Lukka 4:1 - Bibliyeeda Ghaydit

¹ Iimuchu nea ninyas Yesu Guroorooda Ghaydit, gabiikna Yordani ak ghoadoabiiw Guroorooda

NEAJEEDA EESH BEA BUUNEESSEAN

¹ Iimuchchu nea ninyas Yeesu Gurorooda Ghaydit, gabiikna Yordaan ak ghoadoabiiw Gurorooda

Lukka 4:1 Mawu Ofanana

1 SUGOODIGA 18:12

Ak ghamneawa iyaang'ami headaang'u, guroorooda NG'UTAMIIDA gaygoogealnyi heeda mwaanali; ak inyas geawi heeda Ahabu ak ea mwanyasa heeda indi abeeda gaygwanuusan, nea aniineeda was siidaang'u bea gadiyeeda geawalayi gheang'da NG'UTAMIIDA gidang'eada jeepcheanduumeedeanyu.

1 SUGOODIGA 19:4

Ak gawa niny beata askwearjeanda asagi weah jeeda dareapcheeda, ghwaan ak goopteada aba guumda geeta ak gamus miyeeda nea gwayi, “Nideay, ghamneawa, Ea NG'UTAMIIDA, geanda eaweegeasu; aba gideaba aniini meawoosi doabiiwaat ea dang'al ghweanigeasu.”

ISAYA 61:1

Guroorooda NG'UTAMIIDA was ASEETA gwanda badaydeanyu, aba gideaba NG'UTAMIIDA nimwaaran dawa darukwiisa fuga garbapi giijasta miy, ak goojeaknean daahaap gea nibur gurooruunatka nyaawa, nea gearukwiisi fuga mida ghealooniga siksiinda nyaawa, nea fuga ng'uta ghwanyas giibaldeaba geat.

ESEKIELI 3:14

Hean gagatgadan guroorooda googealan humng'eeda, ak ghwaadan ea goosheagiidan. Ak geawi nea geasawani nea geabea nyarasta ng'waan aba jeedeanyu. Abeeda geatinda NG'UTAMIIDA gwandeawa uurda aba heedeanyu.

Mattayo 3:16

Ng'ata giibaatiisanda Yesu, nea gwascheeng'na jeeda beega; hean ng'ula ghwajaada bugusta humng'eeda ak ghwadaah Guroorooda ASEETA nea gwashuubeanda ghariibajeanda, ak goobissa uhuudaanyi;

Lukka 2:27

Ak ghwaat Guroorooda Ghaydit gawa jeeda gheeda sibata ASEETA; nea ghwaat ghwaan ea ghaamwat Yesu jeeda gheeda nea geehinda giduurji ng'asheega deaweeda,

Lukka 3:3

Hean ghang'eat gawa ng'eanyiisean neaweesa Yordani, nea gwarukwiida giibaatiisanda samsiinda riing'eega.

Lukka 3:38

Genani gaba Enoshi, Enoshi gaba Seti, Seti gaba Adamu, Adamu gaba ASEETA.

Lukka 4:14

Iidu gabiigu Yesu aba uurda Guroorooda ak gawa Galilaya, ak gageawiit iitaanyi aba darooraka sean neeki.

Lukka 4:18

“Guroorooda Ng'utamiida gwanda badaydeanyu, aba gideaba nimwaaran dawa darukwiisa fuga barbari Giijasta Miy. Goojeaknean darukusa fuga mida ghealooniga siksiinda nyaawa nea fuga ng'oowi gayghoang'wearda, ak goojeaknean dalealu fuga sighabwas,

Yohaana 1:32

Ng'ata gamuuwu Yohana ng'asheega nea gwayi, “Naadaayi Guroorooda gwashuubeanda ghariibajeanda nea ghoabina humng'eeda ak goobissa uhuudaanyi.

Yohaana 3:34

Aba gideaba siida ghayi ajeagu ASEETA iissa gabaloola ng'asheega ASEETA ak ghoadaw guroorooda nea moodeena;

Gadiyeeda Giijasoodiga 1:2

ea ghwahita eaweeda siyaada humng'eeda, iing'ata nea niidaw diigheanda giijasoodiga ghayi loat aba naweeda Guroorooda Ghaydit.

Gadiyeeda Giijasoodiga 10:38

gidamwaarda ASEETA Yesuheeda Nasareti aba Guroorooda Ghaydit ea uurda; ea gidaneayeata nea gwasin ng'asheega miyaasiin nea ghoahaap buuneesean minighis meang'nyeandeendean, aba gideaba ASEETA gwandeayi sea niny.

Gadiyeeda Giijasoodiga 8:39

Iidu nea gwascheeng'na jeeda beega, ghwanung' Guroorooda Ng'utamiida ghwaroat Filipo; ak ea mudu gabiikta siidida was gulaneedean ghwadaah gicha, ak ghang'eat gawa nea gahoosan.