gaydahirjeaweada uurda Ashuru aba jeeda ng'eanyiideanyu, ak gaydealeapsa ng'eanyi aba iheenga giijeegeasu; ak gaydageandeawa fugeasu yookeeda sighabwasa saawa, ea sareenda sawanadeeda nyaawa mida gheatkweaka.”
Aniini geanyareeksi fugeasu, ak ghaang'udi ririnnyeanda hearaniischoodeanyu; ak ghaayiinyi saawa geatingaagu, ak ea mii bwayda saawa; nea eara gweargwa giidawi gadiyeeda hang'waay muuchi.
Ak fugiga ghabwasnyi gaydanung' ghwaak banyeega nyaawa ak gaygaboogidi aba gideaba ghwali foojeanyeeka nyaawa gawuurji gililea difaayeeda heeseadi ak fuga sean majeekcheew gayghwanal gideaba aniini NG'UTAMIIDA gil, was lealnoocheandaang'u ea lealuuneey was dea hoauur asagi bea Yakobo.”
Nea ginung'usi heeda NG'UTAMIIDAANG'U ghayi bwanyi, ninyeeda ghayi bwat humng'eeda ak ghwayiin sindeecheeka ng'eanyiida, ak ang'iing'i giiwali galeagasean ea askwearda sean aba nyarastaanyi dea inyeesa ghaghabwasnyi, nea gagasa ghwalas uhuudaang'u ak gwanda yeenu nyarasta dea sawanyi.
Aba gideaba dabita sean bea ng'ucheeda, bea siida aba damanda ng'ucheeda ea hang'weaka sing'uda foojeanda, gajeaghwarda ak ghoah ghweenga jea eayiin jeeda beasta.
Aniini geawooschi NG'UTAMIIDA was ASEATAANG'U, ghayi aruunaneegwa jeeda ng'eanyiida Misri, ak ea moohuuwi soomjooga nyaawa; ak ea neahirjeaweadi geediga yookajeegeagwa ak gooweayi nea ghoadoabiiwji.