MALAKI 2:10 - Bibliyeeda Ghaydit

¹⁰ Neada aseasa eesa sean ea meebeahi ghwaanagi? Neada ea masineasa ASEETA asakaleala? Abeeda ghwasaan inyas meendeawani masaweega aba hichpa nuudiini, ak goofooli neajeeda ghweanigaasa?

MALAKI 2:10 Mawu Ofanana

NYIIGHEEGA 100:3

Anala gideaba NG'UTAMIIDA ASEETA! Niny dea sinneasa gil, ak aseasa geewooschi fugaaschi; geewooschi fugaaschi, ea gisilga haghweadaanyi.

MALAKI 2:11

Abeeda fuga Yuda nijakta mureeda, ak gwasin ng'asheanda muy aba jeeda Israeli ea jeeda Yerusalemu; aba gideaba Yuda niibwara darari heeda ghaydit bea NG'UTAMIIDA, was heeda bwariiy, ak ghaghi huda bada aseecheeka eemoojiga.

1 Goriinto 8:6

iidu aba heedeanya aseasa ASEETA akaleala, was Ghweanda, was deaghayi leabu haleanjeeda sean, ak geepiideewi badaydaanyi ak gabiissa gwanda Ng'utamiinagi, was Yesu Gristo, ghayi rinna haleanjeeda sean badaydeaba niny, nea eara aseasa geepiideewi niny.

Efeeso 4:6

ASEETA ea agi was Ghweandeanya eesa sean, ak ghang'ataawa sean ak gagadiiy aba jeedeaba sean ak gwanda jeeda buuneesean.

ISAYA 63:16

Aba gideaba ang'iing'i guwoosi ghweandeanya earapeadi Abrahamu mwanaleasa, iinea eara Israeli ea moapkaadeasa. Ea NG'UTAMIIDA ang'iing'i guwoosi ghweandeanya, lealnoocheandeanya ghang'eada garayi suh gheawungaagu.

ISAYA 64:8

Ak ghamneawa Ea NG'UTAMIIDA, ang'iing'i guwoosi ghweandeanya, aseasa geawooschi sheang'weeda nea ang'iing'i guwoosi siida sinneasa, aseasa eesa sean geewooschi gadiyeeda geatingaagu.

Gadiyeeda Giijasoodiga 7:26

Iimuchu eaweeda bassa ghwadaah fih iyeenya bea Israeli nea gabearji hean gawa gooheeli ak gwayeesha, ‘Agooga goowooschi orjoopa gheawagi, iijea eeyi bwak ea abearjeena.’

Mattayo 3:9

nea adooyeeniisi geat, ‘Geendeawi ghweandeanya nea Abrahamu’, aba gideaba geayeeshiineegwa, ASEETA ghoamu ghwayam lagheang'su ghoah diibiga Abrahamu.

Yohaana 8:41

Agooga goosinyi ng'asheega sin ghweanigeagwa.” Gwayeesha saawa niny, “Aseasa meewoosi diibiga sishuwaanda; geendeawi Bwaabeeda asakaleala, nea ASEETA.”

Mattayo 22:16

Iidu goojeakta giinealanga nyaawa headaanyi ea gea Herode geanyaash nea geeyeesha, “Giinealshoocheanda, Aseasa geanali gideaba ang'iing'i guwoosi siida huumwa, ak gibwadi nih giinaali buuneeda naweeda ASEETA aba huumeanda, nea ghanyea miduupi hawunda siida aba gideaba ming'uli ratooda buuneeda.

Mattayo 10:21

Siida gayghwala bwadaw orjeeda ghaamwat eenuus, ak ghwalabadaw ghweanda jeaptaanyi, nea gwayamsa geat diibiga ghweaniga nyaawa ea gheamadiga nyaawa ak ghabwar gameewa.

