MALAKI 3:2 - Bibliyeeda Ghaydit

² Ak gayghoamu ng'eaha ghamilikghta eaweeda hinoadaanyi, ak gayghoamu ng'eaha ghamiinaada iishuubean? “Niny gawuurji beasta gidayda ak gawuurji saabuuneeda mideawa uurda;

MALAKI 3:2 Mawu Ofanana

GIING'EETA 19:28

ak ghwahiing'da gheanyangaaschi gang'ula Sodoma ea Gomora ea ng'eanyiisean bea mooheeda, ak ging'ulayi, aroosta ng'eanyiida nea gagal humng'eeda nea gawuurji aroosta duwayda.

AYUBU 28:1

“Aba huumwa gwanda heeda sigurguruuna lapiya, ea heeda nyasa dahaabooda ahuuni.

NYIIGHEEGA 130:3

Ea NG'UTAMIIDA, inyeeda gwachi gajiita giidiinyeanyeeka, Ng'utamiida, gayghamiinaada ng'eaha?

NYIIGHEEGA 2:7

Gaydarukwiida diigheanda NG'UTAMIIDA; ak gwayeeshiinean, “Ang'iing'i guwoosi orjeedeanyu, askweareani aniini neajiileey.

NYIIGHEEGA 76:7

Ang'iing'i guwoosi dea Abeli fih! Ak ea ng'eaha siida ammu ghamiinaada aba madeadaang'u iinyareasi?

GHWASIILDEANGA 25:4

Geanda ririnnyeanda aba heeda lapiya, ak gaygwasineey siida deang'shachi dabicheanda miy.

ISAYA 1:18

“Asi apkaana eebaloola, gwarugu NG'UTAMIIDA: Riing'eegeagwa eara ea nihareeriidi muuchi, gaygaweeriidi ea gawuurji gapkeanda, eara ea nihareeriidi ea ghawaar foojeanda, gaygaweeriidi ea gawuurji buudeega gisilleanda.

ISAYA 33:14

Fuga riing'eega mida Sayuni nibeal, nea gaboodani fuga mwaawala gheang'da ASEETA nea gwayi: “Gaygabadaksa ng'eaha beastida ng'waaniin? Ak gayghoamu goobiida ng'eaha jeeda beasta manda muudeanooda?”

ISAYA 4:4

Damanda jea goohuuna NG'UTAMIIDA ririnnyeanda haweega Sayuni, nea goohuun foojeanda Yerusalemu mida bugustaanyi aba guroorooda girgweaksiinda ea guroorooda ghaghwarda.

YEREMIYA 2:22

Ghamneawa eara ahuuna geawi aba gharfeahooda ea saabuuneeda saang'a, ririnnyeanda ramaseanyeekaagu gudu gwanda madeedeanyu, gearugu aniini NG'UTAMIIDA was ASEETA.

ESEKIELI 22:14

Heapi gurooroadaang'u gayghoamu milikghteayda, ghana geatindaang'u gayghoamu gamajeegiiti aba eawoojigiga jea dasimaneey ng'asheegeani? Aniini NG'UTAMIIDA gil, neargu ng'asheanji ak gaydasin gicha.

DANIELI 11:35

iidu fuga mwaatkwa weaghoodi gaygameewa, ak geehuun nea geamiidu ak geanung' gaweeriidi, ea ghwahita muudeanooda damanda, aba gideaba miighwahita damanda hit.

YOELI 2:11

ak gooruudu NG'UTAMIIDA nyeashtaanyi aba madeeda lugoadaanyi; aba gideaba ng'asheega sina ea hees muuchi; aba gideaba niny ea daruus aba sinooda ng'asheandaanyi; aba gideaba eaweeda NG'UTAMIIDA aahaw, nea goobeeli fih muuchi; ak gayghoamu ng'eaha ghamilikghta?

NAHUMU 1:6

Gayghoamu ng'eaha ghamiinaada aba madeeda nyarastaanyi? Gayghoamu ng'eaha ghamilikghta beasta nyarastaanyi? Nyarastaanyi geahiidaayda beasta, ak gwanyara lagheanga aba badaydaanyi.

SAKARIYA 13:9

Ak gaydeadu gharmucheandida bea samwaguun, ak ghaayiinyi jeeda beasta. Ak gaydadaay saawa ea gawuurji lapiya, iisisim, ak geasimnyi gawuurji gidasisimiida lagheanga dahaabu, ak abeeda gaygaguuriisa gheawungeasu, ak gaydealeeysa iit saawa. Ak gaydayi, ‘Suh fugeasu gil’, Ak gaygwayi niny, ‘NG'UTAMIIDA ASEETEANYU gil.’”

