MALAKI 1:2 - Bibliyeeda Ghaydit

² “Aniini ghaabwariinyeegwa,” Gwarugu NG'UTAMIIDA. Ak gooyeenyi agooga, “Gibwariiydaneasaan?” “Neada Esawu ea mii orjeeda geenyea Yakobohi?” Gwarugu NG'UTAMIIDA. “Iidu ghaabwariinyi Yakobo,

MALAKI 1:2 Mawu Ofanana

GIING'EETA 25:23

Hean gwayeesha NG'UTAMIIDA gatmooda, “Jeadaang'u gwanda eemooji iyeenya, gayjiila fih iyeenya jea gwaheeli, nea akaleala gaygaburdeawa niirja uurda, nea orjeeda haw gaygagadiyeesa dea mwanang'.”

GIING'EETA 25:25

Jeepta madeeda siji ea areara saseesean gawuurji hang'da mideawa buudeega; ak geeguura gheawungaaschi Esawu.

GIING'EETA 25:26

Iidu geeji orjeeda ghaamwat, nea ghoang'waanya geatindaanyi diding'da Esawu; ak geeguura gheawungaaschi Yakobo. Abeeda Isaka gaba gweanyeew laadam damanda sijiila diibisu.

GIING'EETA 27:33

Hean ghaboadan Isaka muuchi, ak gwayi, “Neada ea ng'eaha siidida weah shageata ak gweanean banyeega ak ghaayaaji nea miihini, ak ghaadawji ghawoodean? Asi huumwa gil, naadawji ghawooda ak ea maygudu eareat.”

GIING'EETA 48:4

ak gwayeeshean, ‘Ng'ula, gaydagoonyi jeata, ak ghoasaang'ayiichi, ak gaydanung' ahuwa eemeeda saang'a, ak gaydaadaw jeacheengaagu ng'eanyiini ghoah daanyaawa damanda manda muudeanooda.’

1 SUGOODIGA 10:9

Gagasa eakghaambiit NG'UTAMIIDA was ASEATAANG'U, niloanyi ak ghamiindaneey aba uhuuda hoorgeeda eemeeda Israeli! Aba gideaba NG'UTAMIIDA ghabwariiy eemeeda Israeli damanda manda muudeanooda, nea ea niighaambiinyi wasa sugoocheanda, ak hean gimiineadaysi huumeanda ea doobiiwnata.”

2 SUGOODIGA 3:8

Ak ghoanyaashta nea gwayeesha, “Gajealaabwa ana nawa?” Ghwasha nea gwayeesha, “Naweeda dareapcheeda Edomu.”

ISAYA 43:4

Aba gideaba ghaabwariinyeey aba madeeda gheanyangeasu, nea geagoonyi mureeda ak ghaabwariinyeey, asi gaydanung'waada buuneeda suurja aba gideaba danyaseagwa, ak ghaanung'waadi eemoojiga suurja aba badayda eaweegeagwa.

ISAYA 63:1

Siisi leabu Edomuun ng'eaha gil, nea gaba hang'weaka mideawa foojeanda nea gwaleabu Bosra? Nea gwandeawa hang'weaka ghaambiidaat, ak ghabeawa uurdaanyi, “aniini gearugu aba doobiiwnata, nea geawooschi daruus aba weeta.”

YEREMIYA 2:31

Asi agooga, Ea seaygoojiga, ooleaydit ng'asheanda NG'UTAMIIDA. Heapi aniini naahuuyi dareapcheeda aba heeda fuga Israeli, ghana ng'eanyiida mideawa misaneeda duw? Ghwasaan anda fugeasu gwayi ‘Aseasa meawasi radanga, maygudu eebiikna gicha headaang'u’?

YEREMIYA 2:5

Gwayi NG'UTAMIIDA: “Ghweanigeagwa ghwadaah munyinda naaha aba heedeanyu bwak ea ghang'amwa heedeanyuun? ak ghwaat geeshta haleanjeeda marachi gil, ak hean eara saawa ghoah fuga marachi gil

YEREMIYA 31:3

Ghayi gabusean NG'UTAMIIDA ak gwayi, asi naabwariinyeeyi aba bariinyeega manda muudeanooda, ak gaydandeawa doobiiwnata aba headaang'u.

AMOSI 1:11

Asi gwayi NG'UTAMIIDA: “Fuga Edomu nisin riing'eeda gicha, ak aba sareani gaydalas saawa. Aba gideaba ghwaat geeshta orjeeda ghaamwat aba ng'uta, nea gwajakta baydeayda sean, ak ghabwaashaada nyarastaanyi, ak ghwanyareas damanda manda muudeanooda.

MALAKI 2:17

Ang'iing'i niibuuri NG'UTAMIIDA aba ng'asheagaagu. Ak gooyeenyi, “Neada aseasa geepuurdiin niny?” Iisiyeenyi, “Siida sina ng'asheega munyas aamiy aba madeeda gheanyanga NG'UTAMIIDA, ak ghabwariiy.” Ghana ghoanyaashta gideaba, “Gwanda yeenu ASEETA doabiiwaat?”

Lukka 10:29

Hean gagasa ghoahiimda doobiiwnataanyi ak gwayeesha Yesu, “Neada giischeewoocheandeanyu ea ng'eaha?”

Yohaana 15:12

“Nih digheandeanyu gil, ak goobariinyiidi geat gidabwariiydaneegwa aniini.

GIIPKEATA DIIGHEANDA 10:15

nea NG'UTAMIIDA gurooroadaanyi ghabwariiy ghweanigaagu ak ghaghwal jeacheenga iing'ata saawa, ea agooga ghoanaawi eemoojiga sean, gawuurji gideaba ghamneawa.

GIIPKEATA DIIGHEANDA 23:5

Eara gwasa ghanyea maygooleeysiit NG'UTAMIIDA was ASEATAANG'U Balaamu, ak ghwayam NG'UTAMIIDA was ASEATAANG'U mooshteayda ghoah ghawooda aba headaang'u, aba gideaba NG'UTAMIIDA was ASEATAANG'U ghaabwariinyi.

GIIPKEATA DIIGHEANDA 33:3

Aba huumwa ghabwariiy fugaaschi; fugaaschi ghaydidi sean gwanda geatingaaschi; nea gweadu geashtaang'u ak gaygaba nih ang'waay ng'asheega leabu headaang'u,

GIIPKEATA DIIGHEANDA 4:37

Aba gideaba ghayi ghabwariiy ghweanigeagwa ama ng'ata ghaghwal eara jeacheenga nyaawa, ak hean gooruuteaweegwa ng'eanyiida Misri niny gicha aba uurdaanyi haw,