MALAKI 2:8

Ak ea noasajaadawi naweeda; ak ea noanung' ghwaschoarda fuga saang'a aba deaweedajeegeagwa; ak ea naabwari darari neajeeda Lawi, gwarugu NG'UTAMIIDA bea lugweega,

MALAKI 1:6

“Orjeeda gwasiniisa ghwaan mureeda, nea siida gadiyeeda gwasiniisa siidaanyi haw. Asi aniini iyeawooschi ghweanda, gwandeenu mureedeanyu? Ama eawooschi siida haw, gwandeenu gheawalmeedeanyu? gwarugu NG'UTAMIIDA bea lugweega, Ea ashoohoodiga, fool gheawungeasu. Ak gooyeenyi, ‘Neada aseasa geefooldiin gheawungaagu?’

ESEKIELI 33:24

“Ea orjeeda siida, fugiga mida ng'eanyiida was raghoonyeandean, aba ng'eanyiida Israeli, inyeessa gwayi, ‘Abrahamu ghayi ea agi, ak gwahearan ng'eanyiini, ak aseasa geawooschi fuga saang'a geegooneasa ng'eanyiini ghoah hearaniischoodeanya.’

ISAYA 51:2

Ang'ula Abrahamu was ghweandeang'wa ea Sara ghayi jiilneegwa; aba gideaba ghayi nea gabwageaw geaguursi, ak ghaadawji ghawooda ak ghaanung' ghwasaang'ayiit.

ISAYA 44:2

Gwayi NG'UTAMIIDA ghayi sinyi, ak gwasinyi nea gudumidana jih ak gayghaweanyi: Adibeali, Ea Yakobo was siideanyu bea gadiyeeda, Ea Yeshuruni ghayi aaloachi.

ISAYA 43:15

Aniini geawooschi NG'UTAMIIDA, was dea Asagi Ghaydit, ghayi geasineegwa agooga fuga Israeli ak geawooschi sugoocheandeang'wa.”

ISAYA 43:7

giliwas sih siguursiina gheawungeasu nea ghayi ghaabwachi aba giigheambiiteanyu geasinyi aniini, huumwa gil geasinyi aniini.”

ISAYA 43:1

Ak ghamneawa gwayi NG'UTAMIIDA, ghayi bwanyi ea fuga Yakobo, gwayi dea ghayi sineegwa ea fuga Israeli: “Adibeali aba gideaba nealealneey; neaguurneey aba gheawungaagu, ang'iing'i gibeayean.

AYUBU 31:15

Neada dea ghayi sinan aba jih mii dea sin ninyi? Ak niny ea mii agi dea sinneasa aba jih?

NEHEMIYA 13:29

Apkaada saawa, Ea ASEETEANYU aba gideaba ning'uda ririnnyeanda ashoohoocheanduumeeda ea neajeeda ashoohoocheanduumeeda ea fuga Lawi.

YOSHUWA 24:3

Hean geageandi ghweandeang'wa was Abrahamu aba giigheawda Eenda Furati ak ghaadoabiiwji aba ng'eanyiida Ganaani, nea ghaanung' gwaheedu jeataanyi. Ak ghaadawji niny Isaka;

RITEAYDA 19:5

Asi ghamneawa inyas gooleeysean iit ak ghoamwaschi ng'asheegeasu, nea ghoang'waanyi neajeedeanyu, abeeda gajawoosa fugeasu miyaasiin aba bugusta buuneesean aba gideaba ng'eanyiisean deanyu,

Ebraniya 12:9

Murdeedeaba ng'asheesu, geendeawi ghweanigaasa bea ng'eanyiida jea ghwalaseasa ak geesisi saawa mureeda. Abeeda ea mammiiseasa muuchi gideaba gajeetuuksiina geat Bwaabeeda gurooruunatka ak geanyaschi eaweega?

1 Desaloniikke 4:6

ak ea manda siida adiiy, ghana goodiiysa orjeeda ghaamwat aba ng'asheanji, aba gideaba Ng'utamiida dea jea ghawalda mureandoodeaba haleanjeeni seaniini, gawuurji gissibean eamiinda gheang'deang'wa aba mureeda.

Efeeso 4:25

Asi anung'waada ng'uyeega, daba siisi abaloola giischeewoocheandaanyi huumeanda, aba gideaba aseasa geewooschi fuga weechi.

