MALAKI 4:4 - Bibliyeeda Ghaydit

⁴ “Apkaada deaweedeeda siideanyu bea gadiyeeda was Musa, digheanyeeka ea deaweedajeega ghayi earukusi niny aba Horebu aba badayda Israeleesean.

MALAKI 4:4 Mawu Ofanana

ISAYA 42:21

NG'UTAMIIDA gahoosan aba badayda doobiiwnataanyi, ghwanung' gageawiit deaweedeadaanyi nea ghoaghaambiit,

ISAYA 8:20

Aba giinealshooda ea muuwuunooda! Nea aba huumwa ng'asheanji ruguun ea manda muudeanooda.

YEREMIYA 6:16

Gwayi NG'UTAMIIDA, “Amiinaada aba bugusta naweeda, ak ghoang'weardi, ak ghoapwaardi naweadingeaba garayi, heeda mida naweadinga miyas, ak ghoaduupchi, ak gayghwanyas gurooruunatkeagwa fuufeanda. Nea saawa gwayi, ‘Aseasa majeeska jeeda.’

Ruumi 3:31

Abeeda gajeayamwa deaweeda aba masaweegiga? Manda! Iisiyam abeeda geemmajeekchi deaweeda.

GIIPKEATA DIIGHEANDA 4:10

gawuurji eaweeda eamiinaadi aba madeeda NG'UTAMIIDA was ASEETEANG'WA aba uhuuda giijeeda Horebu, ak gwayeeshiineegwa NG'UTAMIIDA, ‘Amughuusha buuneeda ghapka heeda eandi, ak hean gaydaanaal diigheanyeekeasu, abeeda geegoonan mureeda eawoojiga sean bea eaweega nyaawa aba badayda ng'eanyiida, ak hean gayghoanaal eara diibiga nyaawa ng'asheesu.’

GIIPKEATA DIIGHEANDA 4:23

Hean afura geat, adiidu gwarooseegwa neajeeda NG'UTAMIIDA was ASEETEANG'WA sinudayeeweegwa adoosinyi sanaamu uurji gili wassean weadaneegwa NG'UTAMIIDA was ASEETEANG'WA.

GIIPKEATA DIIGHEANDA 5:2

NG'UTAMIIDA was ASEETEANYA gwasinuuneasa neajeeda aba uhuuda giijeeda Horebu.

GIIPKEATA DIIGHEANDA 8:11

“Afura geat adiidu gwarooseey NG'UTAMIIDA was ASEATAANG'U, iimoang'waanyi diigheanyeekaaschi ea deaweedajeagaaschi ea huumeanyeakaaschi, earukuneey ghamneawean.

GIIPKEATA DIIGHEANDA 8:19

Aba inyas gwarooseey NG'UTAMIIDA was ASEATAANG'U ak giyamsi geaw aseecheeka suurja nea gibwadi, aniini aba huumwa gearukuneegwa gideaba gajooshealana askweareani.