ISAYA 7:3 - Bibliyeeda Ghaydit

³ Ak gwayeesha NG'UTAMIIDA Isaya, “Una roonyeewana Ahasi, ang'iing'i ea Shear-yashubu was orjeedang'u, aba muudeanooda mapariida beega dabascheanda mida heetiyeada, mida naweeda bareanda was heeda siihuuna hang'weaka.

ISAYA 7:3 Mawu Ofanana

2 SUGOODIGA 16:1

Gweaydeaba damanispwa bea sugoocheanduumeeda Beka orjeeda Remaliya. Hean ghoang'eat sugoocheanduumeeda Yuda Ahasi was orjeeda Yotam.

2 SUGOODIGA 18:17

Iidu goojeakta sugoocheanda Ashuru shirikarajeanda haw ea siida haw ambal fuga sigul, ea shirikarajeanda haw ambal lugooda, ea lugoosaang'a. Ak ghang'eada Lakishi ak gaweay ea ghwahita Yerusalemu heeda Hesekiya was sugoocheanda. Hean geascheang'da ea eahita Yerusalemu. Nea geahita, geeweay ak geamiinaada nea neekeewa dabascheanda beega, mida naweeda bareanda gal heeda siihuuna hang'weaka.

2 SUGOODIGA 20:20

Asi ng'asheega sean sin Hesekiya, ea meaynataanyi sean, ea gidaghayi deesta dabascheanda ea mapariida ak ghwanung' ghapka beega jeeda mujiini, heapi miyeeng'oorsa heeda gitaabooda damanyoojiga bea sugoodiga Yuda?

NEHEMIYA 3:16

Iing'ata niny ak Nehemiyeeda was orjeeda Asbuki, ahaaghwa ng'eanyiida Bet-suri, meatkweenagi agweena iyeenya, ak ghwadeas meatkweeda gal bung'eadinga Dawdi, ea ghwahita dabascheanda ghayi sisin ea gawa gheeda fuga meanyi.

RITEAYDA 7:15

Una heeda Farao sakteayda, damanda miighwahidu eenda ak giimuughu niny aba ghuuta ghealooda, nea giing'waanyi bileangidaang'u ghayi yamwa ghoah ichibooda.

ISAYA 10:21

Ak boosteanga boos gaba gheeh Yakobo abeeda gaygabiiksa ASEETA hoauur.

ISAYA 22:10

Gooyiidayi gealga mida mujiineeda Yerusalemu, ama ng'ata goonyarji gealga mwaatkwa aba gideaba ghwanyagaan lagheanga jea eadeasa ghamarda.

ISAYA 22:11

Agooga goodeeksi bugusta ghamarda dabascheanda jea goobiita beega; inyeesa gagulna beega dabascheanda waas. Ak agooga ea mooduupeeni gil ninyeeda sin ng'asheesuun, nea mooduupeeni gil ninyeeda ghayi sin ng'asheesuun.

ISAYA 36:2

Hean goojeakta sugoocheanda Ashuru shirikarajeanda haw, ghang'eada Lakishi ea ghwahita Yerusalemu, heeda Hesekiya nea goodeayi lugooda saang'a. Ak ghamiinaada aba ghuuta mapariida dabascheanda mida heeda diyeada, mida ghuuta naweeda bareanda gal heeda siihuuniisa hang'weaka.

ISAYA 55:7

fuga munyas danung'i naweadinga nyaawa munyas, fuga munyas danung'waada giiteemshooda nyaawa munyas dabiksiina NG'UTAMIIDA, ak gayghabwayda, ak gaweesa ASEETEANYA ak gaygwasamsa.

ISAYA 6:13

Earapeadi boos akaleala aba jeeda gea atamanamughuush, gajeaghwarda gicha, gawuurji loongeanda ea sabiida, siipuut hawunyeandaanyi earapeadi silach.” Ak histeayda ghaydit ea hawunyeandaanyi gil.

YEREMIYA 22:1

Ng'ata gwayi NG'UTAMIIDA: “Rarang'eesiina gheeda sugoocheanda Yuda ak giyeeshi;

Ruumi 9:27

Eara Isaya ghwanya ghuuta aba badayda Israeli nea gwayi: “Nea mooneeda Israeli earapeadi saang'a ea gwadeena iseaskweanda basooda, eang'ay gea jea eelealu;