Ruumi 9:10

Ak ea meakghusa nih, eara Rebeka iigweayiit aba siyeanagi was Isakeeda was ghweandeanya,

Ruumi 4:1

Asi gajeayeanaan aba badayda Abrahamuheeda was gheambaghweandeanya aba saseeda?

Gadiyeeda Giijasoodiga 17:25

ak niny ea moamu geatinga buuneeda gagadiiyeesa, gawuurji gili niny gasa gil, dea goona eaweega gil, ak ghoadaw buuneeda giisiimeanda ea haleanjeeda sean.

Gadiyeeda Giijasoodiga 7:2

Ghwasha Stefano ak gwayeesha, “Fuga eaduupcheewi ea ghweanigeasu, ooleeysean iit. ASEETA ghaambiidaat ghayi gabusiinyi sea ghweandeanya was Abrahamu, damanda mideewa ng'eanyiida Mesopotamiya, nea mii gawa goobiida Harani,

Yohaana 8:56

Ghweandeang'wa was Abrahamu ghayi gahoosan aba gasooda jea ghwadaah eaweeteanyu ak ghwadaah ak gang'weela.”

Yohaana 8:53

Ang'iing'i guwoosi haweewa Abrahamuheeda was ghweandeanya meahi? Eara sibanga gameewa! Ang'iing'i gihindigeaw ng'eaha?”

Yohaana 8:39

Ghwasha Saawa nea gwayeesha, “Ghweandeanya Abrahamu.” Gwayeesha Yesu saawa, “Inyeeda ghwanyawa goowooschi diibiga Abrahamu, gajasina gida ghayi sin Abrahamu,

Lukka 3:8

Asi ajiila haghweega miisa duukuunooda, nea adooyeeniisi geat, ‘Geendeawi ghweandeanya nea Abrahamu’, aba gideaba geayeeshiineegwa ASEETA ghoamu ghwayam lagheang'su ghoah diibiga Abrahamu.

Lukka 1:73

ak gweaksa habeawooda Abrahamuheeda was ghweandeanya,

Gadiyeeda Giijasoodiga 17:24

ASEETA ghayi bwat muunda ng'eanyiida ea haleanjeeda sean, niny Ng'utamiida humng'eeda gil ea ng'eanyiida, niny moobiiteena jeeda gealga sibata ASEETA sideasa geatinga,

Gadiyeeda Giijasoodiga 17:26

Ak gwasin niny aba siyagi eemoojiga sean was buuneeda ak ghwanung' goobiida badayda ng'eanyiida, ama ng'ata nea niidaw damanyoojiga ghayi bay gwarukuta niny, ea moonghajeega giibinda nyaawa,

RITEAYDA 19:4

Noadaayi gideasimi fuga Misri ea gida aasareandaneegwa gawuurji gidasareeniida rabearda diibigaaschi aba meang'eega, ak geayeaneegwa heedeanyu.

RITEAYDA 24:3

Ghwahita Musa ak gwarukusa buuneeda ng'asheega sean bea NG'UTAMIIDA ea deaweedajeagaaschi sean, hean ghwasha buuneeda aba ghuudagi nea gwayi, “Ng'asheega sean rugu NG'UTAMIIDA gajeesina.”

RITEAYDA 24:7

Hean gageanu gitaaboodida sing'oorsa neajeedean ak ghoasoamwa aba ghuuta haw nea ghoaleaydiit buuneeda, ng'ata gwayi buuneeda, “Ng'asheega sean rugu NG'UTAMIIDA gajeesina, nea geesisi mureeda.”

YEREMIYA 31:9

Gayghapka nea gooyeawda, Ak gaydaadoabiiw nea ghaahawdi, nea geasiikschi heeda eenda mida beega, bea naweeda doabiiwaat, nea aba naweedida ea maygwaruusa geat, aba gideaba aniini geawooschi ghweanda Israeli nea Efraimu ea duweacheedeanyu gil.

ISAYA 64:7

Manda dea nihidu gamusnyi eara akaleala, manda siida sin badiida aba gasoadaang'u. Ang'iing'i gifunyaneasa gheamamdaang'u ninung'useasa heeda eapita jeeda ng'asheagaasa munyas.