MALAKI 3:3 - Bibliyeeda Ghaydit

³ Gaygoobideadayda siida adeang'shachi nea goohuuni lapiya, ak gayghoamiidu orjooga Lawi ak ghoamiitaayda saawa dahaabu ea lapiya, ea ghoadaw NG'UTAMIIDA haleanjeeda doabiiw bea ghadooweeda.

MALAKI 3:3 Mawu Ofanana

NYIIGHEEGA 116:17

Gaydagoonyi haleanjeeda ghadooweeda bea badiischooda ak geaguursi gheawunga NG'UTAMIIDA.

NYIIGHEEGA 4:5

Oatayda lukghumajeega doabiiw, ak ghoaghuschi NG'UTAMIIDA.

NYIIGHEEGA 4:6

Gwanda fuga saang'a eena, “Gayghoahiimneasa ng'eaha ng'asheega miyaas? NG'UTAMIIDA, aboong'neasa weeshinda gheamamdaang'u.”

NYIIGHEEGA 50:14

Adawa ASEETA lukghumajeega badiischooda, ak giidawi haleanjeeda iradi ASEETA haw bea humng'eeda;

NYIIGHEEGA 50:23

Siida adayiida haleanjeeda ghadooweeda bea badiischooda mii dea sinnean mureeda; nea dea sin naweadaanyi gaydeahiimsa lealeanooda ASEETA!”

NYIIGHEEGA 51:19

Abeeda gayhoosasiina lukghumajeega huumwa, sea haleanjeedeanya sean bea ghadooweeda sighwarda, abeeda gayghoadayda heewga aba headaang'u bea wagiida.

NYIIGHEEGA 66:10

Aba gideaba nisiktaaweasa Ea ASEETA; ak ea nisimdaneasa gidasisimiida lapiya.

GHWASIILDEANGA 17:3

Alooheeda dahaabu ghana lapiya geeteena beasta, ak gurooruunatka buuneeda goodeeni NG'UTAMIIDA.

GHWASIILDEANGA 25:4

Geanda ririnnyeanda aba heeda lapiya, ak gaygwasineey siida deang'shachi dabicheanda miy.

ISAYA 1:25

Ak gaydeagealu geatindeanyu headaang'u nea geabuuschi haleanjeedeang'wa marachi gil mida headaang'u nea geageandi munyindaang'u sean.

ISAYA 48:10

Ng'ula, naadaanyeey, ak ea majuurjeewana lapiya; naaloacheey aba jeeda duwayda beasta.

ISAYA 61:6

Nea agooga gajeeguureewaneegwa ashoohoodiga NG'UTAMIIDA, ak gaygaguureewaneegwa buuneeda fuga gadiyeesa ASEETEANYA, ak gajayaaga meanang'oocheanduumeeda eemoojiga, ak gajaghwara geat aba giigheambiita nyaawa.

YEREMIYA 9:7

Asi gwayi NG'UTAMIIDA bea lugweega “Ng'ula gaydadayi ak geasimnyi saawa, gaydasin naaha aba badaydeaba fugeasu?

ESEKIELI 20:38

Ak gaydageanda fuga heawanaan aba bugusteang'wa. Ea giika adiiyseaniin gaydearuuteawa ng'eanyiida mida was rabasta, ak ea maygaweay ng'eanyiida fuga Israeli, ak gajanala gideaba geawooschi NG'UTAMIIDA.

DANIELI 11:35

iidu fuga mwaatkwa weaghoodi gaygameewa, ak geehuun nea geamiidu ak geanung' gaweeriidi, ea ghwahita muudeanooda damanda, aba gideaba miighwahita damanda hit.

DANIELI 12:10

Gayghoamiidu geat fuga saang'a, ea gaweeriidi, ea gamiyeasiidi; nea fuga munyas gaygwasin munyinda; ak ea manda siida muy jea ghwanal; nea fuga weaghoodi gayghwanal.

HOSEYA 14:2

Ayaadana geadi ng'asheega ak goobiiksi NG'UTAMIIDA, ak gooyeeshi, “Geanda giidiinyeanyeeka sean; ang'waanya ng'asheega miyaas ak gajeatayda haghweega ghuusigaasa.

SAKARIYA 13:9

Ak gaydeadu gharmucheandida bea samwaguun, ak ghaayiinyi jeeda beasta. Ak gaydadaay saawa ea gawuurji lapiya, iisisim, ak geasimnyi gawuurji gidasisimiida lagheanga dahaabu, ak abeeda gaygaguuriisa gheawungeasu, ak gaydealeeysa iit saawa. Ak gaydayi, ‘Suh fugeasu gil’, Ak gaygwayi niny, ‘NG'UTAMIIDA ASEETEANYU gil.’”

