ISAYA 9:3 - Bibliyeeda Ghaydit

³ Niihaadi eemoojiga, ak ea ninung' ghwanaawda hooseaneega nyaawa; nea gahoosan aba madeadaang'u gawuurji hooseaneega damanda lajita booga, nea gawuurji fuga hoosana damanda lacha easanga.

ISAYA 9:3 Mawu Ofanana

NEHEMIYA 9:23

Nea eara jeata nyaawa ginung' ghoahaada ea gawuurji miinga humng'eeda, nea ginung' gaweay saawa jeeda ng'eanyiida ghayi irukusi ghweaniga nyaawa gideaba gaygaweay jeeda goombal.

AYUBU 12:23

Inyeesa ghoahaat eemoojiga, ak ghwalas uhuuda, inyeesa ghoadaarda eemoojiga ea gwasheagiit ak ghwanung'wa heeda.

NYIIGHEEGA 107:38

Hean gabadiischeesa ak ghwasaang'ayiit muuchi; ak ea mwanung' ghwasuunya dugwa nyaawa.

NYIIGHEEGA 119:162

Aniini geahoosasi ng'asheandaang'u nea geawuurjeewi siida nyas easanga saang'a.

NYIIGHEEGA 4:7

Ninyiin hooseaneega jeeda gurooroodeanyu, ea ghwanaawa damanda siitawa booga saang'a ea difaayi.

ISAYA 10:26

Ak NG'UTAMIIDA bea lugweega gayghwaduup ghealooda badaydaanyi. Gawuurji gidaghayi bwarda fuga Midiyani aba murdeeda lagheaneeda Orebu, ak bileangidaanyi gaygwanda badayda basooda gawuurji gidaghayi sin aba Misri.

ISAYA 12:1

Ak eaweedida gajeena: “Ea NG'UTAMIIDA, gaydabadiischeeweey, earapeadi ninyareeksean, nyarastaang'u nihawda, ak ea ninung' dahawda.

ISAYA 14:5

NG'UTAMIIDA nihirja bileangida fuga munyas, nihirja bileangida ambaliischeata sugoocheanda,

ISAYA 25:9

Abeeda eaweecheanji gajeeyi, “Nih ASEETEANYA gil ghayi siimuughu; nea gwandeawa uurda jea ghaweadaneasa. Nih NG'UTAMIIDA; ghayi siimuughu gil, eehoosana nea geeng'weelayi aba gideaba nilealneasa.”

ISAYA 26:15

Ak ea niihaadi eemeedeanya, Ea NG'UTAMIIDA, ak ea siikghaambiinyi ak ea niihaadi moonghajeega sean bea ng'eanyiida.

ISAYA 35:10

Ak fuga adaw NG'UTAMIIDA lealeanooda gaygabiigu, gayghapka Sayuni nea gwasarman aba hooseaneega manda muudeanooda, ak gaygwandeawa hooseaneega ea ng'weelooda, ak ea maygwanda gurmeahiida ea shooka.

ISAYA 35:2

Gaygooruudu deakghweeda saang'a nea gahoosan ak gang'weela nea gwasarman. Ak gajeataw giigheambiita uurji diita bea Lebanoniin, gidamiyda giijeeda Garmeli ea moangoachiyda Sharoni. Gayghwadaah buuneeda giigheambiita NG'UTAMIIDA ea hawunda ASEETEANYA.

ISAYA 54:1

“Sarmana ang'iing'eeda uwoosi soonooda, ang'iing'eeda mii jiila; ajuura aba sarmeeda, ajuura ang'iing'eeda mindeawani lajooda! Aba gideaba diibiga diita sinung'wiin aasaang'a ea gaburdeawa diibiga dea sighi gwarugu NG'UTAMIIDA.

ISAYA 55:12

“Aba gideaba gajarita nea goohoosanyi, ak gajeatoabiiweegwa aba hoyyoo; ak gaygwasarmana giijeega ea heayeeniga aba madeedeang'wa nea ghabwar geediga sean bea dareabeeta baneaguuka.

ISAYA 61:10

Gaydahoosan muuchi aba heeda NG'UTAMIIDA saseadeanyu gaygang'weela aba heeda ASEETEANYU, aba gideaba niikwealnean hang'da lealeanooda, ak ea nidukuteawean hang'da doobiiwnata, gawuurji siida geeshi iisissa geaw suulga aba shiipka deakghweeda, nea gawuurji sibeeda sissa geaw haleanjeeda miyaasiin bea suulga.

ISAYA 61:7

Hoorgeeda baspaseegeagwa gajanyasa nibiyeenya, nea gidasifooldaneegwa, gaygahoosan aba heanyaawa. Asi aba ng'eanyiida nyaawa gaygoombal nibiyeenya ak hooseaneega nyaawa gaygaba damanda manda muudeanooda.