MALAKI 4:1

“Aba gideaba ng'ula, eaweedida gayghwahidu, nea ghwayeat gawuurji duwayda, nea fuga sean bea ghwarjeeda ea fuga sean sin ng'asheega munyas gayghoah mbarariida; nea eaweecheanji jea ghwahiduun gayghwalas uhuuda, gwarugu NG'UTAMIIDA bea lugweega, ak ea mayghwanung'wa heeda hawunyeanda ghana damealeanda.

Mattayo 25:10

Ng'eatng'eat haweegiga dasheahiin gaweay ghwasha nagheeda, goobeeru siida geeshi ak goodeayi jeeda gheeda haweegiga hidaat bay ea niidiing'diing'dean ak gaweay jeeda gheeda nyeangiida amang'ata gearat gidaghuuta.

Marko 9:3

ak eara hang'weakaaschi gaweeriidi muuchi. Eara aba jeeda ng'eanyiisean ghanyea manda siida ammu goohuun hang'weaka ea gaweeriitiidunu.

Lukka 2:34

Gang'usha Simon saawa nea gwayeesha Mariyayda was ghaamwat, “Ng'ula, jeebi gajeenung' ghoah giibeedeayda ea ng'eedooda fuga saang'a bea Israeli, ak gayghoadaw gwadeagooda jea ghaheawa buuneeda

Lukka 21:36

Asi agooga afura geat galeagasean, nea ghoamwaashchi ASEETA gagooneegwa uurda jea oataraamwa ng'asheesu sean jea gapnuun, ea aminaada aba madeeda Orjeeda Siida.”

Lukka 3:17

Gida aleela booga gwanda geatindaanyi, ak gaygoobuus heeda jea gooleelsa, ak gooweamsa ngaanoadaanyi jeeda gijigooda, nea looyda gayghaghwarda aba beasta maygamis.”

Lukka 3:9

Ak ghamneawa joomooda ea siyiin guumsheaka geediga, ak geeta maji haghweega miyaasiin gajealach ak geejaksa jeeda beasta.”

Lukka 7:23

Ghang'wana siidida mwamwachmwajaniin.”

Yohaana 8:55

Agooga mii ghanyi anala niny; amaduuku aniini ghaanali niny. Ama eayeenyi mwaanali niny, abeeda gaydoaw siida ng'uyeega uurjeeweegwa; aniini ghaanali niny ak ghaang'waanyi ng'asheandaanyi.

Ebraniya 12:25

Asi ang'ula adiidu ghoaheawi ninyeeda balool. Aba gideaba inyeeda saawa ea mamng'awa damanda heaweawa ninyeeda reekusa saawa aba jeeda ng'eanyiida, abeeda gajeemng'awdaan iisiheawi ninyeeda reekuseasa aba humng'eeda.

Giidaheechta 19:8

ak ea siikwealsa hang'weaka miyaasiin bumbuni, meeng'meeng'i nea miyaas”– aba gideaba hang'weaka miyaasiin sinaweega doabiiw bea fuga ghaydidi gil.

Giidaheechta 2:23

ak gaydabwar diibigaaschi gameewa. Ak gayghwanal ganiisajeega sean gideaba aniini geawooschi siida sikiideawa fughareenga ea gurooruunatka, ak gaba siisi aadawji aba jeedeang'wa giteaschi sea gadiyoojigeagwa.

Giidaheechta 6:17

aba gideaba eaweeda haw bea nyarasta nyaawa nihidu, ak ea ng'eaha gil jea ghoamu ghamiinaada aba madeeda?”

Giidaheechta 7:14

Geayeeshi niny, “Siida mureeda, ginali ang'iing'i.” Hean gwayeeshean, “Suh fuga leabu jeedeaba sawanadeedida hawiini; ak ea niihuun hang'weaka nyaawa geawi ea ghwanung' gaweeriidi aba foojeanda Dayeenda Gisilleanda.

1 SAMWELI 6:20

Hean gwayi fuga Bet-shemeshi, “Ghoamu ng'eaha ghamiinaada aba madeeda NG'UTAMIIDA was ASEETA ghaydidiin? Ak niny gaygawa heedeabeang'a nea ghabeawa heedeanya?”