Lukka 10:2 - Bibliyeeda Ghaydit

² Gwayeesha saawa, “Booga aasaang'a ak ea ng'ay fuga gadiyeeda, amwaasha Ng'utamiida bea booga goojeakta buuneeda jea ghwalach boagaaschi.

NEAJEEDA EESH BEA BUUNEESSEAN

² Gwayeeshsha saawa, “Booga asaang'a ak ea ng'ay fuga gadiyeeda, amwaasha Ng'uttamiida bea booga goojeakta buuneeda jea ghwalach boagaaschi.

Lukka 10:2 Mawu Ofanana

1 SUGOODIGA 18:22

Hean gwayeesha Eliya buuneeda, “Siipuudan aniini was sibaneeda NG'UTAMIIDA; nea sibanga Baali hita bughalaji ang'wan ea haradam ea damanamughuush.

NYIIGHEEGA 68:11

Ng'utamiida gagu diigheanda; nea gadeemga ghoadayda iita saang'a.

YEREMIYA 3:15

“‘Ak gaydagoonyi jeagiischoodiga gasa gurooroodeanyu, jea ghoahaaghwiidaneegwa fughareeda ea nalooda.

SAKARIYA 11:17

Dashageada jeagiischoocheanda muy nung'wa heeda gisilga. Gidabal geenyarja gheang'daanyi bea geatinda dugwa Ak geatindaanyi gajea nighajaamiit muuchi, nea gheang'daanyi bea geatinda dugwa gajea ning'oawiit.”

SAKARIYA 11:5

fugiga shaah gisilgean gwanuuseada, ak gaweay nea meabwara, ak gwahinda geat gili mandeawana giidiinyeanda, ak gwayi fugiga shaaydaan, ‘Eakghaambiida NG'UTAMIIDA, aba gideaba neabaruurji’; ak eara jeagiischoodiga ea mabwayda saawa.

IITOODA 11:17

Ak gaydararang'aan aniini ak geabalooleey aba hoowa, ak gaydageanda meatkweenagi bea uurda guroorooda ghayi eagoonyeey ak ghaadawji fiisu; ak gayghwasar sareendeaba fiisu sea ang'iing'i ak ea misareani ang'iing'i nea gibwaageaw.

IITOODA 11:29

Ghwalamda Musa ak gwayeesha, “Ang'iing'i gishisean ghaang' aba gadiyeedeanyu; gidabal gwachi ghoah buuneesean bea NG'UTAMIIDA ashoohoodiga, nea ghoadaw NG'UTAMIIDA gurooroadaanyi.”

Mattayo 20:1

“Aba gideaba sugoocheanduumeeda humng'eeda gawuurji siida bea gheeda riteawa sakteayda duw ak gagasa fuga jea ghabwar ng'eanyi aba jeeda madamnyeandaanyi bea sabiibu.

Marko 13:34

Gawuurji Siisi ghayi weah bareanyeeka ak gwaruuda nea ghwanung'wa gheeda fuga gadiyeeda. Nea nigeanu ak gaba siisi adaw gichea gwasin ak gageanu ghwayiin furiischoocheanda jea gafur dooshta nea gwayeesha milmiliida.

Marko 16:15

Hean gabiissa gwayeesha, “Aweayeena ng'eanyiisean ak goorukwiidi Giijasta Miy aba heeda buuneassean.

Marko 16:20

Hean gaweay giinealanga ng'eanyiisean nea gwarukwiida Giijasta Miy. Gwasin Ng'utamiida gadiyeeda sea saawa ak goomajeek Giijasi aba gwadeagooda adeaydooschi saawa.

Lukka 9:1

Hean gaguursa ginealangaaschi atamaniyeenya ak ghoadaw uurda ea gheambalmeeda jea goobala meangeenda sean ea giiheapta geeyoonung'weaka,

Gadiyeeda Giijasoodiga 11:19

Hean fugiga ghayi darda aba sawanadeeda bunu aba badayda Stefanohiin gaweay ea gwasheagiidi ea ghwahita ng'eanyiida Foynike ea Saypras ea Antiyokiya, nea gwarukwiida ng'asheanda aba heeda fuga Yahudi.

Gadiyeeda Giijasoodiga 13:2

Ghayi eaweecha nea ghabwat Ng'utamiida, nea gooluulda geat, hean gwayeesha Guroorooda Ghaydit, “Aloada Barnaba ea Sawli gwasin gadiyeeda eaguursi gwasin.”

Gadiyeeda Giijasoodiga 13:4

Hean iidu ea niijeakta Guroorooda Ghaydit, ghwararang'aada ea ghwahita ng'eanyiida Seleukiya; ak geeng'eada hoowa ak gwading'da maleambooda haw ea ghwahita ng'eanyiida Saypras.

Gadiyeeda Giijasoodiga 20:28

was gea ghayi nung' Guroorooda Ghaydit ahuwa fuga jea ghoahaaghwa, ak goong'ulayi ganiiseeda ASEETA ghayi nyas aba foojeanda Orjeedaanyi bea saseadaanyi.

