ISAYA 8:4 - Bibliyeeda Ghaydit

⁴ aba gideaba damanda miighoamuusa jeebi baloolda, nea gwayi ‘Bwaabwa’ ghana ‘Iya’, abeeda meanang'oocheanduumeeda Dameski ea fuga ng'uta bea Samariya gajeayaat madeeda sugoocheanda Ashuru.”

ISAYA 8:4 Mawu Ofanana

2 SUGOODIGA 15:29

Aba damanda sugoocheanduumeeda Beka sugoocheanda Israeli, hean ghwahidu Diglat-bileseri sugoocheanda Ashuru. Ak ghoang'waay mujiinajeega Iyoni ea Abel-bet-maaka, ea Yanoa, ea Gadeshi, ea Hasori, ea Gileyadi, ea Galilaya ea ng'eanyiisean bea Naftali. Ak goobaleak buuneeda ea ghwahita Ashuru.

2 SUGOODIGA 16:9

Hean gooleeysiit sugoocheanda Ashuru Ahasi ng'ata gwascheeng'sa sugoocheanda Ashuru Dameski ak ghwajoar, ak goobaleak fugaaschi bea ng'uta ea ghoahiita Giri ak gwanuus Resini.

2 SUGOODIGA 17:3

Iidu gwascheeng'u Shalmanesa was sugoocheanda Ashuru ghwahidu ng'ucheeda. Ak ghwanung' ghoah Hosheya siidaanyi bea gadiyeeda, nea goodayiida gwaadi gilakweayda.

ISAYA 17:1

Nih gisiihiimu gil aba badayda Dameski. Ng'ula, Dameski maygut ghoah mujiini, gayghoah raghwata.

ISAYA 17:3

Ak ghamarda gheeda sugoocheanda bea Efraimu gaygoosha, ea sugoocheanduumeeda Dameski; ea boosteanga Ashuru gaygawuurji miyeenooda diibiga Israeli, gwarugu NG'UTAMIIDA bea lugweega.

ISAYA 28:4

Ak miyeenoadaanyi gaygooshealda deakghweeda sis, miyeenooda ambal jeeda moangoachi aba sigeeda miyaas, ak gaygawuurji shaboogheecheanda bean ghwaheas nea mii ghwahita geayda; siida daah gageanu gaptu ak ghwaak

ISAYA 8:5

Ak gwayeeshiinean NG'UTAMIIDA gicha:

AMOSI 1:3

Asi gwayi NG'UTAMIIDA: “Fuga Dameski nisin riing'eeda gicha, nea aba sareani gaydalas saawa. Nisma fuga Gileyadi ng'asheega munyas nea gwasawan.

AMOSI 1:5

Gaydanyarja ghuuta hilgweanda Dameski, ak ghaabwarji fuga bea ng'eanyiida leabu moangoachiyda Afeni, ea ninyeeda ambaliischi aba Bet-edeni; fuga Shaamu gaygamng'awsa ng'eanyiida Giri,” nih ginyah NG'UTAMIIDA gil.

YONA 4:11

Ak aniini ea maydabwayda Ninaawiheeda was mujiineeda haw, mida jeeda fuga naawa sagalamnyooji bughala ea diktam mwanala gida mida meatkweeda geatinda dugwa ghana geatinda ghaadaam, ak gwandeawa eara dugwa saang'a?”

Ruumi 9:11

earapeadi saawa miyeejiin ak ea miigwasin ng'asheanda miy ghana dea muy, ak abeeda gidida gasa ASEETA aba lootean abeeda geesin, nea mii aba gadiyeeda gil geaghus aba gidaguurdeayda, ak geeyeesha,

GIIPKEATA DIIGHEANDA 1:39

Iidu diibiga giyeang'wa manang'i ooyeenyi gayghoah giing'oonyanga, ea diibigeagwa, gea ghamneawa mwanala gida miiy ea dea muy gayghwahita hoowa, ak gaydaadaw saawa, ak gaygoombal.