Lukka 12:4 - Bibliyeeda Ghaydit

⁴ “Fuga eaduupcheewi, geayeenyi adoawali fiisu ammu gwanuus saseedean, ama ng'ata ea manda gil nuut ammu gwasiniin.

NEAJEEDA EESH BEA BUUNEESSEAN

⁴ “Fuga eaduupcheewi, geayeennyi adoawwalli fiisu ammu gwanuus saseedean, ama ng'atta ea manda gil nuut ammu gwasiniin.

Lukka 12:4 Mawu Ofanana

GHWASIILDEANGA 29:25

Gheawalmeeda buuneeda gaygweadu ghasooda, nea siida ghus NG'UTAMIIDA gaygaba seayu.

SARMEEDA SULEMANI 5:1

Geawi jeeda boostaaneedeanyu, ng'wasaneedeanyu, ea huda eanyearayi, geaptu geedigeasu ng'andidi, ghaayaaji bearga maleedeanyu ea maleedeanyu, ghaaleayi difaayeedeanyu ea eanoogeasu. Ayeagiischeena, ea fugeasu eaduupcheewi, ak gooleeshi aleaha muuchi fugeasu aabwariinyi.

SARMEEDA SULEMANI 5:16

Ghuutaanyi ghwanyiit ng'asheega miyaas, aba huumwa aamiy muuchi. Nih ng'wasaneedeanyu aabwariinyi, ak nih ea ng'wasaneedeanyu eaduupcheewi, Ea haweega Israeli.

ISAYA 41:8

Ak ang'iing'i, Israeli, siideanyu bea gadiyeeda, Yakobo dea ghayi aaloachi, was jeata Abrahamu, siideanyu eaduupcheewi.

YEREMIYA 1:17

Ak ang'iing'i giradi leabadayeeka geakaagu, ak ging'eadi ak girukusi saawa ng'asheega sean earukuneey. Adiidu gibeali aba madeeda nyaawa, adiidu ghaanung' giyooniida aba madeeda nyaawa.

YEREMIYA 1:8

Asi adiidu gibeali, aba gideaba geendeayi nea gaydaweanyi, gwarugu NG'UTAMIIDA.”

YEREMIYA 41:18

aba badayda fuga Galdayo; ghoawal saawa, aba gideaba Shumwaheeli orjeeda Netaniya nibwar Gedaliya was orjeeda Ahikamu, was dea iin sugoocheanda Babeli goombal ng'eanyiida.

ESEKIELI 2:6

Ak ang'iing'i siida, adiiwali suh, eara ng'asheega nyaawa. Eara gwaneaweeseey ng'eamga ea halaghweenga, ghana apteadawana badayda udagilba, adiiwali ng'asheega nyaawa, nea adaghoabealnyi gheanyanga nyaawa, aba gideaba fiisu niheawanaan.

Mattayo 10:28

Adoawali fuga ammu gwanuus saseeda ak ea moamu gwanuus guroorooda; ghang'wana giiwali siidida ammu gwanuus saseeda ak gwajaksa guroorooda jeeda maloonghajeega.

Yohaana 15:13

Manda siida mideawa bariinyeega huumwa ea ghwalaabwa hoowa nih, bea gideaba ghoaghaashta siida eaweagaaschi aba badahuuka fuga duupchiin gil.

Gadiyeeda Giijasoodiga 20:24

Ak ea mwanung' ghoah eaweegeasu gil ghana danung' ghoah gidaghaloamwaat, geagasayi ghanyi daahiit gadiyeedeanyu aanyaschi aba heeda Ng'utamiida was Yesu, ak geamuuwu iita giijasta miy bea dagheerjeanduumeeda ASEETA.

Gadiyeeda Giijasoodiga 4:13

Daah saawa meaynata Betaro sea Yohana, ak gwajeeng'u gideaba mii ghoasoamwa, fuga gealaan gil, hean ghahamng'eanyi; ak gwajeeng'u gideaba gwandeaydooschi sea Yesu.

Filippi 1:28

Nea moawali weajoodigeagwa aba ng'asheanda wassean. Aba gideaba aba heanyaawa suh gwadeagooda majeek bea nyariida, nea aba heedeang'wa ea gwadeagooda lealeanoodeang'wa, ea gideaba gwaleabu heeda ASEETA.

Yakkobo 2:23

iidu gwasa ng'ooruutka nea gwayi, “Abrahamu ghayi ghamwas ASEETA, ak geataw niny doobiiwnata”; ak geeguura siituupchi ASEETA.

1 Betro 3:14

Eara gwasa asawanana aba badayda doobiiwnata, gajeegooneegwa ghawooda. Adoawali saawa, nea adaghang'udeagwa muuwda,

Giidaheechta 2:10

Asi adiiwali ng'asheega jea nyasa was sawanadeeda. Ng'ula, meang'nyeandeenda niriikghta gwahisa buuneeda mwaatkwa mida jeedeang'wa ghealooniga, ak abeeda geesimsimeegwa, ak aba jeemba askwearjooji damanamughuush gajanyasa sawanadeeda. Woosa doabiiwaat ea hita miyeeda, ak gaydagoonyi shiipka mideawa eaweega.