ISAYA 66:3 - Bibliyeeda Ghaydit

³ “Fiisu gwasinda ng'asheega gidagasiida saawa, gagoonan lukghumeeda deeda, nea aba hich gwanuus buuneeda ak ghaghadoawanda; inyeesa gagoonan haleanjeeda sisapa geadi bea ghadooweeda was dayeenda gisilleanda, nea gwahirja gheata gudeeda; inyeesa gweanean haleanjeeda sisapa geadi bea ghadooweeda was booga, ea foojeanda bicheanda, inyeesa ghaghwarda geeta ng'andit aba madeedeanyu ak gaweay ghabwat sanaamu. Ak suh ea niloat naweeda nyaawa nea gabwageat, nea aba jeesinga nyaawa gahoosassa munyasnacheeka nyaawa.

ISAYA 66:3 Mawu Ofanana

GHWASIILDEANGA 15:8

NG'UTAMIIDA ghwasit lukghumeeda siida muy seara, ak gahoosan iimwaash ASEETA siida doabiiwaat.

GHWASIILDEANGA 21:27

Ng'utamiida ghwasit lukghumeeda siida muy seara, mayghwaraanya muuchi iyadayda nea gabada gea munyas.

ISAYA 44:19

Ak ea manda siida ateemsheesa ng'asheanji ghana dea mideawa fughareeda, ak gooteemshi nea gwayi, “Gidagween iyeenya bea geedi ak geasinyi mukaate aba badayda ghuurga ghaaghwari beasta ak ghaabeashi banyeega ak ghaayaaji. Heapi dea abit gaydasin sanaamu sibada mwahida, ak ghaaghadoawanyi?”

ISAYA 53:6

Aseasa geewuurjeewi gisilga ak ea siroodayi; gaba siisi aat naweadaanyi nea gabwageaw; ak ea niyiin NG'UTAMIIDA badaydaanyi munyasnacheakaasa sean.

ISAYA 57:17

Aba badayda ng'asheagaaschi munyas bea geawunda gheang'daanyi, ghaanyareaschi, ak ghaalaschi, ak ghaafunyi gheamamdeanyu ak ghaanyareaschi; ak gawa mwadi aba hang'ooynata uhuuda nea ghwaat naweeda gurooroadaanyi nea gabwageaw.

ISAYA 65:12

Aniini gaydasajeagwa eabwareagwa aba ng'uta, gajeabwareagwa oogasean, aba gideaba iyeaguurneegwa ea moonyearri, iyeabalooli ea moayiinyi, aba gideaba goosinyi gea munyas aba madeedeanyu, ak ghoaloachi ng'asheega meagassi.”

ISAYA 65:2

Geahiimsi geatingeasu askwearda sean fuga mideawa heeheeweega, fuga weelweela jeeda naweeda mwadoabiiwa, nea ghwaat geeshta fughareenga nyaawa.

ISAYA 66:17

Gwayi NG'UTAMIIDA, “Gwanda fuga amiitu geat nea goohuushi aba gideaba gaygaweay jeeda boostaani heeda sibata aseecheeka, hean ghoaream nea gwanda bugusta nyaawa ashoohoocheanda. Fiisu inyeesa ghwaak banyeega ukurmeeda, ea murjeanga ea hamichoojiga suuk meeyeaka. Aba huumwa fiisu gaygoosha sean.

YEREMIYA 6:20

Gaygwarachi naaha hideeda ooyeani ng'eanyiida Sheba, ghana geediga ng'andidi leabu ng'eanyiida sheagi? Haleanjeadaang'u sisabwa geadi sigwariida majeamwas Eara lukghumajeagaagu meahoosanan

NG'ASHEEGA LAWI 2:2

ak gweadu heeda orjooga Haruni was ashoohoodiga. Ak gayghoanyiit geatinda booga miyaasiin ea nagheeda, ea hideadaanyi sean; ak gayghaghwarda ashoohoocheanda haleanjeeni ghoah giipkeasiinda aba heeda wagiida, haleanjeeda sisabwa geadi sighwarda, was shearooda ng'andit aba heeda NG'UTAMIIDA.

HAGAYI 2:14

Hean gwayeesha Hagayi, “Asi gwasunu eara aba fiisu, ea aba heedeaba eemeeni mida madeedeanyuun, gwarugu NG'UTAMIIDA; ak gwasunu eara gadiyoojiga geatinga nyaawa; nea haleanjeeda adayda aba hoowa gaba ririnnyaan.

GIIPKEATA DIIGHEANDA 14:8

Eara ukurmeeda, aba gideaba niny budilgaaschi geabwaash niba iyeenya nea ea moodeeluuna nyoodeeda, eara niny eamuy aba heedeang'wa. Adiidu ghoayaaji banyeagaaschi, nea eara mustaanyi ea adiidu ghoawaaschi.

GIIPKEATA DIIGHEANDA 23:18

Adiyeadu haleanjeeda nyas siida hiseada, ghana gidasiitaw gudeeda gadiiyi ak giyeadu jeeda gheeda NG'UTAMIIDA was ASEATAANG'U aba gidawas radanyeanda wassean; aba gideaba ng'asheesu duwaawiin ea munyas aba heeda NG'UTAMIIDA was ASEATAANG'U.

FUGA LAJA GIRGWEAGUUTKA 10:14

Aweayeena ak gooyeawusi aseecheeka ghayi oaghwali, ak ghwanung' gwalealneegwa damanda sawanaduutkeagwa.”

FUGA LAJA GIRGWEAGUUTKA 21:25

Damandida abeeda manda sugoocheanda aba Israeli gaba siisi sin gilinyoo ghwadaah gideaba ghwadoabiiw aba madeadaanyi nea gaba geaw.

FUGA LAJA GIRGWEAGUUTKA 5:8

Damanda sighwal aseecheeka gudea eashish, nea abeeda gwanda ghuuta dooshta ng'ucheeda. Igeambooda ea ng'uta geedeaksa heeda fuga nyiit sagalamnyooji haradam bea Israeli?