 21:17

Hit ghang'eat ghwanung'wa heeda, ak gwariteawa mujiini ak gawa Betaniya ak gwalla hoowa.

Mattayo 24:3

Iidu nea goopteada Yesu aba uhuuda Giijeeda Saytuunajeega, gaweesa giinealangaaschi aba heeda funyaat ak geanyasa hichpa geaw ak geanyaash gideaba, “Rukuni ng'asheesu gayghoah eeju? Amadu hinoadaang'u gwanda gwadeagooda jea eadaaha ghana dea muudeanooda damanda?”

Mattayo 26:30

Iing'ata sarmeeda duumda, ghang'eatng'eat gaweay uhuuda giijeeda saytuunajeega.

Marko 11:2

Nea gwayeesha, “Aweayeena ea ahita gharang'dida mida mwadiin. Iyoahiti gajanyasana hoowa digeeda miigwaheedu ghayi eara giinealda miyeanaal. Gajadaaha nea radaat ak gootinyi, ak goorjeanu.

Marko 13:3

Eaweecha Yesu goopteada aba uhuuda Giijeeda Saytuunajeega deaschi gheeda sibata ASEETA gaweay geaba Betaro ea Yakobo ea Yohana sea Andreya ak ghoanyaash Yesu nea gaba geat gideaba,

Marko 14:13

Goojeakta Yesu ginealangaaschi asiyeenya nea gwayeesha, “Aweayeena ea ahita jeeda mujiini. Gajaroonyeewana siida sar sirbiida beega; ghoayaachi geeshta,

Marko 6:7

Gaguursa giinealanga atamaniyeenyean ak goojeakta nea ghwanung' gabadiina iyeenya iyeenya. Ghabiiw uurda jea ghwajoara meangeenda

Yohaana 8:1

ng'ata gawa Yesu uhuuda giijeeda saytuunajeega.

Gadiyeeda Giijasoodiga 1:12

Iidu gabiikta Yerusalemu, nea abeeda gwaleabu Giijeeda Saytuunajeega neekeewa mujiineeda Yerusalemu, hita gilomiteanagi;