ISAYA 8:22 - Bibliyeeda Ghaydit

²² ama ng'ata gajeeng'ula ng'eanyiida, ak ging'ulayi sawanadeeda ea misaneeda, ak ea manda ng'weelooda aba sawanadeeda, ak gajeahoan gaweay jeeda misaneeda haw.

ISAYA 8:22 Mawu Ofanana

ISAYA 5:30

Ak saawa gayghoamuum eaweedida gawuurji gidajuurda basooda. Ak siida inyas gang'ula ng'eanyiida gayghwadaah duwunda ea sawanadeeda; ak weeshinda ea sinung' gwatuudu aba jeeda shamooghuutkaaschi.

Mattayo 22:13

Gwayeesha Sugoocheanda fuga gadiyeeda, ‘Arada geatinga ea geeshanga, ak ghoayaachi ak goojaksi jeeda misaneeda jarooda, aba hoowa gaygooyeawda nea goowiiri geeshatka aba sawanadeeda.’

Mattayo 8:12

amadu orjooga sugoocheanduumeeda gajeehisa jeeda misaneeda jarooda; heeda jea gwanda shooka ea giiwiirooda geeshatka.”

YEREMIYA 13:16

Oatawa giigheambiita NG'UTAMIIDA was ASEETEANG'WA heeda mii gwaruusa geeshangeagwa aba iheenga giijeega mideawa misaneeda damanda duu agaseewana weeshinda ghwayam ghoah duwunda ng'eanyiida ea misaneeda duu.

Yuuda 1:13

laweajajeega hees bea basooda, jakiisa humng'eeda furghooda aba baspaseega nyaawa; miinga neay nea heeda hiing'aada gwanda misaneeda haw siitiiw ea ghwahita damanda manda muudeanooda.

GHWASIILDEANGA 14:32

Siida muy seara gajealas uhuuda aba sinaweagaaschi munyas, ak siida doabiiwaat gaygaba seayu aba doobiiwnataanyi.

AYUBU 18:18

Gajeehoana heeda weeshinda ea gawa jeeda misaneeda, ak gajeehoan gwariteawa jeeda ng'eanyiida.

Mattayo 24:29

“Iimuchu nea ning'ata sawanadeedida bea askwearjoojigigeaniin, gajeenung' gamisaniit gheang'da aseeta, nea sheeda ea maygooboong'u, nea miinga mida humng'eeda gaygoobitu, nea uurda humng'eeda gajeetuumduum;

YEREMIYA 23:12

Naweadinga nyaawa gayghoaw heeda adareashi fih aba jeeda misaneeda, heeda jea ghwadarasha ak goobeedeayi; aba gideaba gwayi NG'UTAMIIDA, saawa gaydeasa nyariida, aba jeeda gweayda jea deargweaksa. Gwarugu NG'UTAMIIDA.

ISAYA 9:1

Nea diita mida jeeda sawanadeedean, gaygahoosan. Aba mwadi gawa jeeda ng'eanyiida fuga Sabuloni ea ng'eanyiida fuga Naftali, nea abeeda geefooli nea aba huuydeanda ghwanyas giigheambiita, aba murdeeda basooda bea giigheawda Yordani was Galilayeeda eemoojiga.

ISAYA 8:20

Aba giinealshooda ea muuwuunooda! Nea aba huumwa ng'asheanji ruguun ea manda muudeanooda.

Giidaheechta 16:10

Goohiisa malaykajeandida bea muudiin gweeriidaanyi badayda hoorgeeda gheambalmeedeaba diyeaydida, ak geenung' gamisaniit sugoocheanduumeadaanyi; hean ghwanyeanyea buuneeda ng'ushapkeaka nyaawa aba siilalga

ISAYA 9:20

Ghoareat meatkweenagi bea geatinda dugwa, ak ea madeayi, ak ghwaak meatkweenagi bea geatinda ghaadaam ak ea malang'u; gaba nih ng'uchi sea orjeeda ghaamwat.

ISAYA 30:6

Ginyah ASEETA aba badayda diyeanga mida meatkweeda Negebu, was jeeda ng'eanyiida mida sawanadeeda ea giiseaneega, aba hoowa gwanda ng'adiida ea soorearda, ea ichibooda ea ichibooda ng'eetiida, haleanjeeda nyaawa ghwasar digeeniga, nea haleanjeeda nyaawa adiiwi ghwasar ngamiyajeega aba badahuuka nyaawa, inyeesa gaweay heeda buuneeda maygwaloosa gil saawa.

ISAYA 50:11

Ak agoogeeda ooyeachi beasta, nea goosisi geat dabita ng'ucheeda bea gheaboonyanga. Asi aweayeena aba gheaboong'nyeandeaba beasi, ng'ushapta beasta oayeachi agooga nea goobea geat! Gichea anyasa aba heeda NG'UTAMIIDA nih gil, gajaweayeena ruweanga aba sawanadeeda haw.

ISAYA 59:9

Aba badaydeaba nih girgweageeda doabiiwaat ea sheageewaneasa, nea eara doobiiwnata ea maygwahiseasa; gwachi geararji weeshinda ak ghamneawa gwardu misaneeda, geerarji heedeesh, ghamneawa geeweayi jeeda misaneeda haw.

RITEAYDA 10:21

Ghwalamda NG'UTAMIIDA ak gwayeesha Musa, “Miinda geatindaang'u ageala humng'eeda, ak gaygamisaniit ng'eanyiida Misri, bwaak ea mudea daah gil.”

RITEAYDA 10:22

Hean ghamiinda Musa geatindaanyi nea googeal humng'eeda, ak gwardu misaneeda duu aba ng'eanyiisean bea Misri eawooji samwagu,

ISAYA 50:3

Aniini ghaanung' gwatuudu humng'eeda, nea geakwealsi hang'da heareega.”

ISAYA 60:2

Aba gideaba ng'ula, gaygwadukuta ng'eanyiida misaneeda, nea gwadukuta misaneeda haw buuneeda; nea NG'UTAMIIDA gayghoabwaanyi, ak giigheambiitaanyi gajeadaah aba headaang'u.