Lukka 15:4 - Bibliyeeda Ghaydit

⁴ “Nih gajea anasihi aba jeedeang'wa mideawa gisil bughala, ama roat agi ea maygwanung'usa heeda giika was seedam ea damashageashiin, ak gawa dareabeeta gagasa diita roadiin ea ghwanyas?

NEAJEEDA EESH BEA BUUNEESSEAN

⁴ “Nii gajea anasihi aba jeedeang'wa mideawa gisil bughala, ama roat agi ea maygwanung'usa heeda giikka was seedaam adamwashshageashiin, ak gawa dareabeetta gagasa diitta roadiin ea ghwanyas?”

Lukka 15:4 Mawu Ofanana

NYIIGHEEGA 119:176

Ak ea neaneayeati gisilleanda roat; gasa siidaang'u bea gadiyeeda; aba gideaba mii gwaroosean diigheanyeakaagu.

ISAYA 53:6

Aseasa geewuurjeewi gisilga ak ea siroodayi; gaba siisi aat naweadaanyi nea gabwageaw; ak ea niyiin NG'UTAMIIDA badaydaanyi munyasnacheakaasa sean.

YEREMIYA 33:13

Aba jeeda mujiinajeega heayeeniga, ea jeeda mujiinajeega mooheeda ea jeeda mujiinajeega Negebu, ea jeeda ng'eanyiida Benjamini, ea heeda neekeewa Yerusalemu, ea jeeda mujiinajeega Yuda gaygwasik gicha gisilga hing'eadayda geatingaaschi nea gwayiida saawa; gwarugu NG'UTAMIIDA.

YEREMIYA 50:6

“Buuneedeanyu niiw gisilga saawa googeal iheenga giijeega; ak ghabeawa giijeeda ea ghwahita heayeeda, ak ea niroosa hilgweanda nyaawa fuufa.

ESEKIELI 34:16

Ak gaydawa dagasa gea rooda, nea geadeelu gea ghayi sihoan, gaydarada gea giishachi, ak gaydanung' gamajeegiidi gea miyeani, nea gea riisheadi ea gea mideawa uurjeenga gaydadatas, ak gaydaahaaghwiita gida haguuw.

ESEKIELI 34:31

Ak agooga gisilgeasu, gisilga haghweedeanyu, goowooschi fugeasu, ak aniini geawooschi ASEETEANG'WA, gwarugu NG'UTAMIIDA was ASEETA.”

ESEKIELI 34:4

Gea miyeani miyootawa uurjeenga nea miyoohaabwa gea miyeani, nea mii arada gea giishachi, nea miyookghuumni gea sihoan, nea mii agasa gea sihoan, geaghus gideaba goombaliischi aba uurda ea ng'weaninda.

ESEKIELI 34:8

Aba gideabideati, gwarugu NG'UTAMIIDA was ASEETA, aba gideaba gisilgeasu ghayi easanga, nea gisilgeasu ghoah hamita diyeanga dareabeeta aba gideaba manda jeagiischoocheanda nea eara jeagiischoodigeasu, ea mii gaweay gagasa gisilgeasu. Ak jeagiischoodiga ghoarear geat nea gabwageat, nea moahaaghwa gisilgeasu.

Mattayo 12:11

Gwayeesha saawa, “Aba jeedeang'wa gajea ng'eaha jea gang'adeesa gisilleandaanyi jeeda shoomanda eaweeda Sabaato jea ea maygwalealu?

Lukka 13:15

Hean ghwasha Ng'utamiida nea gwayeesha, “Fuga amiitu geat! Aba agooga gwanda siida maygwajeassa heeydaanyi ghana digeadaanyi aba seamooda, eaweeda Sabaato ak gawa ghoaleayda?

Lukka 15:3

Hean gwarukusa galeega nea gwayeesha,

Lukka 19:10

Aba gideaba Orjeeda siida ghwahidu gagasa nea gwalealu diita roadiin.”

Ruumi 2:1

Asi moondeawani samsiinda, ea siida, neada guwoosi ng'eaha, iirgweaksi siinuut, aba inyas giirgweaksi siida ada abeeda giirgweaksi geaw ang'iing'i, aba gideaba ang'iing'eeda argweaksa siida, gisini ng'asheanda uurji diita.

1 Betro 2:25

Aba gideaba ghayi noorootiidi gisilga, ak ghamneawa ea noobiiksi Jeagiischoocheanda was dea fur gurooruunatkeagwa.