Gadiyeeda Giijasoodiga 22:21

Ak gwayeeshiinean, ‘Una aba gideaba gaydeajeaktaneey heeda sheagi was ng'eanyiida Eemoojiga’.”

Gadiyeeda Giijasoodiga 8:4

Iidu fugiga dardaawaadiin gaweay gwarukwiida ng'asheanda.

1 Goriinto 12:28

Nea ASEETA ea niloat giijasoodiga madeeda aba jeeda ganiisa, deaba iyeenya sibanga, geaba samwagu ea giinealshoodiga, ea fuga sina ng'asheega deamdeameadi, ea fuga aheabi buuneeda, ea weedanga, ea fuga ambaliischi, ea fuga baloola ghuusiga eemoojiga mwaatkwa.

1 Goriinto 15:10

Iidu aba dagheerjeanduumeeda ASEETA ea naahuuyi gideawuurjeewi bea ghamneawa, nea dagheerjeanduumeadaanyi aba heedeanyu ea maba mwadaagha. Aba meatkweeda niirja ghaaraanyi muuchi aba sinooda gadiyeeda ea dalaabwa hoowa siida wassean aba saawa, nea mii aniini gil, nih gwasin dagheerjeanduumeeda ASEETA mida heedeanyu.

2 Goriinto 6:1

Nea aseasa iisisinyi gadiyeeda sea niny, hean geemuscheegwa gideaba adiidu ghoanyaschi dagheerjeanduumeeda ASEETA mwadaagha.

Filippi 2:21

Saawa gaba siisi ng'ula gidabwariiy, nea mii fugiga bea Yesu Gristohiin.

Filippi 2:25

Geagasayi deajeagu heedeang'wa Epafradito, was orjeediyya, easinuudayeewi gadiyeeda, was shirikarajeanda uurjeewean, nea giijasoocheandeang'wa gil, nea weedaneeda gil aba haleanjeedeanyu eagasayi.

Filippi 2:30

aba gideaba gwaramagu ghami aba gadiyeeda Gristo, nea gwaramagu gabeagu eaweagaaschi ak ghoahiit gadiyeedeang'wa aba heedeanyu.

Golosaayi 1:29

Nea geasawanyi geaw aba nih, nea geamajeekchi aba uurda sinoodeaba gadiyeeni iin jeedeanyuun.

Golosaayi 4:12

Epafraheeda was siida jeedeang'wa was soomjeanda Gristo Yesu, ghoaghadeagwa nea goopkeateegwa galeagasean nea gwasin badiida aba moashtaanyi bea ASEETA, ak ghoamiinaadi nea simwaseagwa aba haleanjeedida gasa ASEETEAN.

1 Desaloniikke 2:9

Ak ghoapkaachi gissiburdi ea gissisawaneati, fuga eaduupcheewi; aba gideaba iissa geegadiiyi eawa ea askweari, ak ea meesawani siida wassean aba jeedeang'wa, nea geerukuneegwa giijasta miy bea ASEETA.

1 Desaloniikke 5:12

Fuga eaduupcheewi, geemuscheegwa gideaba, asisiina mureeda fuga sin gadiyeeda aba jeedeang'wa ak gabiissa gwanda madeedeang'wa aba jeeda Ng'utamiida nea geewoowseegwa,

2 Desaloniikke 3:1

Asi huuydeanda fuga eaduupcheewi, amwaasha ASEETA aba badahuukaasa, ak abeeda gawa ng'asheanda Ng'utamiida mwadi aba hooseaneega, gawuurji giduurji aba heedeang'wa,

1 Dimotteo 4:10

Aba gideaba ghoah gidaghamneawa adeawiideasa ea gidasigadiyeati muuchi aba badaydeaba gili, aba gideaba aseasa geeghuschi ASEETA majeek was lealnoocheanda buuneesean, ghwaraanya gea mwas niny.

2 Dimoteo 4:5

Asi ang'iing'i mideawana gheadeenda aba haleanjeeda sean, milighteaysiina gea munyas sina gadiyeeda rukwiideayda giijasta miy ahiida gadiyeadaang'u nea giidoabiiwi.

Filimoon 1:1

Bawlo siida ghealooniga aba badayda Gristo Yesu, ea Dimoteo orjeeda giyeanya, heeda Filimoniheeda was siideanya sibwariinyi siweecheewi aba gadiyeeda

Ebraniya 3:6

nea Gristo ea doabiiwaat aba jeeda gheeda ASEETA nea gawuurji baleanda. Ak geewooschi gheanyi iisiing'waanyi muuchi gidida sisikteawiin nea geaghwarji gidida sirarjiin.

Giidaheechta 2:1

“Heeda malaykajeanda ganiiseeda Efeso ng'oara, ‘Ng'asheega ninyeeda mideawa miinga asispwa aba geatindaanyi bea dugwa nea gwaneayeewa dageascheeda hoorgaji ispwa bea gheaboonyanga meeng'meeng'i.