ISAYA 65:14

Ng'ula fugeasu bea gadiyeeda gaygwasarman aba hooseaneega guroorooda nea agooga gajooyeawda aba sawanadeeda guroorooda. Gajoochuura aba sawanaduutka gurooruunatkeagwa.

ISAYA 65:18

Asi ahoosana nea goong'weelayi, damanda manda muudeanooda aba haleanjeeni aabwachiin, aba gideaba ng'ula ghaabwachi Yerusalemu ghoah ng'weelooda nea gahoosan fugaaschi.

ISAYA 66:10

“Ahoosana sea Yerusalemu, ang'weela aba badaydaanyi, agoogeeda oabwariinyi; ahoosana sea niny aba hooseaneega, agoogeeda ooyeawdi aba badaydaanyi;

YEREMIYA 31:7

Aba gideaba gwayi NG'UTAMIIDA, “Asarmasiina Yakobo aba hooseaneega, Nea goolaksi nyeashta haw bea hooseaneega eemoojiga, Arukwiida nea ghoatawji giigheambiita, nea gooyeenyi, ‘Ea NG'UTAMIIDA lealni fugaagu Boosteanga Israeli.’

HOSEYA 4:7

Iinyo gooheadiischi, gooheadiischi riing'eeda nyaawa aba badaydeanyu; ak gaydayam giigheambiita nyaawa ghoah baspaseega.

NG'ASHEEGA LAWI 26:13

Aniini geawooschi NG'UTAMIIDA was ASEATAANG'U, ghayi aruunaneegwa jeeda ng'eanyiida Misri, ak ea moohuuwi soomjooga nyaawa; ak ea neahirjeaweadi geediga yookajeegeagwa ak gooweayi nea ghoadoabiiwji.

SAKARIYA 10:8

“Gaydeajuursa saawa, nea ghaabwadi geat, aba gideaba nealealu, ak gayghoahaada gawuurji gidaghayi bea mwadi.

SAKARIYA 2:11

Ak gaygaguuyi eemoojiga saang'a aba heeda NG'UTAMIIDA eaweedida, ak fugiga gajea saang'a; ak gaydeabiida jeenyaawa, ak gajanala gideaba goojeaknean NG'UTAMIIDA bea lugweega doan heedeang'wa.

SAKARIYA 8:23

Gwayi NG'UTAMIIDA bea lugweega, aba damandida fih damanamughuush bea gilinyoo ea iita eemoojiga gil gayghoang'waay weeleeda hang'da fuga Yahudi nea gwayi, ‘Gajeeteayeena sea agooga, aba gideaba ASEETA gwanda heedeang'wa.’”

Lukka 11:22

ak geaghus iiweesa siida burdeawa uurda ak ghabwar ea ghwajoar, abeeda gayghoareat dabitaanyi sean bea ng'ucheeda, ak gwalakiisa fugaaschi.

Gadiyeeda Giijasoodiga 8:8

Hean geehoosan muuchi aba mujiineedida.

Filippi 4:4

Ahoosana aba jeeda Ng'utamiida galeagasean; ak geabiikti dayi, Ahoosana.

1 Betro 1:8

Earapeadi mii adaaha ninyiin ghoabwariinyi; ak earapeadi ghamneawa mii adaaha ninyiin noamwaschi niny ak goohoosanyi aba ng'weelooda ea giigheambiita mwoamu eergu.

FUGA LAJA GIRGWEAGUUTKA 5:3

“Oaleaydiit, Ea sugoodiga; oaleaydiit ea fuga hees; aniini gaydasarmasa NG'UTAMIIDA; gaydaaghaambiit NG'UTAMIIDA was ASEETA Israeli.

FUGA LAJA GIRGWEAGUUTKA 7:22

Hean nea ghaghuut durumbeatajeegiga asagalamnyooji samwaguun, ghwanung' NG'UTAMIIDA ghang'waaniit ng'uta gilinyoo ea siida gil, ghoahaak sih nuut ea shirikareeda sean, ng'ata gwasalda lugooda ea ghwahita Bet-shita, ea gagul Serera, bwak ea ghwahita moonghooda Abeli Mehola, riiksiinyi sea Dabati.

FUGA LAJA GIRGWEAGUUTKA 8:12

Hean gwasalda Seba ea Salmuna; ak ghafwaja geeshanga ea ghoang'waay sugoodiga asiyeenya bea Midiyani, Seba ea Salmuna, ak ghwanung' ghwadarda lugooda sean.

1 SAMWELI 30:16

Iidu nea goodeayi, ging'ulayi, ghwadarda aba badayda ng'eanyiisean, nea gweagiischi nea gwaleeshi nea ghang'was, aba badayda haleanjeeda sean saang'a aas aba ng'eanyiida Filisti ea aba ng'eanyiida Yuda.