MALAKI 4:1

“Aba gideaba ng'ula, eaweedida gayghwahidu, nea ghwayeat gawuurji duwayda, nea fuga sean bea ghwarjeeda ea fuga sean sin ng'asheega munyas gayghoah mbarariida; nea eaweecheanji jea ghwahiduun gayghwalas uhuuda, gwarugu NG'UTAMIIDA bea lugweega, ak ea mayghwanung'wa heeda hawunyeanda ghana damealeanda.

IITOODA 8:6

“Saja fuga Lawi ak giing'aami jeeda fuga Israeli, ak giighaydiidi.

Lukka 3:16

ghwasha Yohana nea gwayeesha buuneesean “Aniini geabaatiisananeegwa beega; nea siida jea ghwahidu gaburdeawean uurda, ak aniini ea mamiisean deatineada deanga geakaaschi; nea niny gaygoobaatiisananeegwa Guroorooda Ghaydit ea beasta.

Ruumi 12:1

Asi, geamuscheegwa fuga eaduupcheewi aba baydeayda ASEETA, oatayda sasanuukeagwa ghoah haleanjeeda majeekcheewi sigadoowaniida, ghaydit bwariiy ASEETA, nea baditeang'wa bea huumwa gil.

Ruumi 15:16

ak abeeda ghaahuuyi siida gadiyeeda bea Gristo Yesu aba jeeda Eemoojiga, ak abeeda geasissi gadiyeeda Giijasta miy bea ASEETA gadiyeeda was ashoohoocheanduumeeda ak abeeda ghoah Eemoojiga haleanjeeda sisapa geadi bea ghadooweeda miyaas, iing'ata nea niimmiidu Guroorooda Ghaydit.

Filippi 2:17

Eara eayiinan uhuuda haleanjeeda sisapa geadi bea ghadooweeda aba badayda masaweegeagwa, aniini geahoosanyi nea geang'weelayi sea agoogeeni seaniin.

Filippi 4:18

Ak ea naanyaschi haleanjeeda sean, ea ghwanaawda, aba seang'ayda; was gea ghayi eanean Epafroditoheeda leabu heedeang'wa, was haleanjeeda oogoonyi, was shearooda nagheeda ng'andit, ea haleanjeeda sisapa geadi bea ghadooweeda biissa ghabwariiy ASEETA.

2 Dimoteo 4:6

Aba gideaba aniini ghamneawa gajeetaydanaan doaw gujaweeda ak ea nihita damanda jea dameawa.

Ditto 2:14

nea niny ghoadayda geaw aba badahuukaasa ak ghaweadaneasa ng'asheega munyas sean ak ghoamiidu fuga jea ghoah gaaschi nea gamilmiliidi aba sinooda ng'asheega miyaas.

Ebraniya 12:10

Aba gideaba saawa ghwalaseasa aba gheadi nuwaas aba gidamiisiinda saawa ak ghwalaseasa ak geemiyeesiidayi, ak abeeda geeguuyi ghaydidandaanyi.

1 Betro 1:7

ak abeeda aba simsimda masaweegeagwa miyaasiin ng'al dahaabu jea gwarooda, earapeadi iissa geesim aba beasta, ak abeeda geadaah gideaba gwandeawa duumsiinda ea gharbeeda ea mureeda aba giidaheachta Yesu Gristo.

1 Betro 2:5

ak goowuurjeewi lagheanga mideawa eaweega, ak geadeaseagwa awoosa gheeda guroorooda, ak ghoah ashoohoocheanduumeeda ghaydit, jea ghoadayda haleanjeeda guroorooda sisapa geadi bea ghadooweeda was gea jea ghamwas ASEETA aba naweeda Yesu Gristo.

1 Betro 2:9

Nea agooga goowooschi eemeeda siloat, ashoohoocheanduumeeda ambaliischi, eemeeda ghaydidi, was fuga ASEETA, ak abeeda goorukwiidi sinaweagaaschi deamdeameadi was dea guurneegwa arinana jeeda misaneeda ak gooweayi jeeda weeshindaanyi haw.

Giidaheechta 1:6

ak gagoaneasa sugoocheanduumeeda, ak geahuuyi ashoohoodiga aba heeda ASEATAANYI ea Ghweanda, giigheambiita daanyi ea sugoocheanduumeeda ea ghoah damanda manda muudeanooda. Amin.

Giidaheechta 3:18

Ak gaydayeeshiineey, shaaha aba heedeanyu dahaabu siihuuna beasta, ak abeeda gaywoosa meanang'oocheanda, nea giikweali hang'weaka eashish, ak ea meadaaha baspaseega dawiishnataang'u, ak gaynyasa meajooda jea eashana gheanyangaagu ak abeeda giing'weardi.

Giidaheechta 5:10

ak ginung' ghwanyas sugoocheanduumeeda ea ashoohoodiga aba heeda ASEETEANYA, nea saawa gaygoombal ng'eanyiida.”