ISAYA 7:9 - Bibliyeeda Ghaydit

⁹ Ak Efraimu goombal Samariya, nea Samariya goombal orjeeda Remaliya. Inyas ea moamwasi, aba huumwa mwajanyasa majeeknata.’”

ISAYA 7:9 Mawu Ofanana

2 SUGOODIGA 15:27

Gweaydeaba haradam ea damaniyeenya bea sugoocheanduumeeda Usiya was sugoocheanda Yuda. Hean ghoang'eat Beka was orjeeda Remaliya sugoocheanduumeeda Israeli mida Samariya, ak ghwaak gweanyeew diktam.

2 DAMANYOOJIGA 20:20

Iing'ata ghang'eatng'eat sakteayda ak gwarita gaweay jeeda dareapcheeda Dekowa; nea iinea gwarita ghamiinaada Yehoshafati ak gwayeesha, “Ooleeysiinean iita ea fuga Yuda sea fuga abiita Yerusalemu! Asisiina masaweega NG'UTAMIIDA was ASEETEANG'WA, ak abeeda gajanyasa uurjeenga; asisiina masaweega sibangaaschi ak abeeda gajanyagaada.”

ISAYA 28:1

Dashageada fuga ghwarjeeda ea gea boogideadi bea Efraimu, miyeenoadaanyi gaygooshealda deakghweeda sis, miyeenooda mida jeeda moangoachi mida sigeeda miyaas, nea iheengeaba fugiga ea joara difaayiin!

ISAYA 5:24

Asi gaygawuurji ng'ushapta beasta inyeesa ghwaak mbarariida gajeami, ea nyeega gajeami abissa jeeda beasta, ak eara hawunga nyaawa gajea munyas, nea eara deakghweeda nyaawa gayghwaraghwaata jeameeda gawuurji birjeanda; aba gideaba ghaheawa deaweedeeda NG'UTAMIIDA lugweega, nea gafool ng'asheandaanyi dea Ghaydit bea Israeli.

ISAYA 7:10

Ng'ata goobalool NG'UTAMIIDA Ahasi gicha ak gwayeesha,

ISAYA 7:4

Ak giyeeshi niny, ‘Asi aleaydiit, siinda nea adibeali, ak ea adaghami gurooroadaang'u aba nyarasta Resini was sugoocheanda Shaamu ea orjeeda Remaliya, aba gideaba suh asiyeenyean gawuurji aroosta ghweenga nimis beasta.

ISAYA 8:4

aba gideaba damanda miighoamuusa jeebi baloolda, nea gwayi ‘Bwaabwa’ ghana ‘Iya’, abeeda meanang'oocheanduumeeda Dameski ea fuga ng'uta bea Samariya gajeayaat madeeda sugoocheanda Ashuru.”

ISAYA 9:9

Ak gayghwanal buuneesean, fuga dooshta Efraimu ea gea abiita Samariya, ea gea inyeesa gabalool aba ghwarjeeda nea ghaghwar geat.

YEREMIYA 43:2

nea Asariya orjeeda Hoshaya ea Yohanani orjeeda Gareya sea fuga sean bea ghwarjeeda gabalool ak gwayeesha Yeremiya, “Ang'iing'i ginabayi ng'uyeega. NG'UTAMIIDA was ASEETEANYA meajeakneey rukuni gideaba ‘Adooweayi ng'eanyiida Misri oopiidana’;

MIKA 1:5

Suh seaniin gweagu giidiiyda Yakobo ea riing'eega gheeh Israeli. Giidiinyeanda Yakobo naaha? Neada ea mii Samariyahi? Ak riing'eega gheeh Yuda ea naaha? Neada ea mii Yerusalemu?

Gadiyeeda Giijasoodiga 27:11

Ak gooleeysiit shirikarajeandida muuchi siida mwanmwan maleambooda ea siida bea maleambooda, nea maduupa ng'asheega gwachi rugu Bawlo.

Gadiyeeda Giijasoodiga 27:25

Asi adoabeali, aniini geandeawi masaweega aba heeda ASEETA ak gaygwasa girukunean.

Ruumi 11:20

Asi huumwa. Gealach aba nyoota masaweega nyaawa, nea gimiinaadi aba masaweega. Adighwari geaw, ghang'wana gibeali.

Ebraniya 11:6

Nea iimanda masaweega ahang'waay gideaba gajahoosana niny. Aba gideaba siida wassean jea gwaneekiisa ASEETA gagasa ghwanal gideaba niny gwanda ak goomeari fugiga gaseadayi ninyiin.

1 Yohaana 5:10

Siida mwas Orjeeda ASEETA gwandeawa muuwuunoadaanyi aba jeadaanyi. Nea dea mamwasa ASEETA ghwanung' gaba ng'uya, aba gideaba mamwasa muuwuunooda ASEETA aba badayda Orjeedaanyi.