ISAYA 60:4 - Bibliyeeda Ghaydit

⁴ Gatgada gheanyangaagu ak giing'weersi meadajeega sean, ghabwatgeat sean ak ghapka headaang'u, gayghapka orjoagaagu nea gwaleabu deasheagi nea haweagaagu gajeasareena geatinga.

ISAYA 60:4 Mawu Ofanana

ISAYA 42:6

“Aniini geawooschi NG'UTAMIIDA, ak geaguurneey aba doobiiwnata, ak gaydaang'waay geatindaang'u nea ghaahaaghwaneey, nea aba badaydaang'u gaydasin neajeeda sea buuneesean, ak ang'iing'i gayhuuwa gheaboong'nyeanda eemoojiga,

ISAYA 49:18

Gatgada gheanyangaagu ak giing'weardi meadajeega sean, suh seaniin ghabwatgeat ak ghapka headaang'u. Aba gideabideati gwarugu NG'UTAMIIDA aba huumwa gajiina jeedeaba suh seaniin nea aba miyinda ang'iing'i gayrasiina geaw saawa gawuurji sibeeda.

ISAYA 43:6

Gaydayeesha wiilooda ng'eanyiida ghayeawa, siksiina gaweay ak geayeeshi wiilooda ng'eanyiida biyeara, adiighuumu; aghuumni orjoogeasu ghang'eada dea sheagi, ea haweegeasu ghang'eada muudeanooda ng'eanyiida,

Gadiyeeda Giijasoodiga 13:44

Hita eaweeda sabaatoheeda bassa ghabwat geat fugeaba mujiineedida gooleeysiit ng'asheega ASEETA.

Yohaana 4:35

Neada ea mooyeeni agooga, ‘Ghwashoada sheeh ang'wan ak ghwahit, ak gay ghwahidu damanda lajita booga’? Ak geayeeshiineegwa aniini, oang'weerda ak ghoadaayi beadooda madameega nigeawiit gaweeriidi aba lajita.

Mattayo 8:11

Asi geayeeshiineegwa, gayghapka fuga saang'a jea gwaleabu heeda ghayeawa ea heeda biyeara ak gaygoobiitpiit ak gweagiischi sea Abrahamu, ea Isaka, ea Yakobo aba jeeda sugoocheanduumeeda humng'eeda,

ISAYA 11:12

Ak gayghamiiinda beendeerajeanda goohiimsa eemoojiga gideaba gayghoawaam fuga Israeli ghayi siitaarda, nea ghabwada geat fuga Yuda ghayi darda mida meadajeega asang'wan sean bea ng'eanyiida.

ISAYA 49:12

Ng'ula suh gayghapka nea gwaleabu dea sheagi, nea suh gaygwaleabu wiilooda ng'eanyiida ghayeawa ea wiilooda ng'eanyiida biyeara, nea suh gaygwaleabu ng'eanyiida Sinimu.”

ISAYA 66:20

Nea gaygweana fugeagwa sean ooduupcheewi eemoojiga sean, gawuurji haleanjeeda sisapa geadi bea ghadooweeda aba heeda NG'UTAMIIDA, aba badayda digeeniga ea mutukwajeega ea badayda ghabearanga ea badayda digeeniga, ea badahuuka diyeanga asasi, bwak ea ghwahita giijeedeanyu ghaydit Yerusalemu gwarugu NG'UTAMIIDA. Gawuurji gida eatiideayda fuga Israeli haleanjeeda nyaawa sisapa geadi bea ghadooweeda gheeda NG'UTAMIIDA aba dabicheanda miy.

YEREMIYA 30:10

“Adiidu gibeali, Ea Yakobo gwarugu NG'UTAMIIDA, siideanyu bea gadiyeeda, Adiidu gigiisani, Ea Israeli; aba gideaba, gaydalealneey nea gindi dea sheagi, ea jeacheengaagu mida ng'eanyiida siipaleaksa. Yakobo gaygabiigu ak gaba seayu, ak ea manda siichea ghoabeal.

AMOSI 9:14

Ak gaydaaghuumu gicha fugeasu was Israeli ghayi siipaleak, ak gayghwadeas gicha mujiinajeega ghayi sinung'wa heeda ak goobiida jeesinga; ak gwahista sabiibu aba jeeda madameega nea ghwali difaayeadaanyi, nea geesin boostaanajeega ak geayaak haghweagaaschi.

MIKA 7:12

Eaweedida gajeapka headaang'u, nea geeleabu ng'eanyiida Ashuru ea Misri, ghang'eada Misri ea ghwahita Eenda, ghang'eada basooda ea ghwahita basooda ghang'eada giijeeda ea ghwahita giijeeda.

HAGAYI 2:7

ak gaydeaduumduum eemoojiga sean, ak abeeda haleanjeeda adiiw eemoojiga sean gayghapka hiji, ak gaydaanyiit gheawi gharbeeda, gwarugu NG'UTAMIIDA bea lugweega.

ISAYA 14:2

Fuga eemoojiga gayghaweat fuga Israeli gabiikta ng'eanyiida ghayi adaw NG'UTAMIIDA. Ak aba hoowa gaygagadiiyeesa fuga Israeli gawuurji soomjooga gadeemga ea headiga. Ak fuga ghayi abaleak gayghoah fuga ng'uta aba heeda fuga ang'waay ak gaygoombal fuga ghayi ghabwas.

ISAYA 49:17

Gea jea gwadeekneey ghapka nea ghwalamwajaan, ak gea jea ghwalas uhuudaang'u gaygaweay.